اِنجیلِ مَتّی 3:11 - کتاب مقدس به زبان مازندرانی - گویش شرقی

¹¹ مِن شِما ره اوهِ هِمراه تَعمید دِمبه، ولی اونی که بَعدِ از مِن اِنه، مه جِم قویتر هَسه و مِن حَتَّی لایِقِ این کار نیمِه كه وه کوشِ، وه لینگِ وَر جِفت هاکانِم. وه شِما ره روح القدس و تَشِ هِمراه تَعمید دِنه.

گیله ماز

¹¹ «مَن شِمِره توبه وَسین، اُویه هَمرَه تَعمید دَنَم، وَلی اونیکه بعدِ مَن هَنه می جی قویتَر هیسه و مَن حتّی لایِقِ این کار نیِیَم که اونه چَمیشِ اونه لِنگِ وَرجه جُفت هَکُنم. اون شِمِره روح القُدُس و تَشِ هَمرَه تَعمید دَنه.

کتاب مقدس به زبان مازندرانی - گویش غربی

¹¹ «مِن شِمارِ اُوئی هَمرا تَعمید دِمِه، ولی هونیگه بعد از مِن اِنِه میجا قویتَر هَسِّه و مِن حتّی لایِقِ هَین کار نیمِه گه وی کُوشِ وی لینگی وَر جِفت هاکِنِم. وی شِمارِ روح القُدُس و تَشی هَمرا تَعمید دِنِه.

اِنجیلِ مَتّی 3:11 Iomraidhean Croise

اِنجیلِ مَتّی 3:6

و شه گِناهونِ اِعتراف کاردِنه و اُردنِ رودخانه دِله وه جِم غسلِ تَعمید گِتِنه.

مَرقُس 1:4

پَس یحییِ تَعمید دَهنده صَحرائه دِله ظاهر بَییه، وه مَردِمِ غُسلِ تَعمید دائه و اِعلام کارده شه گِناهونِ آمِرزش وِسه تووبه هاکانِن و تَعمید بَیرِن.

لوقا 1:17

وه اِیلیائه قِوَّت و روحِ هِمراه، خِداوندِ پیشاپیش اِنه تا پییرونِ دِلِ به وَچون نزیک هاکانه و سرکشِ آدِمونِ یاد هاده که شه پییِرون واری خِداوندِ دوس دارِن تا قومی آماده، خِداوندِ وسه فِراهم هاکانه.»

لوقا 3:16

یحیی تِمومِ وِشونِ این طی جِواب دائه و گاته: «مِن شِما ره اوهِ هِمراه تَعمید دِمبه، ولی کِسی مِ جِم قوی تِر اِنه که حَتَّی مِن لایق نیمِه وه کوشِ بَنِّ واز هاکانِم. وه شِما ره روح‌القُدس و تَشِ هِمراه غسل تَعمید دِنه.

لوقا 3:3

پَس یحیی تِموم اُردن رودخانهِ دُورِ وَر شیه و مَردِمِ گاته شه گِناهونِ آمِرزِشِ وِسه تووبه هاکانین و غسلِ تَعمید بَیرین.

اِنجیلِ یوحنا 1:15

یحیی وه وِسه شِهادت دائه و جار زوئه و گاته: «این هَمون تائه که وه خَوری بااوتِمه: اون که بَعد از مِن اِنه مِ جِم سَر تِرِ، چوون مِ جِم قبلتِر دَییه“.»

اِنجیلِ یوحنا 1:30

اینِ هَمونیِ که وه خَوِری بااوتِمه ”بعد از مِن یِتا مَردی اِنه که مِ جِم سَرتِرِ، چوون مِ جِم قبلتر دَییه.“

اعمال رَسولان 1:5

یحیی اوهِ هِمراه غسلِ تَعمید دائه، ولی شِما چَن روز دییه روح‌القُدسِ هِمراه غسلِ تَعمید گِرنِنی.»

اعمال رَسولان 19:4

پولُس بااوته: «یحیی اونایی که تووبه کاردِنه ره تَعمید دائه. وه قومِ گاته، اونی که بَعدِ از وه اِنه ره ایمون بیارین، یَعنی عیسی ره.»

اعمال رَسولان 8:36

هَمون طی که راهِ دِله شینه، یه جا که اوه دَییه بَرِسینه. خواجه‌ بااوته: «هارِش، اینجه اوه دَره! اَلان چی مِ تَعمید بَییتِنِ دَمِ گِرنه؟»

اعمال رَسولان 8:38

پَس خواجه دَستور هِدا ارابه ره دارِن، و فیلیپُس و خواجه‌، هر دِتا اوه دِله بُوردِنه و فیلیپُس وه ره تَعمید هِدا.

اوّلین نامِه قُرنتیانی سِه 12:13

چوون اِما هَمه، چه یَهود و چه یونانی، چه نوکِر و چه آزاد، یِتا روحِ دِله غِسلِ تَعمید بَییتیمی تا یه تَن بوئیم؛ و اِما هَمه یِتا روحِ جِم بَنوشانی بَیمی.

اِفِسُسیان 3:8

هر چَن که مِن تِمومِ مِقَدَّسینِ میون همهِ جِم کَمتَرینِمه، این فِیض مِ ره هِدا بَییه تا مَسیحِ بی حدّ و حِسابِ گَنج ها ره غیرِیَهودیونِ اِعلام هاکانِم،

تیتوس 3:5

وه اِما ره نِجات هِدا، این نِجات نا اون کارائه وِسه که اِما صالحیِ دِله هاکاردیمی، بلکه شه رَحمِتِ خاطِری، و اون بَشُسِنِ راهِ دِله بییه که وه طریق، روح القُدُس اِما ره تازه تولد و نو زندگی هِدا؛

اول پِطرُس 5:5

همین طی شِما هم ای جوونون، مشایخِ جِم اِطاعت هاکانین. شِما همه شه رفتارِ دِله هَمدییهِ هِمراه فروتنی ره دَپوشین، چوون، «خِدا مغرورونِ روب رو اِیست کانده، ولی فروتنونِ فِیض دِنه»