اِنجیلِ مَتّی 3:6 - کتاب مقدس به زبان مازندرانی - گویش شرقی

⁶ و شه گِناهونِ اِعتراف کاردِنه و اُردنِ رودخانه دِله وه جِم غسلِ تَعمید گِتِنه.

گیله ماز

⁶ وخودِشانِه گُناهانِ اِعتراف کانه بان و اُردُنِ روخانه یه دِلِه اونه جی غسل تَعمید گیرنه بان.

کتاب مقدس به زبان مازندرانی - گویش غربی

⁶ و شی گِناهِنِ اِعتراف کِردِنِه و اُردُن روخِنِه ای دِلِه ویجا غِسلِ تَعمید گیتِنِه.

اِنجیلِ مَتّی 3:6 Iomraidhean Croise

اِنجیلِ مَتّی 3:11

مِن شِما ره اوهِ هِمراه تَعمید دِمبه، ولی اونی که بَعدِ از مِن اِنه، مه جِم قویتر هَسه و مِن حَتَّی لایِقِ این کار نیمِه كه وه کوشِ، وه لینگِ وَر جِفت هاکانِم. وه شِما ره روح القدس و تَشِ هِمراه تَعمید دِنه.

مَرقُس 1:5

تِمومِ یَهودیهِ مَنطقهِ مَردِم و تِمومِ اورشَلیمِ مَردِم، یحیی پَلی شینه و شه گِناهونِ اِعتراف کاردِنه و وه جِم اُردن رودخانهِ دِله تَعمید گِتِنه.

لوقا 1:16

خَیلیا ره اِسرائیلِ قوم جِم، خِداوندِ سَمت، وِشونِ خِدا بَرگِردِندِنه.

لوقا 3:16

یحیی تِمومِ وِشونِ این طی جِواب دائه و گاته: «مِن شِما ره اوهِ هِمراه تَعمید دِمبه، ولی کِسی مِ جِم قوی تِر اِنه که حَتَّی مِن لایق نیمِه وه کوشِ بَنِّ واز هاکانِم. وه شِما ره روح‌القُدس و تَشِ هِمراه غسل تَعمید دِنه.

اعمال رَسولان 1:5

یحیی اوهِ هِمراه غسلِ تَعمید دائه، ولی شِما چَن روز دییه روح‌القُدسِ هِمراه غسلِ تَعمید گِرنِنی.»

اعمال رَسولان 11:16

بعد خِداوندِ گَبِ شه یاد بیاردِمه که بااوته بییه: ”یحیی اوهِ هِمراه غسلِ تَعمید دائه ولی شِما روح القدُسِ هِمراه تَعمید گِرنِنی.“

اعمال رَسولان 19:18

و خَله از اونایی که ایمون بیارده بینه، جلو بییَمونه، شه کارا ره آشکارا اِعتراف هاکاردِنه.

اعمال رَسولان 22:16

اِسا چیه اِنتِظارِ کَشِنی؟ پِرِس و وه اسمِ بَخون و غسلِ تَعمید بَیر و شه گِناهونِ جِم پاک بَواش!“

اوّلین نامِه قُرنتیانی سِه 10:2

تِمومِ وِشون اَبرِ دِله و دَریائه دِله، غِسلِ تَعمید بَییتِنه و این کارِ هِمراه سِراغ هِدانه که خوانِنه موسیِ دِمبالرو بوئِن.

کولُسیان 2:12

وه هِمراه غسلِ تعمیدِ دِله، دَفن بَینی، و ایمونِ طریق که خِدائه قِوَّتِ هِمراه عمل کانده که مَسیحِ مِرده هائه جِم زنده هاکارده، وه هِمراه زنده بَینی.

نامِه مَسیحینی عبرانی نِژادی سِه 6:2

و غسلِ تعمیدهائه یاد هِدائِن، دسگذاری‌ها، مِرده هائه جِم زنده بَیِّن و اَبدی داوِری ره بییِلیم.

نامِه مَسیحینی عبرانی نِژادی سِه 9:10

بلکه اینا فِقَط خِراکی ها و نوشیدنی ها و جورواجورِ غِسل ها و قانونایی نه که تَنِ ربط دارنِنه و فِقَط تا مووقه ای اعتبار دارنِنه که خِدا تازه ترتیب هاده.

یعقوبِ نامه 5:16

اینِ وِسه هَمدییه پَلی شه گِناهونِ اِعتراف هاکانین و هَمدییه وِسه دِعا هاکانین تا شِفا بَیرین. صالحِ آدِمِ دعا، خَله قِوَّتِ هِمراه عَمِل کانده.

اول پِطرُس 3:21

و این اوه غسلِ تعمیدِ نِمونه ئه که اَلان شِما ره نِجات دِنه، یِتا تَعمید که تَنِ کثیفیِ وِسه نییه، بلکه یِتا پاکِ وجدانِ آرزوئه که خوانه خِدا ره بَوینه. این تَعمید عیسی مَسیحِ زِنده بَیِّن طَریقِ جِم شِما ره نِجات دِنه،

اوّل یوحنا 1:9

اگه اِما شه گِناهونِ اِعتراف هاکانیم، وه که وِفادار و عادلِ، اَمه گِناهونِ بَخشِنه و هر نادِرِسیِ جِم اِما ره پاک کانده.