اِنجیلِ مَتّی 25:4 - کتاب مقدس به زبان مازندرانی - گویش شرقی

⁴ ولی عَقل دارِ کیجائون شه لَمپائه هِمراه پِر بَییه راغوندون هَم بَوِردِنه.

گیله ماز

⁴ وَلی عَقلدارِ کیجاشان، خودِشانِه لَمپایِ هَمرَه پُر هَبوسِّه روغندان رِه هَم بَبِردَن.

کتاب مقدس به زبان مازندرانی - گویش غربی

⁴ ولی عَقلدارِ کیجکیجا، شی لَمپایی هَمرا پِر بَوِه روغَندون هَم بَوِردِنِه.

اِنجیلِ مَتّی 25:4 Iomraidhean Croise

اِنجیلِ مَتّی 10:16

«گوش هادین، مِن شِما ره گُسفِنائه واری وِرگائه دِله فِرِسِندِمبه. شِما وِنه مَرِ واری با هوش و کوتِرِ واری بی آزار بوئین.

اِنجیلِ مَتّی 25:2

وِشونِ جِم پَنج نَفِر عَقل دار و پَنج نَفِر دییه بی عَقل بینه.

اِنجیلِ مَتّی 25:3

بی عَقلِ کیجائون شه لَمپا ره بَییتِنه ولی راغون شه هِمراه نَوِردِنه

اِنجیلِ مَتّی 25:5

چوون دومادِ بییَموئِن طول بَکِشیه، وِشونِ چِش کَتَل بَییه و وِشونِ خو بَوِرده.

اِنجیلِ مَتّی 7:24

«پَس هَرکی مِ گَبِ اِشنُنِه و اونا ره عَمِل کانده، یِتا عَقلدارِ مَردیِ واریِ كه شه سِره ره سَنگِ سَر بِساته.

اِنجیلِ یوحنا 3:34

چوون اونی که خِدا وه ره بَفرِسیه، خِدائه کِلامِ گانه، چوون خِدا شه روحِ بی حَدّ و اِندازه دِنه.

رومی ایشون 8:9

ولی جِسم شِمه وِسه حِکم نَکانده، بلکه خِدائه روحِ که دَره حِکم کانده، البته اگه خِدائه روح شِمه دِله دَووه. کِسی که مَسیحِ روحِ نِدارنه، وه مَسیحِ وِسه نییه.

دوّمین نامه قرنتیانِ وَسین 1:22

وه شه مُهرِ اَمه سَر بَزو و شه روحِ، بِیعانه واری اَمه دلهائه دِله بیِشته.

اوّل یوحنا 2:20

ولی شِما اون قُدّوسِ طریق مَسح بَینی و شِما همه، همه چی ره دوندِنی.

اوّل یوحنا 2:27

ولی شِمه خَوِری وِنه بارِم اون مَسح که وه جِم بَییتِنی، شِمه دِله موندِنه و نیازی نِدارنِنی کِسی شِما ره تَعلیم هاده، بلکه وه مَسح، همه چیِ خَوِری شِما ره تَعلیم دِنه. اون مَسح، حَییقَتِ، نا دِراغ. پَس هَمون‌طی که شِما ره تَعلیم هِدا، وه دِله بَمونین.

یهودائه نامه 1:19

وِشونِنه که شِمه میون سیوایی دِم دِنِنه، دِنیائه آدِمِنِنه و خِدائه روحِ نِدارنِنه.