اِنجیلِ مَتّی 3:10 - کتاب مقدس به زبان مازندرانی - گویش شرقی

¹⁰ حَتَّی اَلان هم تور، دارِ ریشهِ سَر دَره و هر داری كه خوارِ مَحصول نیارِه، بَوری و تَشِ دِله دِم هِدا بونه.

گیله ماز

¹⁰ اَسِه اَلآن هَم تُوار دارِ ریشِه یه سَر دَرِه. هر داری که خُجیرِ مَحصول نیارِه، بَبییِه و تَشِ دِلِه توُواده بونه.

کتاب مقدس به زبان مازندرانی - گویش غربی

¹⁰ حتّی اَلَن هَم تور داری ریشِه ای سَر دَرِه و هر داری گه خِبِ مَحصول نیارِه، بَوِری و تَشی دِلِه دیم بَدا وونِه.

اِنجیلِ مَتّی 3:10 Iomraidhean Croise

اِنجیلِ مَتّی 21:19

جادهِ پَلی یِتا اَنجیلِ دار بَدیئه وه سَمت بُورده تا وه جِم اَنجیل بَچینه. ولی به جِز وَرگ هیچی اون دارِ سَر دَنی بییه. پَس اون دارِ بااوته: «دییه هیچ وَخت تِ جِم مَحصول به بار نَییه» اون دار دَرجا خِشک بَییه.

اِنجیلِ مَتّی 7:19

داری كه خوارِ میوه نیارِه، اونِ وِرینِنِه و تَشِ دِله دِم دِنِنه.

لوقا 23:31

چوون اگه شِلِ چوِ هِمراه این طی هاکانِن، اِسا بَوینین خِشک چوِ سَر چی اِنه؟»

لوقا 3:9

اَلان تور، دارِ ریشهِ سَر دَره و هر داری که خوارِ میوه نیاره، بَوری و تَشِ دِله دِم هِدا بونه.»

اِنجیلِ یوحنا 15:2

هر اَنگور رَزی که میوه نیاره، مِ پییِر اونِ وِرینه، و هر اَنگور رَزی که میوه بیاره، اونِ هَرَس کانده تا وِیشتر میوه بیاره.

اِنجیلِ یوحنا 15:6

اگه کِسی مِ دِله نَمونه، یِتا رَزِ واریِ که وه ره دِم دِنِنه و خِشک بونه. خِشکِ رَزا ره جَمع کاندِنه و تَشِ دِله دِم دِنِنه و سوزِندِنه.

نامِه مَسیحینی عبرانی نِژادی سِه 12:25

شِمه حِواس دَووه، اون کسِ صِدائه جِم که گَب زَنده، شه دیمِ بَرنِگاردِنین. اونایی که، اون کسِ گَب هائه بِشنُسَنِ جِم که زِمینِ سَر گَب زوئه شه دیمِ بَردِگاردِنینه، نَتونِسِنه مجازات بَیّنِ جِم دَر بورِن. پَس اَگه اِما اون کسِ جِم که آسمونِ جِم گَب زَنده شه دیمِ بَردِگاردِنیم، چی طی مجازاتِ جِم دَر بوریم؟!

نامِه مَسیحینی عبرانی نِژادی سِه 6:8

ولی اگه لم طَلی به بار بیاره، بی‌ارزشِ زِمینِ و نزیکِ که لَعنِت بَووه، و سَرآخِر هم بَسوزنده بونه.