اِنجیلِ مَتّی 20:34 - کتاب مقدس به زبان مازندرانی - گویش شرقی

³⁴ عیسیِ دِل، وِشونِ وِسه بَسوتِه و شه دَسِ وِشونِ چِشِ سَر بییِشته. دَرجا وِشونِ چِش شِفا بَییته و بَتونِسِنه بَوینِن. بعد عیسیِ دِمبالِ سَر بُوردِنه.

گیله ماز

³⁴ عیسی دِل اوشانه رَه بَسوتِه و خودشه دَسِ اوشانه چِشمِ سَر بَنَه و دَرجا اوشانه چِشم شفا بِیتِه و بَتَّنِسَّن بِینَن. ایما عیسی یِه دُمّالسَر بَشَن.

کتاب مقدس به زبان مازندرانی - گویش غربی

³⁴ عیسایی دِل وِشونی سِه بَسوتِه و شی دَسِ وِشونی چِشی سَر بِشتِه. دَرجا وِشونی چِش شَفا بَیتِه و بَتِنِّسِنِه بَوینِن. اَزما عیسایی دِمال سَر بوردِنِه.

اِنجیلِ مَتّی 20:34 Iomraidhean Croise

اِنجیلِ مَتّی 14:14

هَمین که عیسی لَتکا جِم پیاده بَییه، جَمیِّتِ زیادی ره بَدیئه و وه دِل وِشونِ وِسه بَسوته و وِشونِ میونِ مَریضونِ شِفا هِدا.

اِنجیلِ مَتّی 15:32

عیسی، شاگِردونِ شه پَلی صِدا هاکارده و بااوته: «مِ دِل این مَردِمِ وِسه سوزِنه. اِسا سه روزِ مِ هِمراه دَرِنه و دییه هیچی بَخُردِنه وِسه نِدارنِنه. مِن نَخوامبه وِشونِ وِشنا راهی هاکانِم، چوون اِمکان دارنه راهِ دِله ضَعف هاکانِن.»

اِنجیلِ مَتّی 20:33

وِشون بااوتِنه: «اِی آقا، خوامبی اَمه چِش، سو دَکِفه.»

اِنجیلِ مَتّی 21:1

وَختی عیسی و وه شاگِردون اورشَلیمِ نَزیکی بَرِسینه و بیت‌فاجی روستا که زیتونِ کوهِ دِله بییه بییَمونه، عیسی، شه شاگِردونِ جِم دِ نَفِرِ روستائه دِله بَفرِسیه

اِنجیلِ مَتّی 8:15

عیسی وه دَسِ بَییته. وه توو بَوری بَییه و بِلِند بَییه عیسی ره پَذیرایی هاکارده.

اِنجیلِ مَتّی 9:29

پَس عیسی وِشونِ چِشِ دَس بَکِشیه و بااوته: «طِبقِ شِمه ایمون شِمه وِسه اِنجام بَووه»

اِنجیلِ مَتّی 9:36

وَختی عیسی اَنده جَمیِّتِ بَدیئه، وه دِل وِشونِ وِسه بَسوته، چوون که وِشون، بی چَپونِ گُسفِنِ واری پَریشون و وا بَمونِسه بینه.

مَرقُس 7:33

عیسی اون مَردی ره جَمیِّتِ جِم بیرون بَکِشیه، یِتا گوشه بَوِرده و شه انگوسِ وه دِتا گوشِ دِله بییِشته. بعد خِلّیک دِم هِدا و اون مَردیِ زِوونِ کَش بَزو.

لوقا 18:43

اون کورِ مَردیِ چِش دَرجا بَدیئه و هَمون طی که خِدا ره شکر کارده، عیسیِ دِمبال بُورده. وَختی تِمومِ مَردِم اینِ بَدینه، خِدا ره شکر هاکاردِنه.

لوقا 22:51

ولی عیسی بااوته: «این کارِ نَکِنین!» اون نوکِرِ گوشِ دَس بَکشیه و شِفا هِدا.

لوقا 7:13

عیسیِ خِداوند وَختی وه ره بَدیئه، وه دِل وه وِسه بَسوته و اون بیوه زِنا ره بااوته: «بِرمه نَکِن.»

اعمال رَسولان 26:18

تا وِشونِ چِشا ره واز هاکانی جوری که تاریکیِ جِم نورِ سَمت، و شیطانِ قِدرَتِ جِم، خِدائه سَمت بَردَگِردِن، تا وِشونِ گِناهون بیامِرزی بَووه و ایمونِ خاطری،که مِ ره دارنِنه، مِقدَّسینِ برکات دِله سهمی دارِن.“

نامِه مَسیحینی عبرانی نِژادی سِه 2:17

پَس لازم بییه که وه هر لحاظِ جِم شه بِرارونِ واری بَووه تا این طی خِدائه خِدمتِ دِله یِتا وِفادار و بخشنده کاهِن اَعظِم بوئه تا مَردِمِ گِناهونِ بَخشیده بَیِّنِ وِسه کَفّاره هاده.

اول پِطرُس 3:8

سرآخر، شِما همه، همفکر و یَک دِل و بِرار دوس و دلسوز و فروتن بوئین.