اِنجیلِ مَتّی 26:25 - کتاب مقدس به زبان مازندرانی - گویش شرقی

²⁵ بعد یَهودا، اونی که خواسه وه ره تَسلیم هاکانه، دَر جِواب بااوته: «اِسّا، اون مِن هَسِمِه؟» عیسی جِواب هِدا: «تِ شه این طی گانی».

گیله ماز

²⁵ ایما یَهودا، اونیکه خَسِّه اونه تَسلیم هَکونه، اونِه جِواب باَگوته: «اُسّا، اون مَن هیسَم؟» عیسی جَواب هَدَه: «تو خودِت اینجور باگوتی!»

کتاب مقدس به زبان مازندرانی - گویش غربی

²⁵ اَزما یَهودا، اونیگه خوایسِه وِرِه تَسلیم هاکِنِه، وی جِواب بُتِه: «اِسّا، هون مِن هَسمِه؟» عیسی جِواب هادا: «تو شِه هَینجور گِنی!»

اِنجیلِ مَتّی 26:25 Iomraidhean Croise

اِنجیلِ مَتّی 23:7

و مَردِم، کوچِه و بازارِ دِله وِشونِ سِلام هادِن و وِشونِ 'اِسّا' صدا هاکانِن.

اِنجیلِ مَتّی 23:8

ولی نییِلین شِما ره 'اِسّا' بارِن، چوون که شِما فِقَط یِتا اِسّا دارنِنی و شِما هَمدییِهِ هِمراه بِرارِنی.

اِنجیلِ مَتّی 26:14

اون وَخت یهودائه اَسخَریوطی که یِتا اَزون دِوازَه شاگرد بییه، گَت گَتِ کاهِنونِ پَلی بورده.

اِنجیلِ مَتّی 26:49

یَهودا دَرجا عیسی پَلی بییَمو و بااوته: «سِلام، اِسّا!» و وه ره خاش هِدا.

اِنجیلِ مَتّی 26:64

عیسی جِواب هِدا: «تِ شه این طی گانی! شِما ره گامبه بعد از این، اِنسانِ ریکا ره ویندِنی که خِدائه قادرِ راسِ دَس نیشته و آسِمونِ اَبرائه سَر اِنه.

اِنجیلِ مَتّی 27:11

عیسی ره رومِ فَرموندار پیلاتُسِ پَلی بیاردِنه. فَرموندار وه جِم بَپِرسیه: «تِ یَهودیونِ پادشاهی؟» عیسی بااوته: «تِ این طی بااوتی»

لوقا 22:70

همه بااوتِنه: «پَس، تِ خِدائه ریکایی؟» عیسی جِواب هِدا: «شِما گانِنی، هَسِمه.»

اِنجیلِ یوحنا 18:37

بعد پیلاتُس عیسی ره بااوته: «پَس تِ یِتا پادشاهی؟» عیسی بااوته: «تِ شه گانی که مِن یِتا پادشاهِمه. چوون که مِن اینِ وِسه مارِ جِم بِزائه بَیمه و این وِسه این دِنیائه دِله بییَمومه تا حَییقتِ وِسه شِهادت هادِم. پَس هر کی که حَییقت جِم هَسه، مِ گَبِ گوش دنه.»

اِنجیلِ یوحنا 4:31

این میون، شاگِردون وه جِم خواهش هاکاردِنه، بااوتِنه: «اِسّا، یه چی بَخُر.»