اِنجیلِ مَتّی 22:7 - کتاب مقدس به زبان مازندرانی - گویش شرقی

⁷ پادشاه عَصِبانی بَییه و شه سربازونِ بَفرِسیِه و قاتِلونِ بَکوشته و وِشونِ شَهرِ تَش بَکِشیه.

گیله ماز

⁷ وقتی پادشاه اینه بِشنَوِسِّه، بَرزَخ هَبا، خودشه سَربازانِ روانه هَکوردِه و قاتِلانِ بَکوشتِه و اوشانه شَهرِ تَش بَکِشییَه.

کتاب مقدس به زبان مازندرانی - گویش غربی

⁷ پادشاه عَصبانی بَوِه، شی سَربازِنِ بَرِسانیِه و قاتِلِنِ بَکوشتِه و وِشونی شَهرِ تَش بَکِشیِه.

اِنجیلِ مَتّی 22:7 Iomraidhean Croise

اِنجیلِ مَتّی 22:6

بَقیه هم، پادشاهِ نوکِرونِ بَییتِنه و بی حِرمتی هاکاردِنه و وِشونِ بَکوشتِنه.

اِنجیلِ مَتّی 22:8

بعد شه نوکِرونِ بااوته: 'آروسیِ جَشن آمادِهِ، ولی کِسایی که دَعوِت هاکارده بیمِه، لیاقت نِداشتِنه جشنِ وِسه بِیِّن.

لوقا 19:27

اِسا اون دِشمِنونی ره که نِخواسِنه وِشونِ سَلطِنِت هاکانِمِ اینجه بیارین و وِشونِ مِ پَلی بَکوشین»

لوقا 21:21

اون وَخت اونایی که یَهودیهِ دِله دَرِنه کوهِ سَمت در بورِن و اونایی که شَهرِ دِله دَرِنه، شَهرِ جِم بیرون بورِن، و اونایی که دَشت و صَحرائه دِله دَرِنه شَهرِ دِله نَیِّن.

لوقا 21:24

وِشونِ شَمشیرِ هِمراه کُشِنِنه و اسیر کاندِنه و یِتا دییه مِلکِ دِله تبعید کاندِنه، اورشَلیم هم غیرِ یَهودیونِ دَس کَفِنه و لَگِدمال بونه تا مووقه ای که غیریهودیونِ دوره تِموم بَووه.

اوّل تِسالونیکیان 2:16

و نییِلنِنه اِما غیر یَهودیونِ هِمراه گَب بَزِنیم تا نِجات بَیرِن- این طی هَمِش شه گِناهونِ دَئیلِ لَب به لَب پِر کاندِنه. ولی سَر آخِر خِدائه غَضِب، وِشونِ سَر بییَمو.