اِنجیلِ مَتّی 27:16 - کتاب مقدس به زبان مازندرانی - گویش شرقی

¹⁶ اون سالِ دِله، یِتا مشهورِ زندونی که وه اسمِ بارْاباس بییه حَبسِ دِله دَییه.

گیله ماز

¹⁶ اون سال دِلِه ایتا مَشهورِ زِندانِی که اونِه اِسم باراباس با حَبسِ دِلِه دَبا.

کتاب مقدس به زبان مازندرانی - گویش غربی

¹⁶ هون سالی دِلِه یَتِه مشهورِ زیندونی گه وی اِسم باراباس وِه حَبسی دِلِه دَوِه.

اِنجیلِ مَتّی 27:16 Iomraidhean Croise

اِنجیلِ مَتّی 27:15

فَرموندارِ رَسم این بییه که پِسَخِ عیدِ مووقه، یِتا زِندونی ره مَردِمِ میل آزاد هاکانه.

اِنجیلِ مَتّی 27:17

وَختی مَردِم جَمع بَینه، پیلاتُس وِشونِ جِم بَپِرسیه: «کیِ خوانِنی شِمه وِسه آزاد هاکانِم، بارْاباسِ یا عیسایی که وه ره مَسیح گانِنه؟»

مَرقُس 15:7

یه دَسه یاغی زِندونِ دِله دَینه که شورش هاکارده بینه و آدِم بَکوشته بینه. اونائه دِله یِتا مَردی دَییه که وه اسم بارْاباس بییه.

لوقا 23:25

وه یِتا مَردی ره که شورش و قتلِ خاطِری زِندون دِله دَییه و جَمیِّت خواسِنه آزاد‌ بَووه ره وِل هاکارده، ولی عیسی ره وِشونِ تحویل هِدا تا شه دِلبِخواه وه هِمراه رِفتار هاکانِن.

اِنجیلِ یوحنا 18:40

وِشون اَی دِواره داد بَزونه بااوتِنه: «این مَردی ره نا، بارْاباسِ آزاد هاکان!» و بارْاباس یِتا راهزِن بییه.

اعمال رَسولان 3:14

ولی شِما اون قُدُّوس و صالح ره رَد هاکاردینی و بَخواسینی وه عَوِض یِتا قاتل آزاد بَووه.

رومی ایشون 1:32

با اینکه خِدائه عادلانه حِکمِ دوندِنه که، اونایی که این طی کارایی کاندِنه، وِشونِ مکافات بَمِردِنِ، نا فِقَط شه اونا ره اِنجام دِنِنه بلکه اونایی که این کارا ره کاندِنه ره هم، تأیید کاندِنه.

رومی ایشون 16:7

مِ فامیلون وِسه، آندْرونیکوس و یونیا که مِ هِمراه زِندونِ دِله دَیینه ره سِلام بَرِسونین. وِشون رَسولونِ میون، سَرشِناسِ آدِمونینه که مِ جِم قبلتر مَسیحِ ایمون داشتِنه.