اِنجیلِ مَتّی 5:30 - کتاب مقدس به زبان مازندرانی - گویش شرقی

³⁰ اَگه تِ راسِ دَس باعث بونه گِناهِ دِله دَکِفی، اونِ بَورین و دِم هاده؛ چوون تِ وِسه بِهتَرِ یِتا عضوِ شه تَنِ از دَس هادی تا این که تِمومِ شه تَنِ هِمراه جَهَنِمِ دِله دِم هِدا بَووی.

گیله ماز

³⁰ اَگِه تی راسِ دَس باعث بونه گناه دِلِه دَکی، اونِه بَبین و تُوواد، چون تِرِه بِهتَرِ ایتا تیکه تیِ تَنِ از دَست هَدی تا اینکه تمام تی تَنِ هَمرَه جَهَنَمِ دِلِه تُووادِه هَبی.

کتاب مقدس به زبان مازندرانی - گویش غربی

³⁰ اگه تی راسِ دَس باعث وونِه گِناهی دِلِه دَکِفی، اونِه بَورین و دیم بَدِه؛ چون تیسِه بِهتَرِ یَتِه گِلی شی تَنِ از دَس هادی تا هَینگِه دِشتِه شی تَنی هَمرا جَهِنِمی دِلِه دیم بَدا بَووئی.

اِنجیلِ مَتّی 5:30 Iomraidhean Croise

اِنجیلِ مَتّی 11:6

خِش به حال اونی که مِ خَوِری شَک نَکِنه.»

اِنجیلِ مَتّی 13:21

ولی چوون بِنه نِدارنه فِقَط یه ذِرِه دَووم یارنه. وَختی کِلامِ خاطِری آزار اَذیَّت وینده، شه ایمونِ جِم بَرگِردِنه.

اِنجیلِ مَتّی 16:23

عیسی بَردَگِردِسِه پطرسِ بااوته: «دور بَواش اِی شِیطان! تِ مِ راهِ دَمِ گِرنی، تِ فکر و خیال آدِمیِ جِم هَسه، نا خِدائه جِم.»

اِنجیلِ مَتّی 17:27

ولی اینِ وِسه که وِشونِ نَرِنجونیم، دَریالو بور و قَرماق دِم هاده. اَوِّلین مائی ره که بَییتی وه دِهونِ واز هاکان. یِتا سِکّه چهار دِرهمی پی دا کاندی. اون سِکّه ره بَیر و مِ مالیات و شه مالیاتِ جا، وِشونِ هاده.

اِنجیلِ مَتّی 18:8

« اَگه تِ دَس یا لینگ، تِ ره گِناه کَشِنه، اونِ بَورین و دِم هاده، چوون که تِ وِسه بهتَرِ که شَل یا چِلِخ اَبَدی زندگی دِله بُوری تا این که دَس و لینگِ هِمراه، اَبدی تَشِ دِله دِم هِدا بَووی.

اِنجیلِ مَتّی 22:13

اون وَخت پادشاه شه نوکرونِ بااوته: 'وه دَس و لینگِ دَوِندین و وه ره بیرون ظِلِمادِ دِله دِم هادین، اونجه که بِرمِه هاکاردِن دره و تَرسِ جِم دَندون دَندونِ کَش خوارنه.'

اِنجیلِ مَتّی 25:20

اون نوکِر که شه صد سالِ دَسمِزِ اِندا بَییته بییه، هَمون اِندا که سود هاکارده بییه ره شه هِمراه بیارده و بااوته: ارباب، مِ ره مِ صَد سالِ دَسمِزِ اِندا پول هِدا بیئی، وه هِمراه شه صَد سالِ دَسمِزِ اِندا سود هاکاردِمه.

اِنجیلِ مَتّی 26:31

اون وَخت عیسی وِشونِ بااوته: «اِمشو شِما هَمه مِ ره تینا اییِلنِنی. چوون که زکریائه پیغمبرِ کتابِ دِله بَنوِشته بَییه: «”چَپونِ زَمبه و رَمهِ گُسفِنا پخش و پِلا بونِنه.“

اِنجیلِ مَتّی 5:22

ولی مِن شِما ره گامبه: هَر کی شه بِرارِ وِسه خَشم بَیرِه، مجازات بونه و هر کی شه بِرارِ توهین هاکانه، وه ره مَحکَمه کَشِنِنه و اَگه وه ره باره بی عَقل، جَهَنِمِ تَشِ مِستَحَق بونه.

اِنجیلِ مَتّی 5:29

پَس اَگه تِ راسِ چِش باعِث بونه گِناهِ دِله دَکِفی، اونِ دَر بیار و دِم هاده؛ چوون تِ وِسه بِهتَرِ یِتا عضوِ شه تَنِ از دَس هادی تا این که تِمومِ شه تَنِ هِمراه جَهَنِمِ دِله دِم هِدا بَووی.

مَرقُس 9:43

اگه تِ دَس تِ ره گِناه کَشِنه، اونِ بَورین. تِ وِسه بِهتَرِ که یِتا دَسِ هِمراه، اَبِدی زندگیِ دِله بُوری تا این که دِتا دَسِ هِمراه جَهَنِمِ دِله بوری، اون تَشی که هیچ وَخت دَکوشته نَوونه.

لوقا 12:5

ولی شِما ره هِشدار دِمبه وِنه کِنه جِم بَتِرسین: وه جِم بَتِرسین که بَعدِ از اون که بَکوشته، اِقتدار دارنه جَهَنِمِ دِله دم هاده. اَره، شِما ره گامبه وه جِم بَتِرسین.

لوقا 17:2

وه وِسه بِهتَر بییه، یِتا آسیوِ سَنگ وه گَردِن وَسِّنه و وه ره دریائه دِله دِم دانه تا اینکه باعث بَووه یِتا از این کِچیکون گِناه دَکِفه.

رومی ایشون 9:33

هَمون طی که اِشعیائه پِیغَمبِرِ کِتابِ دِله بَنوِشته بَییه: «هارِشین، صَهیونِ دِله یِتا سَنگ اییِلمه که دَکِتِنِ باعث بَووه، و یِتا صخره‌ که دَکِتِنِ باعث بَووه؛ و هر کی که وه ره ایمون بیاره، شَرمنده نَوونه.»

اوّلین نامِه قُرنتیانی سِه 8:13

اینِ وِسه، اگه خِراک مِ بِرارِ لغزشِ باعث بونه، هیچ وَخت گوشت نَخارمه تا وه لَغزشِ باعث نَووِم.

غَلاطیان 5:11

ولی ِای بِرارون، اَگه هَمتی مِن خَتنه هاکاردِنِ موعظه کاردِمه، دییه چه آزار اذیّت ویندِسِمه؟ پَس اگه این طی کاردِمه، دییه صلیبِ پیغوم، هیچ کسِ بَرنَخُرده .

اول پِطرُس 2:8

و هم، اِشعیائه کتابِ دِله بَنوِشته بَییه: «یِتا سَنگ که دَکِتِنِ باعث بَووه، و یِتا صخره‌ که دَکِتِن باعث بَووه.» وِشون کَفِنِنه چوون خِدائه کِلامِ جِم اِطاعت نَکاندِنه، هَمون طی که این کارِ وِسه تعیین بَینه.