اِنجیلِ مَتّی 5:19 - کتاب مقدس به زبان مازندرانی - گویش شرقی

¹⁹ پَس هَر وَخت هر کی حَتَّی شَریعتِ کِچیکتِرین اَحکام بِشکِنه و دیگرونِ هم این طی تَعلیم هاده، آسِمونِ پادشاهیِ دِله کَمتِرین بِشمارِسه بونه. ولی، هَر کی شَریعتِ اَحکامِ به جا بیارِه و دیگرونِ هَم این طی تَعلیم هاده، آسِمونِ پادشاهی دِله گَت بااوته بونه.

گیله ماز

¹⁹ پَس هر کسی ایتا از این کوچیکتَرین اَحکامِ سَر سَری بَگیره و دیگَران رِه هَم هَمینجور تعلیم هَدِه، آسِمانِ پادشاهی دِلِه کَمتَرین دُخوانده بونه. وَلی هَر کی شَریعَتِ اَحکامِ بِجا بیارِه و دیگَران رِه هَم هَینجور تعلیم هَدِه، آسِمانِ پادشاهی یه دِلِه گَتِه دُخوانده بونه.

کتاب مقدس به زبان مازندرانی - گویش غربی

¹⁹ پَس هر وَخت هر کی حتّی شَریعَتی کِچیکتَرین اَحکامِ بِشکِنِه و دیگَرونِ هَم هَینجور تعلیم هادِه، آسِمونی پادشاهی ای دِلِه کَمتَرین بِشمارِس وونِه. ولی هر کی شَریعَتی احکامِ بِجا بیارِه و دیگَرونِ هَم هَینجور تعلیم هادِه، آسِمونی پادشاهی ای دِلِه گَتِه بَخونِس وونِه.

اِنجیلِ مَتّی 5:19 Iomraidhean Croise

اِنجیلِ مَتّی 11:11

حَییقَتِن شِما ره گامبه که هیچ کی یحییِ تَعمید دَهِندهِ جِم گَت تِر، مارِ جِم بِزائه نَییه. با این وجود، اونی که آسِمونِ پادشاهیِ دِله همه جِم کِچیک تَرِ وه جِم گَت تِرِ.

اِنجیلِ مَتّی 19:28

عیسی وِشونِ بااوته: «حَییقَتاً شِما ره گامبه اون تازِه دِنیائه دِله وَختی اِنسانِ ریکا شه پادشاهیِ تَختِ سَر هِنیشه، شِما هم که مِ دِمبالِرونی، دِوازه تَختِ سَر نیشِنِنی و اِسرائیلِ دِوازه قَبیله ره داوِری کاندینی .

اِنجیلِ مَتّی 20:26

ولی شِمه میون این طی نَبوئه. هر کی خوانه شِمه میون گَت تِر بوئِه، وِنه شِمه نوکِر بوئِه.

اِنجیلِ مَتّی 28:20

و وِشونِ تَعلیم هادین که اونچی شِما ره دَستور هِدامه ره به جا بیارِن. بَدونین مِن تا آخِرِ زِمون هَمِش شِمه هِمراه دَرمبه.»

لوقا 1:15

چوون وه خِداوندِ نَظِر، گَتِ مَردی بونه. یحیی نَووِسه هیچ وَخت، شِراب یا عَرِقِ تِک بَزِنه. حَتَّی وه شه مارِ اِشکِمِ دِله، روح‌القدسِ جِم پِر بونه،

لوقا 11:42

«وای بر شِما ای عُلِمائه فَریسی! شِما نَعناع و شِفید و همه جور سَبزیِ جِم دَه‌ به یک دِنِنی، ولی عِدالَتِ نَدید گِرنِنی و خِدائه مِحَبَّتِ جِم غافِلِنی. اینا ره هم وِنه به‌جا یاردینی و اونا ره هم از یاد نَوِردینی.

لوقا 9:48

و وِشونِ بااوته: «هر‌ کی این وَچه ره مِ اسمِ خاطِری قبول هاکانه، مِ ره قَبول هاکارده؛ و هر کی مِ ره قَبول هاکانه، اونی که مِ ره بَفرِسیه ره قَبول هاکارده. چوون شِما همهِ میون اونی گَت تِرِ که هَمهِ جِم کِچیکتر بوئه.»

اعمال رَسولان 1:1

ای تِئوفیلوس، مِن شه اَوِّلین کتابِ، تِمومِ کارائه خَوِری بَنوِشتِمه که عیسی اونِ اِنجام هِدائِن و تعلیمِ شِروع هاکارده

رومی ایشون 3:8

و چه ناریم: «بِئین بَدی هاکانیم تا خواری به دَس بِیّه»، هَمون طی که بَعضیا اِما ره تِهمت بَزونه، اِدِّعا کاندِنه که این طی گامبی؟ اینائه مَحکومیت خَله عادلانه ئه.

رومی ایشون 6:1

پَس چی باریم؟ همین طی گِناه هاکانیم تا فِیض زیاد بَووه؟

رومی ایشون 6:15

پَس چی باریم؟ چوون شَریعتِ بِن دَنیمی، بلکه فیضِ بِن دَرِمبی، گِناه هاکانیم؟ اَصلاً!

اول تیموتائوس 6:11

ولی تِ که مَردِ خِدایی، این چیائه جِم فِرار هاکان، و صالحی، دینداری، ایمون، مِحَبَّت، پایداریی و ملایمتِ دِمبال دَواش.

تیتوس 3:8

این گَبِ بونه اِعتماد هاکارد. و تِ جِم خوامبه که این چیائه سَر اصرار داری، تا اونایی که خِدا ره ایمون بیاردِنهِ حِواس دَووه که شه ره خوارِ کارائه وِسه وَقف هاکانِن، این چیا مَردِمِ وِسه خوارِ و فایده دارنه.

اول پِطرُس 5:4

و اون وَختی که چَپونونِ رئیس ظِهور هاکانه، اون جِلالِ تاج که از بین نشونه ره به دَس یارنِنی.

اوّل یوحنا 3:4

هر کی گِناهِ دِله زِندِگی کانده شَریعتِ علیه زندگی کانده؛ گناه، شَریعتِ علیه عَمِل کانده.

یوحنایِ مکاشفه 2:20

ولی این شکایتِ تِ جِم دارمه، اون زِنا که وه اسم ایزابلِ و شه ره نبیه دونده ره آسون گِرنی. وه که مِ نوکِرونِ تَعلیم دِنه و از راه به دَر کانده تا بی عفتی هاکانِن و اون غِذاهائه جِم که بِتهائه پیشکش بَییه بَخُرِن.