اِنجیلِ مَتّی 23:26 - کتاب مقدس به زبان مازندرانی - گویش شرقی

²⁶ اِی کورِ فریسی، اَوِّل پِشقاب و پیالِهِ دِله ره تَمیز هاکان که وه بیرون هم تَمیز بونه.

گیله ماز

²⁶ اِی فریسی کور، اوَّل بُشقاب و پیالِه یه دِلِه رِه تَمیز هَکُن که اونه دِرگا هَم تَمیز بونه.

کتاب مقدس به زبان مازندرانی - گویش غربی

²⁶ اِی کورِ فَریسی، اوَّل پِشقاب و پیالِه ای دِلِه رِه تَمیز هاکِن گه وی دیرگا هَم تَمیز وونِه.

اِنجیلِ مَتّی 23:26 Iomraidhean Croise

اِنجیلِ مَتّی 12:33

«اَگه خوارِ میوه خوانِنی، شِمه دار وِنه خوار بوئه، بَدِ دار بَدِ میوه یارنه. چوون که دارِ وه میوهِ جِم اِشناسِنِنه.

اِنجیلِ مَتّی 14:8

مار، کیجا ره تَحریک هاکارده که باره: «یحییِ تعمید‌دَهِندهِ کَلّه ره یِتا مَجمِهِ دِله مِ ره هاده.»

مَرقُس 7:4

وَختی بازارِ جِم اِنِنه، تا دَشور بَشور نَکِنِن هیچی نَخارنِنه. همین طی هم خَله رَسم و رسومائه دییه ره هم انجام دِنِنه، مثلِ پیاله، لَوه، مِرسی کاس کَچه و میزِ بَشُسِنه.

لوقا 11:39

اون وَخت عیسیِ خِداوند وه ره بااوته: «شِما فریسیون، پِشقاب و پیالهِ بیرونِ تمیز کاندینی، ولی وه دِله طِمَع و بَدیِ جِم پِرِ!

لوقا 6:45

خارِ مَردی شه دلِ، خوارِ اِمباریِ جِم، خواری بار یارنه، و بَدِ مَردی شه دِلِ، بَدِ اِمباریِ جِم بَدی بار یارنه. چوون زِوون اونچی که دلِ دِله سَر مَشتِ جِم، گَب زَنده.

دوّمین نامه قرنتیانِ وَسین 7:1

پَس ای عزیزون، اِسا که اِما این وعده‌ها ره دارمی، بِئین شه ره هر جسم و روحِ ناپاکیِ جِم پاک هاکانیم و خِدائه تَرسِ هِمراه، مِقَدّس بییَنِ کامل هاکانیم.

نامِه مَسیحینی عبرانی نِژادی سِه 10:22

بِئین یِتا راسِ دِل و کاملِ ایمونِ هِمراه، خِدا ره نزیک بَوویم و شه دلها ره بَدِ وجدانِ جِم پاک هاکانیم و شه تَن ها ره پاکِ اوهِ هِمراه بَشوریم.

یعقوبِ نامه 4:8

خِدا ره نَزیک بَووین و وه هم شِما ره نَزیک بونه. ای شِما گِناهکارون، شه دَسا ره پاک هاکانین، و ای دِ دِل ها شه دِل ها ره پاک هاکانین.