اِنجیلِ مَتّی 22:30 - کتاب مقدس به زبان مازندرانی - گویش شرقی

³⁰ قیامِتِ روز هیچ کَس نا زَن وَرنه و نا شی کانده، بلکه هَمِه، آسِمونِ فِرِشته هائه واری بونِنه.

گیله ماز

³⁰ قیامَتِ روز هیچکَس نه زَن گیرنِه و نه شو کانه، بلکه هَمِه آسِمانِ فِرِشتِگانِ مِثان بونَن.

کتاب مقدس به زبان مازندرانی - گویش غربی

³⁰ قیامَتِ روز هیچکی نا زَن گیرنِه و نا شی کِنِّه، بَلگی هَمه آسِمونی فِرِشتِگونی تَرا وونِنِه.

اِنجیلِ مَتّی 22:30 Iomraidhean Croise

اِنجیلِ مَتّی 13:43

اون وَخت صالِحون شه پییِرِ پادشاهیِ دِله خِرشیدِ واری دِرَخشِنِنه. هر کی گوشِ شنوا دارنه بِشنُئِه.

اِنجیلِ مَتّی 18:10

«هیچ وَخت این کِچیکِ وَچونِ کِچیک نِشمارین. چوون شِما ره گامبه وِشونِ فِرِشته ها، آسِمونِ دِله هَمِش مِ آسِمونی پییِرِ دیمِ ویندِنه.

اِنجیلِ مَتّی 22:31

ولی مِرده هائه زِنده بَیِّنِ خَوِری، مگه توراتِ دِله نَخوندِسِنی خِدا شِما ره چی بااوته؟

اِنجیلِ مَتّی 24:38

روزائه قبل از کِلاک، مَردِم خاردِنه و نوشینه و زَن وَردِنه و شی کاردِنه، تا این که نوح، کَشتیِ دِله بُورده.

لوقا 17:27

مَردِم خاردِنه و نوشینه و زَن وَردِنه و شی کاردِنه تا اون روز که نوح، کَشتیِ دِله بُورده. کِلاک بییَمو و همه ره هِلاک هاکارده.

یوحنایِ مکاشفه 19:10

بعد وه لینگ دَکِتِمه تا وه ره پَرَسِش هاکانِم. ولی وه مِ ره بااوته: «این طی نَکِن! چوون مِن هم تِ واری و تِ بِرارونِ واری که عیسیِ شِهادتِ قایم بَچِسبِسِنه، هم خِدمِتِمه. خِدا ره پَرَسِش هاکان! چوون عیسیِ شِهادت، نبِوّتِ روحِ.»