اِنجیلِ مَتّی 6:2 - کتاب مقدس به زبان مازندرانی - گویش شرقی

² «پَس هَر وَخت یِتا مِحتاجِ کُمِک کاندینی، اونِ ساز و کِرنائه هِمراه جار نَزِنین، اون طی که دِرویون، یَهودیونِ عِبادتگاه و کَر و کوچِهِ دِله کاندِنه تا بَقیه وِشونِ جِم تَعریف هاکانِن. حَییقَتِن شِما ره گامبه، وِشون شه اَجرِ بَییتِنه!

گیله ماز

² «پَس هَر وَخت صَدقه دَنی جار نَزِن، اونجور که دُرویان یَهودِیان عِبادَتگاه و کوچِه پس کوچه هانِ دِلِه کانَن تا مردم اوشانه جی تَعریف هَکُنَن. راس راسی شِمِره گونَم اوشان خودِشانِه اَجرِ بِیتَن!

کتاب مقدس به زبان مازندرانی - گویش غربی

² «پَس هر وَخت یَتِه مِحتاجِ کِمَک کِنِنی اونِه ساز و کِرنایی هَمرا جار نَزِنین، اونجور گه دُروئِن یَهودیِنی عِبادَتگاه و کَرِ کوچِه ای دِلِه کِنِنِه تا بَقیِه وِشونی جا تَعریف هاکِنِن. حَیقَتاً شِمارِ گِمِه وِشون شی اَجرِ بَیتِنِه!

اِنجیلِ مَتّی 6:2 Iomraidhean Croise

اِنجیلِ مَتّی 15:7

اِی دِرویون! اِشعیائه پِیغَمبِر چَنده خوار شِمه خَوِری پیشگویی هاکارده، اون وَختی که بااوته:

اِنجیلِ مَتّی 16:3

و اَگه صِواحی دَم، آسِمون سِرخ و بَییته بوئه گانِنی وارِش خوانه بِواره. چی طی این چیا ره دوندِنی، ولی نَتوندِنی زِمونائه نِشونِه ها ره دَرک هاکانین؟

اِنجیلِ مَتّی 22:18

ولی عیسی که دونِسه وِشون چه نَخشه ای بَکِشینِه، بااوته: «اِی دِرویون، چه مِ ره آزمود کاندینی؟

اِنجیلِ مَتّی 23:5

هَرکاری کاندِنه اینِ وِسه هَسه که مَردِم، وِشونِ بَوینِن: چوون وِشون شه آیه دونِ گَت تِر کاندِنه و شه بال و جَبینِ کَش وَندِنه و شه قَوائه بِنِ گِشادتَر گِرنِنه.

اِنجیلِ مَتّی 23:6

وِشون دوس دارنِنه مَجلِسِ دِله بالا بالا هِنیشِن و یَهودِ عِبادَتگاهِ دِله خوارتِرین جا ره دارِن

اِنجیلِ مَتّی 24:51

وه ره تیکه تیکه کانده و دِرویونِ سَرگُذِشت گِرِفتار کانده اونجه که بِرمه هاکاردِن دَره و تَرسِ جِم دَندون دَندونِ کَش خوارنه.

اِنجیلِ مَتّی 5:18

چوون حَییقَتِن شِما ره گامبه تا آسِمون و زِمین شه جائه سَر دَرِنه، هیچ حَرف یا یِتا نِختِه توراتِ جِم از بین نَشونه، تا اینکه تِمومِ اون اِنجام بَووه.

اِنجیلِ مَتّی 6:16

«وَختی روزِه گِرنی دِرویونِ واری، شه ره تِرش رو نَکِنین. وِشون شه قیافِه ره عَوِض کاندِنه تا شه روزه داری ره مَردِم دید بیارِن. حَییقَتِن شِما ره گامبه وِشون شه اَجرِ بَییتِنه!

اِنجیلِ مَتّی 6:3

ولی تِ، هَر وَخت صَدِقه دِنی، نییِل تِ چَپِ دَس، اونچیِ جِم که تِ راسِ دَس کانده خَوِردار بَووه.

اِنجیلِ مَتّی 6:5

«وَختی دِعا کاندی دِرویونِ واری نَواش. وِشون دوس دارنِنه یَهودیونِ عبادتگاه و کَر و کوچِهِ سَر اِیست هاکانِن و دِعا هاکانِن تا مَردِم وِشونِ بَوینِن. حَییقَتِن شِما ره گامبه وِشون شه اَجرِ بَییتِنه!

اِنجیلِ مَتّی 7:5

اِی دِرو، اَوِّل اون گَتِ چو ره شه چِشِ جِم بیرون بیار؛ اون وَخت بِهتر ویندی، تا کَمِلِ ذِرِّه ره شه برارِ چِش جِم بیرون بیاری.

مَرقُس 12:39

و عبادتگاه هائه دِله خوارتِرین جا ره دارِن و مهمونی هائه دِله بالا بالا هِنیشِن.

مَرقُس 7:6

عیسی وِشونِ بااوته: «اِشَعیائه پیغَمبِر شِما دِرویونِ وِسه چَنده خوار پیشگویی هاکارده! هَمون طی که بَنوِشته بَییه، «‌”این قوم شه زوونِ هِمراه مِ ره حِرمت اییِلنِنه، ولی وِشونِ دِل مِ جِم دُورِ.

لوقا 11:41

پَس اون چیایی جِم که شه دلِ دِله دارنِنی صَدَقه هادین و ویندِنی که همه چی شِمه وِسه پاکِ.

لوقا 11:43

وای به حال شِما ای عُلِمائه فریسی! چوون دوس دارنِنی عِبادَتگاهِ دِله بِهتَرین جا هِنیشین و مَردِم، کوچه بازارِ دِله شِما ره سِلام هاکانِن.

لوقا 12:33

اونچی دارنِنی ره بَروشین و فَقیرونِ هادین؛ شه وسه پول کیسه‌ هایی دِرِس هاکانین که نَپیسه، و گنجی آسِمونِ دِله که تِموم نَبونه، جایی که نا دِز وه ره دِزِّنه و نا لِمِک اونِ از بین وَرنه.

لوقا 12:56

ای دِرویون! شِما که آسِمون و زِمینِ وَضعیَتِ تعبیر هاکاردِنِ دوندِنی، چی طی نَتوندِنی این زِمونهِ وَضعیَتِ تعبیر هاکانین؟

لوقا 13:15

عیسیِ خِداوند وه جِواب بااوته: «ای دِرویون! هیچ کِدوم از شِما شنبه روز دِله شه گو یا خَرِ کِلومِ جِم واز نَکانده تا اوه هِدائِنِ وسه بیرون بَوِره؟

لوقا 20:46

«توراتِ مَلِّمون جِم دوری هاکانین، اونا دوس دارنِنه بِلِندِ قَوائه دِله راه بورِن و مَردِم، کوچه بازارِ دِله وِشونِ سِلام هاکانِن، و عبادتگاه هائه دِله بِهترین جا ره دارِن و مِهمونی هائه دِله بالا بالا هِنیشِن.

لوقا 6:24

«ولی وای به حال شِما که پولدارِنی، چوون همین اَلانِم شه راحتی ره بَییتِنی.

لوقا 6:42

چی طی توندی شه بِرارِ باری: ”بِرار، بییِل کَمِلِ ذِره ره تِ چشِ جِم بیرون بیارِم“، اِسا اون که دارکینگه ره شه چشِ دِله نَویندی؟ ای دِرو، اَوِّل دارکینگه ره شه چشِ جِم بیرون بیار، بعد بهتر توندی بَوینی تا کَمِلِ ذِره ره شه بِرارِ چشِ جِم بیرون بیاری.

اِنجیلِ یوحنا 13:29

بَعضی گمون هاکاردِنه که چوون یَهودا خَرجِ و بَرجِ پول کیسه ره دارنه، عیسی وه ره گانه اونچی عیدِ وِسه لازمه، بَخرین، یا اون که یَهودا وِنه یه چی فَقیرونِ هاده.

اِنجیلِ یوحنا 5:41

«آدِمون جِم جِلال قبول نَکامبه،

اِنجیلِ یوحنا 5:44

چی طی توندینی ایمون بیارین در حالی که جِلال، هَمدییهِ جِم قَبول کاندینی، و اون جِلالِ دِمبال، که خِدائه یکتائه طَرِفِ جِم بوئه، دَنینی؟

اِنجیلِ یوحنا 7:18

اونی که شه جِم گانه، شه جِلالِ دِمبال دَره، ولی اونی که شه فرسندهِ جِلالِ خوانه، راس گانه و وه دِله هیچ دِرویی دَنیه.

اعمال رَسولان 10:2

کُرنِلیوس یِتا دیندارِ مَردی بییه و تِمومِ وه خانِواده خِدائه جِم تَرسینه. کُرنِلیوس دست و دِلوازیِ هِمراه فَقیرونِ صَدَقه دائه و هَمِش خِدائه پلی دِعا کارده.

اعمال رَسولان 10:31

و بااوته: ”کُرنِلیوس، تِ دِعا مِستِجاب بَییه و صَدِقه هایی که دائی ره خِدا شه یاد بیارده.

اعمال رَسولان 10:4

کُرنِلیوس تَرسِ هِمراه وه ره هارِشیه و بااوته: «چی خوانی باری آقا؟» فرشته بااوته: «تِ دعاها و صدقه‌ها، یِتا ذِکرِ هدیهِ واری خِدائه پَلی بَرِسیه.

اعمال رَسولان 11:29

پَس شاگِردون تَصمیم بَییتِنه هر کِدوم، شه تِوانِ اِندا، یَهودیهِ بِرارونِ وِسه کُمِک بَفرِسِن.

اعمال رَسولان 24:17

«مِن بعد از چَن سال، اورشَلیمِ دِله بییَمومه تا شه قومِ وِسه صدقه بیارم و هدایا تَقدیم هاکانِم.

اعمال رَسولان 9:36

یافائه شَهرِ دِله یِتا شاگِرد که وه اسم طابیتا بییه زِندِگی کارده. یونانیونِ زِوون طابیتا ره دورکاس گاتِنه که وه مَعنی شوکا هَسه. این زنا شه ره خوارِ کارِ وَقف هاکارده بییه و فقیرونِ دَسِ گته.

رومی ایشون 12:8

اونی که تَشویق کانده، تَشویق هاکانه. اونی که کُمِک کانده، دَس دِلوازی هِمراه کُمِک هاکانه. اونی که رَهبِری کانده، این کارِ غیرتِ هِمراه هاکانه. و اونی که بَقیه ره رَحم و مِهروونی کانده، خِشالیِ هِمراه این کارِ هاکانه.

اوّلین نامِه قُرنتیانی سِه 13:3

اگه هر چی که دارمه ره صَدقه هادِم و شه تَنِ تَشِ اَلوکِ بسپارِم، ولی مِحَبَّت نِدارِم، هیچ سودی مِ عاید نوونه.

غَلاطیان 2:10

وِشون فِقط اَمه جِم بَخواسِنه که فَقیرونِ ‌فکر بوئیم، هَمون کاری که مِن شه هم وه مِشتاق بیمه.

اِفِسُسیان 4:28

دِز دییه دِزی نَکِنه، بلکه زَحمِت بَکِشه، و شه دَسائه هِمراه صداقتِ هِمراه کار هاکانه، تا بَتونه یه چی مِحتاجونِ هَم، هاده.

اوّل تِسالونیکیان 2:6

اِما اینِ دِمبال دَنی بیمی که یه نَفِر اِما ره بالا بَوِره، چه شِمه جِم و چه بَقیهِ جِم. هر چَن که اِما مَسیحِ رَسولون مَقامِ دِله این حَقِّ داشتیمی که اینِ شِمه جِم بِخوائیم

اول تیموتائوس 6:18

وِشونِ دستور هاده که خواری هاکانِن و خوارِ کارائه دِله دولِتمند بَووِن، بَخشنده و دَس دِلواز بوئِن.

فیلیمون 1:7

اِی بِرار، تِ مِحبّتِ جِم خَله خِشال بَیمه و تسلّی بَیتِمه، چوون مِقدَّسینِ دِل تِ خاطِری اَی هم جان بَییته.

نامِه مَسیحینی عبرانی نِژادی سِه 13:16

خواری هاکاردِنِ جِم و بَقیه ره شَریک هاکاردِن، اونچیِ دِله که دارنِنیِ جِم کِتاهی نَکِنین، چوون خِدا این طی قِروونی هائه جِم راضیِ.

اول پِطرُس 4:11

هر کس گَب زَنده، خِداوندِ واری گَب بَزِنه؛ و هر کس که خِدمِت کانده، اون قِوَّتِ هِمراه که خِدا دِنه خِدمِت هاکانه، تا همه چیِ دِله، خِدا عیسی مَسیحِ طَریقِ جِم جِلال بَیره. جِلال و سلطَنِت تا اَبد و تا اَبد وه هِمراه دَووه. آمین.