اِنجیلِ مَتّی 22:44 - کتاب مقدس به زبان مازندرانی - گویش شرقی

⁴⁴ «”خِداوند مِ خِداوَندِ بااوته: مِ راسِ دَسِ طَرِف هِنیش تا وَختی که تِ دِشمِنونِ تِ لینگِ بِن دِم هادِم.“

گیله ماز

⁴⁴ «”خُداوند می خُداوَندِ باَگوته: می راسِ دَس وَر بَنیش تا وَختی که تی دُشمَنانِ تی لِنگِ جیر تُووادَم.“

کتاب مقدس به زبان مازندرانی - گویش غربی

⁴⁴ «”خِداوند می خِداوَندِ بُتِه: می راسِ دَسی وَر هِنیش تا وختی گه تی دِشمَنِنِ تی لینگی بِن دیم بَدِم.“

اِنجیلِ مَتّی 22:44 Iomraidhean Croise

اِنجیلِ مَتّی 22:45

اگه داوود وه ره خِداوَند گانه، چی طی وه تونده داوودِ ریکا بوئِه؟»

اِنجیلِ مَتّی 26:64

عیسی جِواب هِدا: «تِ شه این طی گانی! شِما ره گامبه بعد از این، اِنسانِ ریکا ره ویندِنی که خِدائه قادرِ راسِ دَس نیشته و آسِمونِ اَبرائه سَر اِنه.

مَرقُس 16:19

پَس عیسایِ خِداوند بعد از اون که این گَب ها ره وِشونِ بَزو، آسِمون بَورده بَییه و خِدائه راسِ دَسِ هِنیشته.

لوقا 19:27

اِسا اون دِشمِنونی ره که نِخواسِنه وِشونِ سَلطِنِت هاکانِمِ اینجه بیارین و وِشونِ مِ پَلی بَکوشین»

اِنجیلِ یوحنا 20:28

توما وه ره بااوته: «مِ خِداوند و مِ خِدا!»

اوّلین نامِه قُرنتیانی سِه 1:2

خِدائه کلیسائه وِسه که قُرِنتُسِ شَهرِ دِله دَره، اونایی که مَسیح عیسیِ دِله تَقدیس بَینه و دَعوِت بَینه تا مِقَدَّس زندگی هاکانِن، تِمومِ اونائه هِمراه که هر جائه دییه اَمه خِداوند عیسی مَسیحِ اِسمِ خوندِنِنه، که اَمه خِداوند و وِشونِ خِداوندِ:

اوّلین نامِه قُرنتیانی سِه 15:25

چوون وه وِنه تا وَختی که تِمومِ شه دِشمنونِ شه لینگِ بِن بییِلّه، سلطنت هاکانه.

فیلیپیان 3:8

راس راسی، مِن همه چی ره اینِ وِسه که مِ خِداوند مَسیحْ عیسیِ بِشناسییَن همه چیِ جِم بالاتر هَسه، ضرر دومبه، وه خاطِری همه چی ره از دَس هِدامه. و اونا ره آشغالِ واری دومبه تا مِ نفع، مَسیح بوئه

نامِه مَسیحینی عبرانی نِژادی سِه 1:13

خِدا تا اَلان کِدوم یِتا از فرشته ها ره بااوته: «مِ ‌راس دَس هِنیش تا مووقه ای که تِ دِشمِنونِ تِ لینگِ بن دِم هادِم»

نامِه مَسیحینی عبرانی نِژادی سِه 1:3

پَس وه، خِدائه جِلالِ نورِ و وه ذاتِ کاملِ نَخشِ، و وه همه چی ره شه کِلامِ قِوَّتِ هِمراه دارنه. وه بعد از این که گِناهونِ پاک هاکارده، اون کسِ راسِ دَس که با عظمت و عرشِ برینِ دِله دَره، هِنیشته.

نامِه مَسیحینی عبرانی نِژادی سِه 12:2

و اَمه چِش فِقَط عیسی ره بوئه که اَمه ایمونِ پِی هَسه و اَمه ایمونِ کامل کانده و اون خِشالیِ خاطِری که وه پیش رو دَییه، صَلیبِ تِحَمُّل هاکارده، وه ننگ و عارِ نَدید بَییته و خِدائه راسِ دَسِ تَختِ وَر نیشته.

یوحنایِ مکاشفه 19:19

و اون وحشی جانور و زِمینِ پاشاهونِ بَدیمه که شه لشگرهائه هِمراه جَمع بَییه بینه تا وه علیه که اسبِ سَر نیشته و وه لشگرِ علیه جَنگ هاکانِن.