اِنجیلِ مَتّی 4:7 - کتاب مقدس به زبان مازندرانی - گویش شرقی

⁷ عیسی جِواب هِدا: «این هم توراتِ دِله بَنوِشته بَییه که: خِداوَند شه خِدا ره آزمود نَکِن.'»

گیله ماز

⁷ عیسی جَواب هَدَه: «این هَم توراتِ دِلِه بَنوِیشتِه هَبا که: «”خداوند تیِ خُدا رِه آزمون نَکُن.“»

کتاب مقدس به زبان مازندرانی - گویش غربی

⁷ عیسی جِواب هادا: «هَین هَم توراتی دِلِه بَنوِشت بَوِه گه: «”خِداوَند شی خِدارِه آزمود نَکِن.“»

اِنجیلِ مَتّی 4:7 Iomraidhean Croise

اِنجیلِ مَتّی 21:16

پَس عیسی ره بااوتِنه: اِشنُنی این وَچون چی گانِنه؟» عیسی وِشونِ جِواب هدا: «اَرِه اِشنُمبه! مَگِه شِما مزامیرِ کِتابِ نَخوندِسینی؟ اونجه بَنوِشته بَییه که حَتَّی کِچیکِ وَچون و چِلیکِ وَچون هم شه زِوونِ هِمراه وه ره حَمد و ثناء کاندِنه.

اِنجیلِ مَتّی 21:42

اون وَخت عیسی وِشونِ بااوته: «مَگِه تا اَلان مزامیرِ کتابِ دِله نَخوندِسِنی که: ”هَمون سَنگی که بَنّاها وه ره دِم هِدانه، بَنائه اصلی ترین سَنگ بَییه. خِداوند این طی هاکارده و اَمه نَظِر عجیب اِنه؟“

اِنجیلِ مَتّی 4:10

عیسی اِبلیسِ بااوته: «دور بَواش اِی شِیطان! توراتِ دِله بَنوِشته بَییه: «”خِداوَند، شه خِدا ره وِنه پَرَسِش هاکانی و فِقَط وه ره خِدمِت هاکانی.“»

اِنجیلِ مَتّی 4:4

عیسی وه جِواب بااوته: توراتِ دِله بَنوِشته بَییه: اِنسان فِقَط نونِ هِمراه زِنده نییه، بلکه، هر کِلامی كه خِدائه دِهونِ جِم بیرون اِنه.'»

لوقا 4:12

عیسی جِواب هِدا: «توراتِ دِله بییَمو، ”خِداوند، شه خِدا ره آزمود نَکِن.“ ‌»

اعمال رَسولان 15:10

پَس اِسا چه خِدا ره آزمود کاندینی و یِتا یوغ شاگردونِ گَردِن اییِلنِنی که نا اِما تونِسیمی اونِ بَکِشیم، نا اَمه پییِرون؟

اعمال رَسولان 5:9

پِطرُس وه ره بااوته: «چه هَمدییهِ هِمراه هَمدَس بَینی تا خِداوندِ روحِ آزمود هاکانین؟ اونایی که تِ مَردی ره دَفن هاکاردِنه، اَلان دَرِ پَلی دَرِنه و تِ ره هم بیرون وَرنِنه.»

اوّلین نامِه قُرنتیانی سِه 10:9

و اِما نَوِسه مَسیح ره آزمود هاکانیم، هَمون طی که وِشونِ جِم بَعضیا هاکاردِنه و مَرهائه هِمراه بَکوشته بَینه.

نامِه مَسیحینی عبرانی نِژادی سِه 3:9

اونجه که شِمه پییِرون مِ ره آزمود هاکاردِنه، و چهل سال مِ کارا ره بَدی بینه.