اِنجیلِ مَتّی 6:23 - کتاب مقدس به زبان مازندرانی - گویش شرقی

²³ ولی اَگه تِ چِش بَد بوئه، تِمومِ تِ وجود تاریکیِ جِم پِرِ. پَس اَگه اون نوری كه تِ دِله دَره تاریکیه، اون چه گَتِ تاریکی ایِ!

گیله ماز

²³ وَلی اَگِه تی چِش بَد هَبو، تمامِ تی وجودِ ظُلَمات گیرنه. پَس اَگِه اون نوری که تی دِلِه دَرِه ظُلَماتِ، اون چه گَتِه ظُلَماتِی هیسه!

کتاب مقدس به زبان مازندرانی - گویش غربی

²³ ولی اگه تی چِش بَد ووئِه، دِشته تی وجود تاریکی ای جا پِرِ. پَس اگه هون نوری گه تی دِلِه دَرِه تاریکیه، هون چی گَتِ تاریکی ایِه!

اِنجیلِ مَتّی 6:23 Iomraidhean Croise

اِنجیلِ مَتّی 20:15

مَگه مِن حَق نِدارمه اون طی که مِ دِل خوانِه شه مالِ هِمراه هاکانِم؟ چِش نِدارنی مِ دَس دِلوازی ره بَوینی؟'

اِنجیلِ مَتّی 6:22

«چِش، تَنِ چِراغِ. اَگه تِ چِش خوار بوئه، تِمومِ تِ وجود رووشِنِ،

مَرقُس 7:22

طِمَع، شِرارَت، حیله، هرزگی، حَسودی، تِهمَت، غرور و نِفَهمی بیرون اِنه.

لوقا 11:34

تِ چش، تِ تَنِ لمپائه. اگه تِ چِش سالم بوئه، تِموم تِ وجود رووشن بونه. ولی اگه تِ چِش فاسد بوئه، تِموم تِ وجودِ تاریکی گِرنه.

لوقا 8:10

عیسی بااوته: «خِدائه پادشاهیِ سِرِّ بِفَهمِسِن، شِما ره هِدا بَییه، ولی بَقیه هِمراه مَثِلِ هِمراه گَب زَمبه، تا: «هارِشِن، ولی نَوینِن؛ بِشنُئِن، ولی نِفَهمِن.“

رومی ایشون 1:22

هر چَن ادِعا کاردِنه حکیمِنه، نادون بَینه

اوّلین نامِه قُرنتیانی سِه 2:14

آدِمی که هِوا و هوسِ دِمبال دَووه، اون چیایی که خِدائه روحِ ربط دارنه ره قبول نَکانده چوون وه نَظِر نادونیِ، و نَتونده اونِ بِفَهمه، چوون فِقَط خِدائه روحِ هِمراه بونه اونِ دِرِسی ره تشخیص هِدائِن.

اِفِسُسیان 4:18

وِشونِ عقل تاریک بَییه، و نادونی ای خاطِری که وِشونِ سَنگ دِلیِ نتیجه ئه، خِدائه زندگیِ جِم دور بَینه.

اِفِسُسیان 5:8

چوون شِما یه وَختی تاریکیِ دِله دَئینی، ولی اِسا خِداوندِ دِله نورِنی. پَس نورِ وَچونِ واری رِفتار هاکانین.

اوّل یوحنا 2:11

ولی هر کی که شه بِرارِ جِم بیزارِ، تاریکیِ دِله دَره و تاریکیِ دِله قَدِم زَنده و وه نَدونده کجه شونه، چوون تاریکی وه چِشا ره کور هاکارده.