اِنجیلِ مَتّی 5:20 - کتاب مقدس به زبان مازندرانی - گویش شرقی

²⁰ چوون شِما ره گامبه تا شِمه صالح بییَن، توراتِ مَلِّمون وعُلِمائه فِرقِه فَریسیِ صالح بییَن جِم ویشتَر نَبوئه، آسِمونِ پادشاهیِ دِله نَشونِنی .

گیله ماز

²⁰ چون شِمِره گونَم تا شیمی صالحی، توراتِ مُعَلِمین و عُلَمایِ فِرقِه فَریسی یه صالحی یه جی بیشتَر نبو، آسِمانِ پادشاهی یه دِلِه نَشونین.

کتاب مقدس به زبان مازندرانی - گویش غربی

²⁰ چون شِمارِ گِمِه تا شِمِه صالِح ووئَن توراتی مَلِّمِن و عِلَمای فِرقِه فَریسی ای صالِح ووئَنی جا ویشتَر نَووئِه، آسِمونی پادشاهی ای دِلِه نَشونِنی.

اِنجیلِ مَتّی 5:20 Iomraidhean Croise

اِنجیلِ مَتّی 16:12

اون وَخت شاگِردون بِفَهمِسِنه که عیسی، فَریسیون و صَدوقیونِ تَعلیم هِدائِنِ خَوِری، هِشدار دِنه، نا نونِ خَمیرمایهِ جِم.

اِنجیلِ مَتّی 18:5

هر کی این طی وَچِه ره مِ اسمِ خاطِری قبول هاکانه مِ ره قبول هاکارده.

اِنجیلِ مَتّی 3:10

حَتَّی اَلان هم تور، دارِ ریشهِ سَر دَره و هر داری كه خوارِ مَحصول نیارِه، بَوری و تَشِ دِله دِم هِدا بونه.

اِنجیلِ مَتّی 7:21

«نا هَر کی كه مِ ره 'خِداوند ، خِداوند' باره آسِمونِ پادشاهیِ دِله شونه، بلکه فِقَط کِسی شونه که مِ پییِرِ خواسه که آسِمونِ دِله دره ره اِنجام بَرِسونه.

مَرقُس 10:15

حَییقَتاً، شِما ره گامبه، هر کی خِدائه پادشاهی ره وچهِ واری قبول نَکِنه، هیچ وَخت اونِ دِله نَشونه.»

مَرقُس 10:25

شِتِرِ رَد بَیِّن، دَرزِنِ سولاخِ جِم آسونترِ از پولدارِ بُوردِن، خِدائه پادشاهیِ دِله ئه.»

لوقا 11:44

وای بر شِما! چوون شِما بی علامتِ قبرا ره مُوندِنِنی که مَردِم نَدوندِنه و اونائه سَر راه شونِنه.»

لوقا 12:1

هَمون مووقه، هزارون نَفِر جَمع بَینه، جوری که هَمدییه ره لینگِ لو گِتِنه. عیسی اَوِّل شه شاگِردون هِمراه گَب بَزو و بااوته: «عُلِمائه فِرقه فریسیِ خمیرمایه جِم که دِروئیِ، دُوری هاکانین.

لوقا 18:17

حَییقَتاً، شِما ره گامبه، هر کی خِدائه پادشاهی ره وچه ای واری قبول نَکِنه، هیچ وَخت اونِ دِله نَشونه.»

دوّمین نامه قرنتیانِ وَسین 3:9

چوون اگه خِدمِتی که مَحکومیتِ خَتم بونِسه، جِلالِ هِمراه بییه، چَنده ویشتر خِدمِتی که صالح بِشمارِسِنِ خَتم بونه، جِلالِ جِم پِرِ.

دوّمین نامه قرنتیانِ وَسین 5:17

پَس اگه یه نَفِر مَسیحِ دِله دَووه، تازهِ خلقتِ. هر چی که کهنه بییه دییه تِموم بَییه؛ اِسا، همه چی تازه بَییه!

فیلیپیان 3:9

و وه دِله پی دا بَووِم، نا مِ صالحیِ هِمراه، که شَریعتِ جِم اِنه، بلکه اون صالحیِ هِمراه که مَسیحِ ایمونِ راهِ جِم به‌دَس اِنه، اون صالحی که خِدائه جِم هَسه و طبقِ ایمونِ.

نامِه مَسیحینی عبرانی نِژادی سِه 12:14

تَقِلّا هاکانین تِمومِ مَردِمِ هِمراه صِلح و سِلامتیِ دِله دَووین و مِقَدَّس بوئین، چوون بدونِ قدّوسیت هیچ‌کی خِداوندِ نَوینده.

یوحنایِ مکاشفه 21:27

ولی هیچ ناپاکی و هیچ کس که وه کارا نفرت انگیزِ و دِراغِ جِم بوئه، اَصلاً وه دِله نَشونه، بلکه فِقَط اونائه اسم که ورهِ حیاتِ دفتِرِ دِله بَنوِشته بَییه، وه دِله شونِنه.