اِنجیلِ مَتّی 26:58 - کتاب مقدس به زبان مازندرانی - گویش شرقی

⁵⁸ پِطرس دورادور عیسیِ دِمبال شیه تا کاهِن اَعظمِ، سِرهِ حیاط بَرِسیه. پَس دِله بورده و نِگَهوونونِ هِمراه هِنیشته تا بَوینه سَر آخِر چی بونه.

گیله ماز

⁵⁸ پِطرُس دورا دور عیسیِ یِه دُمّالسر بَشَه تا کاهِنِ اَعظَمِ سِرِه یه حیاطِ میَن بَرِسییَه. پس دِله بَشَه و نِگَهبانانِ هَمرَه بِنیشتهِ تا بَینهِ سَر آخَر چی بونه.

کتاب مقدس به زبان مازندرانی - گویش غربی

⁵⁸ پِطرُس دورادور عیسایی دِمال شیِه تا کاهِنِ اَعظَمی خِنِه ای کَناپِش بَرِسیِه. پس دِلِه بوردِه و نِگَهوونِنی هَمرا هِنیشتِه تا بَوینِه سَرآخَر چی وونِه.

اِنجیلِ مَتّی 26:58 Iomraidhean Croise

اِنجیلِ مَتّی 26:3

پَس گَت گَتِ کاهِنون و قومِ مَشایخ، قیافائه کاخِ دِله که کاهِنِ اَعظم بییه، جَمع بَینه

اِنجیلِ مَتّی 5:25

«شه شاکیِ هِمراه هَمتی وَختی مَحکَمِهِ راهِ دِله دَری زود آشتی هاکان وَاِلا اون شاکی تِ ره قاضیِ دَس دِنه و قاضی تِ ره نِگهبونِ دَس دِنه و زِندونِ دِله کَفِنی.

لوقا 22:54

بعد عیسی ره بَییتِنه و کاهِنِ اعظِمِ سِره بَوِردِنه. پِطرُس هم دورادور وِشونِ دِمبال شیه.

اِنجیلِ یوحنا 18:25

هَمون مووقه ای که شَمعونِ پِطرُس تشِ پَلی اِیست هاکارده بییه و شه ره گرم کارده، بعضیا وه جِم بَپِرسینه: «مگه تِ هم یِتا از وه شاگِردون نیئی؟» وه حاشا هاکارده و بااوته: «نا! نیمه.»

اِنجیلِ یوحنا 19:6

وَختی مَعبدِ گَت گَتِ کاهِنون و مَعبِدِ مامورون وه ره بَدینه، داد بَکِشینه، بااوتِنه: «وه ره مَصلوب هاکان! وه ره مَصلوب هاکان!» پیلاتُس وِشونِ بااوته: «شه شِما وه ره بَوِرین و مَصلوب هاکانین، چوون مِن هیچ جرمی وه مَحکوم هاکاردِنِ وِسه پی دا نَکاردِمه.»

اِنجیلِ یوحنا 7:32

فریسیونِ گوش بَرِسیه که جَمیِّت عیسی خَوِری این طی گَب هایی زَندِنه. پَس مَعبِدِ گَت گَتِ کاهِنون و عُلِمائه فِرقه فریسی، مَعبِدِ نگهوونونِ بَفرِسینه تا وه ره دَسگیر هاکانِن.

اِنجیلِ یوحنا 7:45

پَس مَعبدِ نگهوونون، مَعبِدِ گَت گَتِ کاهِنون و عُلِمائه فِرقه فریسیِ پَلی بَردَگِردِسِنه. وِشون نگهبونونِ جِم بَپِرسینه: «چه عیسی ره نیاردینی؟»

اعمال رَسولان 5:22

ولی وَختی مأمورون زِندونِ دِله بُوردِنه، رَسولونِ پی دا نکاردِنه. پَس بَردَگِردِسنه و خَوِر هِدانه که

اعمال رَسولان 5:26

پَس مَعبِدِ نگهوونونِ فَرمونده، مأمورونِ هِمراه بُوردِنه و رسولونِ بیاردِنه، ولی نا زور زوری، چوون تَرسینه مَردِم وِشونِ سَنگسار هاکانِن.