اِنجیلِ مَتّی 22:4 - کتاب مقدس به زبان مازندرانی - گویش شرقی

⁴ پادشاه، نوکِرونِ دییه ای ره بَفرِسیه و بااوته : دَعوِت بَییهِ ها ره بارین شومِ حاضِر هاکاردِمه، مِن شه پرواری گوها و گوگِزاها ره سَر بَوریمه و همه چی حاضِرِ. پَس آروسیِ جشن وِسه بِئین.

گیله ماز

⁴ پادشاه پاکارانِ دیگَری رِه روانه هَکوردِه و باگوتِه: ”دَعوتی شانه باگُوید شام رِه حاضِر هَکُردَم، مَن می گو و جانکا شانه سَر بَبییَم و هَمِه چیز حاضِرِه. پس عروسی جَشن رَه بیئِین.“

کتاب مقدس به زبان مازندرانی - گویش غربی

⁴ پادشاه نوکَرِنِ دییَری رِه بَرِسانیِه و بُتِه: ”دَعوت بَوِه ایشونِه بُئین شُومِ حاضِر هاکِردِمِه، مِن شی پَروا بَوِه تِشک و تِشکِلِه ایشونِه سَر بَوریمِه و هَمه چی حاضِرِ. پس عروسی ای جَشنی سِه بیئِین.“

اِنجیلِ مَتّی 22:4 Iomraidhean Croise

اِنجیلِ مَتّی 21:36

صاحاب باغ اَت کَش دییه نوکِرونِ ویشتَری ره وِشونِ پَلی بَفرِسیِه، ولی باغبونون وِشونِ هِمراه هَم هَمون طی رِفتار هاکاردِنه.

اِنجیلِ مَتّی 22:5

ولی وِشون اِعتنا نَکاردِنه و هر کِدوم شه کارِ پِی بُوردِنه. یِتا شه زِمینِ سَر بورده و یِتا دییه شه كَسب و کارِ دِمبال.

اِنجیلِ مَتّی 22:8

بعد شه نوکِرونِ بااوته: 'آروسیِ جَشن آمادِهِ، ولی کِسایی که دَعوِت هاکارده بیمِه، لیاقت نِداشتِنه جشنِ وِسه بِیِّن.

لوقا 14:17

وَختی شُومِ مووقه بَییه، شه نوکِرِ بَفرِسیه تا دَعوِت بَییهِ ها ره باره، ”بِئین چوون همه چی حاضرِ.“

اعمال رَسولان 1:8

ولی وَختی روح‌القُدُس شِمه سَر نازل بَووه، قِوَّت گِرنِنی و اورشَلیمِ شَهرِ دِله و تِمومِ یهودیه و سامِرهِ مَنطقه و دِنیائه دورتِرین نخطهِ جِم، مِ شاهِدون بونِنی.»

اعمال رَسولان 13:46

اون وَخت پولُس و بَرنابا جرأتِ هِمراه بااوتِنه: «لازم بییه خِدائه کِلام قبل از همه شِمه وِسه بااوته بَووه. ولی وَختی اونِ رد هاکاردینی و شه ره اَبدی زندگیِ لایق نَدونِسینی، پَس اَلان اِما غیریهودیونِ سَمت شومبی.

رومی ایشون 8:32

وه که شه ریکا ره دریغ نَکارده، بلکه وه ره اِما همهِ وِسه فِدا هاکارده، چی طی وه دَس دِلوازیِ هِمراه، همه چی ره اِما ره نَدِنه؟