اِنجیلِ مَتّی 28:16 - کتاب مقدس به زبان مازندرانی - گویش شرقی

¹⁶ بعد اون یازدَه شاگِرد جلیل، اون کوهی که عیسی بااوته بییه، بُوردِنه.

گیله ماز

¹⁶ ایما اون یازدَه شاگِرد بِه جَلیل، اون کوهی که عیسی باگوته با، بَشَن.

کتاب مقدس به زبان مازندرانی - گویش غربی

¹⁶ اَزما هون یازدَه شاگِرد جَلیلی سِه هون کوهی گه عیسی بُت وِه، بوردِنِه.

اِنجیلِ مَتّی 28:16 Iomraidhean Croise

اِنجیلِ مَتّی 26:32

ولی بَعد از اون که زنده بَووِم قبل از شِما جَلیل شومبه.»

اِنجیلِ مَتّی 28:10

اون وَخت عیسی وِشونِ بااوته: «نَتِرسین؛ بُورین و مِ بِرارونِ بارین که جلیل بورِن. اونجه مِ ره ویندِنه.»

اِنجیلِ مَتّی 28:7

بعد دَرجا بُورین و وه شاگِردونِ بارین: وه بَعد از بَمِردِن، زِنده بَییه و شِمه جِم قبلتر جلیل شونه و وه ره اونجه ویندینی. یاد نَکِنین این پیغومِ وِشونِ هادین.»

مَرقُس 14:28

ولی بَعد از اون که زِنده بَیمه، قبل از شِما جَلیلِ مَنطقه شومبه.»

مَرقُس 15:41

این زَن ها وَختی که عیسی جَلیلِ مَنطقهِ دِله دَییه، وه دِمبالِ رو بینه و وه ره خِدمِتِ کاردِنه. خَله از زَن هائه دییه هم که وه هِمراه اورشَلیم بییَمو بینه، اونجه دَینه.

مَرقُس 16:14

وَختی که اون یازده شاگرد سِفرهِ سَر نیشته بینه، عیسی وِشونِ ظاهر بَییه، عیسی وِشونِ، بی‌ایمونی و سَنگ دِلیِ وِسه سَراکو هاکارده، چوون وِشونِ گَبِ، که وه ره بَعد از زنده بَیِّن بَدی بینه ره باوِر نَکاردِنه.

مَرقُس 16:7

اِسا، بُورین و وه شاگِردون و پِطرُسِ بارین که وه شِمه جِم قبلتر، جَلیلِ مَنطقه شونه؛ وه ره اونجه ویندِنی، هَمون طی که شِما ره بااوته بییه.»

اِنجیلِ یوحنا 6:70

عیسی وِشونِ جِواب هِدا: «مَگه شِما دِوازدِه نَفِرِ مِن اِنتخاب نَکاردِمه؟ با این وجود، یه نَفِر از شِما یِتا ابلیسِ.»

اوّلین نامِه قُرنتیانی سِه 15:15

اما حَتّی خِدائه وِسه دِراغی شاهدون حِساب بومبی، چوون خِدائه خَوِری شِهادت هِدامی که مَسیح ره مِرده هائه جِم زنده هاکارده، که اگه مِرده ها زنده نَوونِنه، پَس خِدا وه ره زنده نَکارده.