اِنجیلِ مَتّی 4:22 - کتاب مقدس به زبان مازندرانی - گویش شرقی

²² وِشون دَرجا لَتکا و شه پییِرِ وِل هاکاردِنِه و وه دِمبال بُوردِنه.

گیله ماز

²² اوشان دَرجا لوتکا و خودِشانِه پیَرِ وِل هَکُردنِ و اونه دُمّالسَر بَشَن.

کتاب مقدس به زبان مازندرانی - گویش غربی

²² وِشون دَرجا لوتکا و شی پیرِ وِل هاکِردنِه و وی دِمال بوردِنِه.

اِنجیلِ مَتّی 4:22 Iomraidhean Croise

اِنجیلِ مَتّی 10:37

«هر کی شه پییِرمارِ مِ جِم ویشتَر دوس داره، مِ لایِق نییه و هَر کی شه کیجا یا ریکا ره مِ جِم ویشتَر دوس داره، مِ لایِق نییه.

اِنجیلِ مَتّی 4:21

عیسی اَتِ کم جلوتَر بُورده و دِتا برارِ دییه یَعنی یَعقوب، زِبِدیِ ریکا و وه بِرار یوحنا ره بَدیئه كه شه پییِر، زِبِدیِ هِمراه، لَتکا دِله نیشته بینه و داشتِنه شه تورِ دِرِس کاردِنه، عیسی وِشونِ هم بااوته مِ دِمبال بِئین.

اِنجیلِ مَتّی 4:23

عیسی تِمومِ جَلیلِ دِله گِردِسه، یَهودیونِ عبادتگاه دِله تَعلیم دائه، خِدائه پادشاهی ره اِعلام کارده و مَردِمِ مَرِض و ناخِشی ره شِفا دائه.

مَرقُس 1:20

عیسی دَرجا وِشونِ صدا هاکارده. وِشون هم شه پییِر زِبِدی ره کارگرونِ هِمراه لتکائه دِله سَر بییِشتِنه و وه دِمبال راه دَکِتِنه.

لوقا 14:26

«هر‌ کی مِ پَلی بِیّه و شه پییِر مار، زِنا و وَچه، بِرار و خواخِر و حَتَّی شه جانِ جِم نَفرِت نِداره، نَتونده مِ شاگرد بوئه.

لوقا 14:33

همین طی، هیچ‌ کِدوم از شِما هم اگه تِموم چیایی جِم که دارنه دَس نَکِشه، نَتونده مِ شاگرد بوئه.

لوقا 5:11

وَختی وِشون شه لَتکا ها ره دریالو بیاردِنه، همه چی ره وِل هاکاردِنه و وه دِمبال بُوردِنه.

دوّمین نامه قرنتیانِ وَسین 5:16

پَس اِما دییه بعد از این هیچ کسِ طبقِ جِسم نِشناسِمبی. هر چَن قبلاً مَسیحِ طبقِ جِسم اِشناسی بیمه، اِسا دییه این طی نییه.