اِنجیلِ مَتّی 3:1 - کتاب مقدس به زبان مازندرانی - گویش شرقی

¹ اون روزا یَحییِ تَعمید ‌دَهنده یَهودیهِ صَحرائه دِله اییَمو و تَعلیم دائه،

گیله ماز

¹ اون روزان یحیی یه تعمید دهنده یَهودیِه یه صَحرایِ دِلِه هَنِبا وتعلیم دَنِه با.

کتاب مقدس به زبان مازندرانی - گویش غربی

¹ هون روزا یَحیای تَعمید‌ دَهَندِه یَهودیِه ای صَحرایی دِلِه ایمو و تعلیم داوِه،

اِنجیلِ مَتّی 3:1 Iomraidhean Croise

اِنجیلِ مَتّی 11:11

حَییقَتِن شِما ره گامبه که هیچ کی یحییِ تَعمید دَهِندهِ جِم گَت تِر، مارِ جِم بِزائه نَییه. با این وجود، اونی که آسِمونِ پادشاهیِ دِله همه جِم کِچیک تَرِ وه جِم گَت تِرِ.

اِنجیلِ مَتّی 11:7

وَختی یحییِ شاگِردون اونجه جِم، شینه، عیسی یحییِ خَوِری وِشونِ هِمراه که اونجه دَینه شِروع به گَب بَزوئِن هاکارده و بااوته: «چیِ بَدیئِنِ وِسه صَحرائه دِله بُوردینی؟ لَلِهِ بَدیئِنِ وِسه بوردینی كه هر وائه جِم لَرزِنه؟

اِنجیلِ مَتّی 16:14

شاگِردون بااوتِنه: «بعضیا گانِنه یحییِ تعمید‌دهنده ای. بَعضی دییه گانِنه اِیلیائه پِیغَمبِری، بعضیا گانِنِه اِرمیائه پِیغَمبِر یا یِتا اَز پِیغَمبِرونی.»

اِنجیلِ مَتّی 21:32

یحیی بییَمو تا صالح زندگی هاکاردِنِ راهِ شِما ره سِراغ هاده ولی شِما وه گَبِ باوِر نَکاردینی. ولی خراجگیرون و فاحِشِه ها وه گَبِ باوِر هاکاردِنه. و شِما با اینکه اینا ره بَدینی، شِمه رَه بَرنَگِردِسه و باوِر نَکاردینی.»

اِنجیلِ مَتّی 3:8

پَس کارهایی كه تووبِهِ لایقِ ره اِنجام هادین.

مَرقُس 1:15

و گاته: «وه وَخت بَرِسیه و خِدائه پادشاهی نزیکِ. تووبه هاکانین و این خَوِرِ خِشِ ایمون بیارین.»

مَرقُس 1:2

اِشَعیائه پِیغَمبِرِ کتابِ دِله بَنوِشته بَییه: «اِسا مِن شه قاصِدِ تِ جِم جلوتَر فِرِسِندِمبه، وه تِ راهِ آماده کانده؛

لوقا 1:76

و تِ، ای وچه، خِدائه متعالِ پیغمبِر بااوته بونی؛ چوون خِداوندِ جِم جلوتر شونی تا وه راه ها ره، وه وِسه آماده هاکانی،

لوقا 7:24

وَختی یحییِ قاصِدون بُوردِنه، عیسی یحییِ خَوِری گَب بَزوئِنِ شِروع هاکارده و جَمیِّتِ بااوته: «چیِ بَدیئِنِ وِسه صَحرائه دِله بُورده بینی؟ لَلهِ بَدیئِنِ وِسه که وائه جِم لَرزِنه؟

اعمال رَسولان 1:22

یعنی یحییِ تعمیدِ مووقه تا روزی که عیسی ره اَمه وَرِ جِم بالا بَوِردِنه، یِتا از این آدِمون وِنه اَمه هِمراه، عیسیِ زنده بَیِّنِ شاهد بَووه.»