اِنجیلِ مَتّی 3:12 - کتاب مقدس به زبان مازندرانی - گویش شرقی

¹² وه شه چَنگَکِه، شه دَس دارنه و شه خَرمِنِ جا ره پاک کانده. گَندِمِ اِمباری دِله جَمع کانده و کَمِلِ، اون تَشِ دِله که اَصلاً دَکوشته نَوونِه سوزِندِنه.»

گیله ماز

¹² اون خودشه چنگَکِ خودِشه دَس دَاره و خودشه خَرمَنگاهِ پاک کانه. گَندُمِ کندوجِ دِلِه جَم کانه، ولی کَمِل اون تَشِ دِلِه که اَصلاً خاموش نَبونه سوزاندِنِه.»

کتاب مقدس به زبان مازندرانی - گویش غربی

¹² وی شی چَنگَکِ شی دَس دارنِه و شی خَرمَن جارِه پاک کِنِّه. گَنِّمِ اَمباری دِلِه جَم کِنِّه و کَمِلِ اون تَشی دِلِه گه اَصلاً دَکوشانی نَوونِه سوجانِّه.»

اِنجیلِ مَتّی 3:12 Iomraidhean Croise

اِنجیلِ مَتّی 13:30

بییِلین تا دِروِ مووقه هر دِتا هَمدییه هِمراه لو بَکِشِن؛ دِروِ مووقه دِروگَرا ره گامبه اَوِّل تَلِ واشا ره دَسه هاکانِنِ و بَسوزوندییِنِ وِسه بییِلِّن، ولی گَندِما ره کَندوج دِله اِمبار هاکانِن.

اِنجیلِ مَتّی 13:41

اِنسانِ ریکا شه فِرشته ها ره فِرِسِندِنه و فِرِشته ها آسِمونِ پادشاهیِ دِله هَر کی که باعِثِ گِناه بونه و هر کی که قانونِ اِشکِنه ره یه جا جَمع کاندِنه.

اِنجیلِ مَتّی 13:42

و وِشونِ تشِ کورهِ دِله دِم دِنِنه، اونجه که بِرمه دَره و تَرسِ جِم دَندون دَندونِ کَش خوارنه.

اِنجیلِ مَتّی 13:43

اون وَخت صالِحون شه پییِرِ پادشاهیِ دِله خِرشیدِ واری دِرَخشِنِنه. هر کی گوشِ شنوا دارنه بِشنُئِه.

لوقا 3:16

یحیی تِمومِ وِشونِ این طی جِواب دائه و گاته: «مِن شِما ره اوهِ هِمراه تَعمید دِمبه، ولی کِسی مِ جِم قوی تِر اِنه که حَتَّی مِن لایق نیمِه وه کوشِ بَنِّ واز هاکانِم. وه شِما ره روح‌القُدس و تَشِ هِمراه غسل تَعمید دِنه.

لوقا 3:17

وه شه چَنگکِ شه دَس دارنه تا شه خَرمِنگاهِ تمیز هاکانه و گَندِمِ شه اِمبارِ دِله جَمع هاکانه، ولی کَمِلِ تَشی دِله که هیچ وَخت خاموش نَبونه سوزِندِنه.»

اِنجیلِ یوحنا 15:2

هر اَنگور رَزی که میوه نیاره، مِ پییِر اونِ وِرینه، و هر اَنگور رَزی که میوه بیاره، اونِ هَرَس کانده تا وِیشتر میوه بیاره.