اِنجیلِ مَتّی 20:30 - کتاب مقدس به زبان مازندرانی - گویش شرقی

³⁰ راه دِله، دِتا کورِ مَردی نیشته بینه. وَختی بِشنُسِنه عیسی اونجه جِم رَد بونه، داد بَزونه: «اِی آقا، داوودِ ریکا، اِما ره رَحم هاکان!»

گیله ماز

³⁰ راهِ دِلِه دُتا کورِ مَردَای نیشته بان. وَختی بِشنَوِسَّن عیسی اوجِه یه جی رَد بونه، داد بَزَن: «اِی آقا، داوود ریکا، اَمَرِه رَحم هَکُن!»

کتاب مقدس به زبان مازندرانی - گویش غربی

³⁰ راهی دِلِه دِتا کورِ مَردی نیشت وِنِه. وختی بِشنُسِنِه عیسی اوجِه رِه گِذَر کِنِّه، داد بَزونِه: «اِی آقا، داوودی ریکا، اَمارِه رَحم هاکِن!»

اِنجیلِ مَتّی 20:30 Iomraidhean Croise

اِنجیلِ مَتّی 13:4

وَختی تیم پاشیه، اَت کَم راه دِله دَکِتِنه و پَرِنده ها بییَمونه و اونا ره بَخُردِنه.

اِنجیلِ مَتّی 15:22

یِتا كنعانی زِنا که اون مَنطقه دِله زِندِگی کارده، عیسی پَلی بییَمو و دادِ هِمراه بااوته: «اِی آقا، اِی داوودِ ریکا، مِ ره رَحم هاکان! مِ کیجا بَد جور دِو بَزو بَییه.»

اِنجیلِ مَتّی 20:31

مَردِم وِشونِ تَشِر بَزونِه و بااوتِنه ساکِت بَووین. ولی وِشون شه صِدا ره بِلِند و بِلِند تَر کاردِنِه، گاتِنه: «اِی آقا، داوودِ ریکا، اِما ره رَحم هاکان؛»

اِنجیلِ مَتّی 21:14

کورا و شَلا مَعبِدِ دِله وه پَلی بییَمونه و وه وِشونِ شِفا هِدا.

اِنجیلِ مَتّی 21:9

اون وَخت جَمیِّتی کِه جلو جلو شینه و اونایی که دِمبالِ سَر اییَمونه داد زونه گاتِنه: نِجات هاده داوودِ ریکا! مِوارَکِ اونی که خِداوَندِ اسمِ هِمراه اِنه! آسِمونِ جِم نِجات هاده!

اِنجیلِ مَتّی 22:42

«شِمه نَظِر مَسیحِ موعودِ خَوِری چیه؟ وه، کِنه ریکائه؟» وِشون جِواب هِدانه: داوودِ پادشاهِ ریکا.»

مَرقُس 10:46

وِشون اَریحائه شَهر بییَمونه. وَختی عیسی شه شاگِردون و جَمیِّتِ هِمراه اَریحائه جِم بیرون شیه، یِتا کورِ گِدا که وه اسم بارتیمائوس بییه، وه راه سَر نیشته بییه، بارتیمائوس تیمائوسِ ریکا بییه .

لوقا 4:18

«خِداوندِ روح مِ سَر دَره، چوون مِ ره مَسح هاکارده تا فقیرونِ خَوِرِ خِش هادِم مِ ره بَفرِسیه تا اسیرونِ آزادی و کورون بینایی ره اِعلام هاکانِم، و زجر بَکِشیِ ها ره آزاد هاکانِم،

لوقا 7:21

هَمون مووقه، عیسی خَله از اونایی که درد و مَرِض و پلید اِرواح داشتِنه ره شِفا هِدا و یَته خَله کورونِ بینا هاکارده.

اعمال رَسولان 2:30

ولی داوود یِتا پِیغَمبِر بییه و دونِسه خِدا وه وِسه قَسِم بَخُرده که وه نَسلِ جِم یه نَفِرِ وه سَلطَنِتِ تَختِ سَر نیشِندِنه.