اِنجیلِ مَتّی 24:21 - کتاب مقدس به زبان مازندرانی - گویش شرقی

²¹ چوون که اون مووقه مَردِم به اون طی مُصیبَتی دِچار بونِنه که دِنیا تا بِحال اونِ نَدیئه و هیچ وَخت هم نَوینده

گیله ماز

²¹ چونکه اون موقه مَردُمان بِه چنان مُصیبَتی دُچار بونَن که از اول دنیا تا بِحال اونِه مِثان اتفاق دَنِکِته و هیچ وَخت هَم دَنِکِنِه.

کتاب مقدس به زبان مازندرانی - گویش غربی

²¹ چون اون موقِه مَردِن اَتی مِصیبَتی دِچار وونِنِه گه دِنیا تا بِحال اونِه نَیِه و هیچ وَخت هَم نَوینِّه.

اِنجیلِ مَتّی 24:21 Iomraidhean Croise

اِنجیلِ مَتّی 24:20

دِعا هاکِانین که شِمه فِرارِ مووقه زِمِسونِ دِله یا مِقدَّسِ شنبه نَکِفه.

اِنجیلِ مَتّی 24:29

«بلافاصِلِه، بَعد از اون روزائه مُصیبَت، «”خِرشید تاریک بونه و ماه دییه سو نَدِنه، سِتاره ها آسِمونِ جِم جِر کَفِنِنه، آسِمونون سِتونون لَرزِه کَفِنِنه.“

مَرقُس 13:9

«ولی شِما شه مواظب بوئین، چوون شِما ره مَحکمهِ تحویل دِنِنه و عبادتگاه هائه دِله زَندنه و مِ خاطِری فرموندارون و پادشاهونِ پَلی اِیست کاندینی تا وِشونِ روب رو شِهادِت هادین.

لوقا 21:24

وِشونِ شَمشیرِ هِمراه کُشِنِنه و اسیر کاندِنه و یِتا دییه مِلکِ دِله تبعید کاندِنه، اورشَلیم هم غیرِ یَهودیونِ دَس کَفِنه و لَگِدمال بونه تا مووقه ای که غیریهودیونِ دوره تِموم بَووه.

اوّل تِسالونیکیان 2:16

و نییِلنِنه اِما غیر یَهودیونِ هِمراه گَب بَزِنیم تا نِجات بَیرِن- این طی هَمِش شه گِناهونِ دَئیلِ لَب به لَب پِر کاندِنه. ولی سَر آخِر خِدائه غَضِب، وِشونِ سَر بییَمو.

یوحنایِ مکاشفه 16:18

آسِمونِ برق و رَد بِلِند بَییه، و یِتا گَتِ زلزله‌ اِتّفاق دَکِته، اون طی گَتِ زلزله که وه واری از اون مووقه که آدِم زِمینِ دِله دَییه، تا اَلان اِتّفاق نَکِته بییه.

یوحنایِ مکاشفه 7:14

مِن وه ره جواب هِدامه: «اِی آقا، اینِ تِ دوندی» و وه مِ ره بااوته: «اینا همونایینه که اون گَتِ عِذابِ جِم بیرون بییَمونه و شه قواها ره وَرهِ خونِ دِله بَشُسِنه و اسبه هاکاردِنه.