اِنجیلِ مَتّی 20:24 - کتاب مقدس به زبان مازندرانی - گویش شرقی

²⁴ وَختی دَه شاگردِ دییه اینِ بِشنُسِنه اون دِتا برارِ وِسه داغ هاکاردِنه.

گیله ماز

²⁴ وَختی دَه شاگردِ دیگه اینِ بِشنَوِسَّن، اون دُتا اَداشِ سَرغیظ هَکُردَن.

کتاب مقدس به زبان مازندرانی - گویش غربی

²⁴ وختی دَه شاگردِ دییَر هَینِه بِشنُسِنِه، هون دِتا بِراری سِه داغ هاکِردِنِه.

اِنجیلِ مَتّی 20:24 Iomraidhean Croise

اِنجیلِ مَتّی 20:23

عیسی وِشونِ بااوته: «دِرِسِ، شِما مِ جامِ جِم نوشِنِنی، ولی مِن این اِختیارِ نِدارمه که بارِم کی مِ راسِ دَس و چَپِ دَسِ پَلی نیشِنه، این جاها اونایی وِسه ئه که مِ آسِمونی پییِر وِشونِ وِسه حاضِر هاکارده.»

اِنجیلِ مَتّی 20:25

ولی عیسی همه شاگِردونِ شه پَلی صدا هاکارده و بااوته: شِما دوندِنی که دییه قومِ حِکمرونون، مَردِمِ وِسه حِکمرونی کاندِنه و رئیسون اونایی که شه دَسِ بِن دَارنِنه ره زور گانِنه.

مَرقُس 10:14

عیسی وَختی اینِ بَدیئه، عَصِبانی بَییه و شه شاگِردونِ بااوته: «بییِلین وَچون مِ پَلی بِیِّن؛ وِشونِ دَمِ نَیرین، چوون خِدائه پادشاهی این طی آدِمونِ وِسه هَسه.

مَرقُس 10:41

وَختی ده شاگرد دییه این جَریانِ جِم خَوِردار بَینه، یَعقوب و یوحنائه جِم خَله عَصِبانی بَینه.

لوقا 13:14

ولی عِبادَتگاهِ رئیس از اینکه عیسی شنبه روزِ دِله شِفا هِدا بییه، عَصِبانی بَییه و مَردِمِ بااوته: «شیش روز، کار هاکاردِنِ وِسه دارنِنی. اون روزائه دِله بِئین و شِفا بَیرین، نا شنبه روزِ دِله.»

اوّلین نامِه قُرنتیانی سِه 13:4

مِحَبَّت صَبور و مِهروونِ؛ مِحبِّت حَسودی نَکانده و فَخر نَکانده، محبِّت غرور نِدارنه.

فیلیپیان 2:3

هیچ کاری ره خودخواهی و چِش و هم چِشیِ سَر نَکِنین، بلکه فروتنیِ هِمراه بَقیه ره شه جِم بِهتَر بَدونین.

یعقوبِ نامه 3:14

ولی اگه شه دلِ دِله تَلِ حسودی و خِد خواهی دارنِنی، شه ره نَیرین و خِلافِ حَییقَت گَب نَزِنین.

اول پِطرُس 5:5

همین طی شِما هم ای جوونون، مشایخِ جِم اِطاعت هاکانین. شِما همه شه رفتارِ دِله هَمدییهِ هِمراه فروتنی ره دَپوشین، چوون، «خِدا مغرورونِ روب رو اِیست کانده، ولی فروتنونِ فِیض دِنه»