اِنجیلِ مَتّی 4:13 - کتاب مقدس به زبان مازندرانی - گویش شرقی

¹³ و ناصِرهِ شَهرِ دِله نَموندِسه، بلکه كَفَرناحوم بورده و اونجه زِندِگی هاکارده. کَفَرناحوم، جَلیلِ دریائه پَلی و زِبولون و نَفتالیِ مَنطقهِ دِله بییه.

گیله ماز

¹³ ایما ناصِره یه شَهرِ تَرک هَکوردِه، به كَفَرناحوم بَشَه و اوجِه بُمانِسِّه. کَفَرناحوم جَلیلِ دَریایِ ور و زِبولون و نَفتالی یه مَناطِقِ دِلِه دَبا.

کتاب مقدس به زبان مازندرانی - گویش غربی

¹³ و ناصِره ای شَهری دِلِه نَمونِسِه، بَلگی كَفَرناحوم بوردِه و اوجِه زندِگی هاکِردِه. کَفَرناحوم جَلیلی دَریایی وَر و زِبولون و نَفتالی ای مَنطقِه ای دِلِه وِه.

اِنجیلِ مَتّی 4:13 Iomraidhean Croise

اِنجیلِ مَتّی 11:23

ولی تِ اِی كَفَرناحومِ شَهر فکر کاندی تا آسِمون سَر کَشِنی! جَهَنِمِ دِله سَرنِگون بونی، چوون اَگه مُعجِزه هایی كه تِ دِله اِنجام بَییه سُدومِ دِله اِنجام بونِسه، اون شَهر تا اَمروز به جا موندِسه.

اِنجیلِ مَتّی 17:24

وَختی عیسی و وه شاگِردون كَفَرناحومِ شَهر بَرِسینه، اونایی که یَهودیونِ مَعبِدِ مالیاتِ جَمع کاردِنه، پِطرسِ پَلی بییَمونه و بااوتِنه:«شِمه اِسّا مَعبِدِ مالیاتِ نِخوانه هاده؟» مَعبِدِ مالیات دِ دِرهم بییه که دِ روز کارگرِ دَسمِزِ اِندا بییه.

اِنجیلِ مَتّی 4:14

این كارِ هِمراه اِشعیائه پیغَمبِرِ گَب اِنجام بَرِسیِه كه بااوته بییه:

اِنجیلِ مَتّی 4:15

«زِبولون مِلک و نَفتالیِ مِلک، که دریائه راهِ سَر و اُردُنِ اون دَس دَرِنی، جَلیلِ مِلَتها،

اِنجیلِ مَتّی 9:1

عیسی لَتکا سِوار بَییه و دریائه جِم رَد بَییه و شه شَهر بییَمو.

مَرقُس 1:21

وِشون کَفَرناحومِ شَهر بُوردِنه. وَختی مِقدَّسِ شنبه بَرِسیه، عیسی دَرجا یَهودیونِ عِبادَتگاهِ دِله بُورده و دَییه تَعلیم دائه.

مَرقُس 2:1

بعد از چَن روز، وَختی عیسی کَفَرناحومِ شَهر بَردَگِردِسه، مَردِم خَوِردار بَینه که عیسی سِره دَره.

لوقا 10:15

و تِ ای کَفَرناحومِ شَهر، خیال کاندی تا آسِمون سَر کَشِنی؟ نا، بلکه جَهَنِمِ دِله سرنگون بونی.

لوقا 4:23

عیسی وِشونِ بااوته: «بی شَک این مَثِلِ مِ وِسه یارنِنی، ”اِی طَبیب شه ره شِفا هاده! اونچی که بِشنُسیمی کَفَرناحومِ دِله هاکاردی، اینجه شه زادگاهِ دِله هم هاکان»

اِنجیلِ یوحنا 2:12

بعد از اون شه مار و بِرارون و شاگِردونِ هِمراه کَفَرناحومِ شَهر بُورده، و چَن روز اونجه بَمونسِنه.

اِنجیلِ یوحنا 4:46

بعد اَت کَش دییه عیسی قانایِ جَلیلِ دِله بُورده، همونجه که اوه ره شِراب هاکارده بییه. اونجه یِتا از درباریون دَییه که یِتا مریضِ ریکا، کَفَرناحومِ شَهرِ دِله داشته.

اِنجیلِ یوحنا 6:17

و لَتکا سِوار بَینه، دریائه اون دَس، کَفَرناحومِ شَهرِ سَمت راه دَکِتِنه. هِوا تاریک بَییه بییه، ولی عیسی هَمتی وِشونِ پَلی نییَمو بییه.

اِنجیلِ یوحنا 6:24

پَس وَختی جَمیِّت بِفَهمِسِنه که نا عیسی اونجه دره و نا وه شاگِردون، وِشون لَتکاها ره سِوار بَینه و عیسیِ پی دا هاکاردِنِ وِسه کَفَرناحوم بُوردِنه.

اِنجیلِ یوحنا 6:59

عیسی این گبا ره وَختی بَزو که کَفرناحومِ یِتا عِبادَتگاهِ دِله دَییه تَعلیم دائه.