اِنجیلِ مَتّی 2:4 - کتاب مقدس به زبان مازندرانی - گویش شرقی

⁴ هیرودیس، مَعبِدِ گَت گَتِ کاهِنون و مَلِّمونی که مَردِمِ، تورات تَعلیم دانه ره یه جا جَمع هاکارده و وِشونِ جِم بَپِرسیِه: مَسیحِ موعود کجِه وِنه دِنیا بِیّه؟

گیله ماز

⁴ هیرودیس، مَعبَدِ گَتِه کاهِنان و مُعَلِّمانی که مَردُمِ تورات تعلیم دَنهِ بان رِه یِجا جَمع هَکُردِه و اوشانه جی بَپُرسیِه: «مَسیحِ موعود کوجه بایِسّی دُنیا بییِه؟

کتاب مقدس به زبان مازندرانی - گویش غربی

⁴ هیرودیس، مَعبَدی گَت گَتِه کاهنِن و مَلِّمِنی گه مَردِنِ تورات تعلیم داوِنِه رِه یَجا جَم هاکِردِه و وِشونی جا بَپُرسیِه: «مَسیحِ موعود کِجِه وِنِه دِنیا بیئِه؟»

اِنجیلِ مَتّی 2:4 Iomraidhean Croise

اِنجیلِ مَتّی 13:52

عیسی وِشونِ بااوته: «پَس هَر شَریعتِ مَلِّم که آسِمونِ پادشاهیِ خَوِری تَعلیم بَییته بوئه، صاب خانه ای ره موندِنه که شه صَندِقِ جِم، پیت و نوِ چیا بیرون یارنه.

اِنجیلِ مَتّی 2:3

وَختی هیرودیسِ پادشاه اینِ بِشنُسه، خَله پَریشون بَییه و تِمومِ اورشَلیمِ مَردِم هم وه هِمراه پَریشون بَینه.

اِنجیلِ مَتّی 2:5

وِشون هیرودیسِ جِواب هِدانه: «یَهودیهِ بیت‌لِحِمِ دِله، چوون که میکائه پیغَمبِرِ طریق، مِقدَّسِ نوِشته هائه دِله این طی بَنوِشته بَییه:

اِنجیلِ مَتّی 21:15

وَختی گَت گَتِ کاهِنون و توراتِ مَلِّمون عیسیِ معجِزِاتِ بَدینه و بِشنُسِنه که وَچون مَعبِدِ دِله داد زَندِنه: « نِجات هاده، داوودِ ریکا» عَصِبانی بَینه.

اِنجیلِ مَتّی 21:23

عیسی مَعبدِ دِله بورده و شِروع هاکارده، مَردِمِ تَعلیم هِدائِن. گَت گَتِ کاهِنون و قومِ مَشایخ وه پَلی بییَمونه، بااوتِنه: «به چه حَقّی این کارا ره کاندی؟ کی این اِختیارِ تِ ره هِدا؟»

اِنجیلِ مَتّی 26:3

پَس گَت گَتِ کاهِنون و قومِ مَشایخ، قیافائه کاخِ دِله که کاهِنِ اَعظم بییه، جَمع بَینه

اِنجیلِ مَتّی 26:47

عیسی هَمتی دَییه گَب زوئه، یَهودا که یِتا اَز وه دِوازده شاگرد بییه بَرِسیه. یَهودائه هِمراه جَمیِّتِ زیادی که شَمشیر و دَسِ چو داشتِنه دَیینه که گَت گَتِ کاهِنون و قومِ مَشایخِ طَرِفِ جِم بییَمو بینه.

اِنجیلِ مَتّی 27:1

وَختی صِواحی بَییه، گَت گَتِ کاهِنون و قومِ مَشایِخ جَمع بَینه و مَشوِرَت هاکاردِنه که عیسی ره بَکوشِن.

اِنجیلِ مَتّی 7:29

چوون وه وِشونِ، توراتِ مَلِّمونِ واری تَعلیم نِدا بییه، بلکه یِتا کسِ واری تَعلیم دائه که صاحاب قِدرَتِ.

مَرقُس 8:31

اون وَخت عیسی شِروع هاکارده وِشونِ تَعلیم هِدائِن که وِنه اِنسانِ ریکا خَله عذاب بَکِشه و مَشایخ و مَعبِدِ گَت گَتِ کاهِنون و توراتِ مَلِّمون وه ره رَد هاکانِن، وِنه وه ره بَکوشِن و بعد از سه روز اَی زنده بَووه.

لوقا 20:19

توراتِ ملّمون و مَعبِدِ گَت گَتِ کاهِنون وَختی بِفَهمِسِنه این مَثِلِ وِشونِ خَوِری گانه، خواسِنه هَمون لَحظه عیسی ره بَیرِن، ولی مَردِمِ جِم تَرسینه.

لوقا 23:10

مَعبِدِ گَت گَتِ کاهِنون و توراتِ مَلِّمون که اونجه دَیینه، بَدجور وه ره تِهمت زونه.

اِنجیلِ یوحنا 18:3

پَس یَهودا یه دَسه از سربازون و مَعبِدِ گَت گَتِ کاهِنون و عُلِمائه فِرقه فریسیِ مامورونِ بَییته، اونجه بییَمو. وِشون فانوس و مَشعل و سِلاحِ هِمراه اونجه بَرِسینه.

اِنجیلِ یوحنا 3:10

عیسی جِواب هِدا: «تِ اِسرائیلِ قومِ مَلّمی و هَمتی این چیا ره نِفَهمِنی؟

اِنجیلِ یوحنا 7:32

فریسیونِ گوش بَرِسیه که جَمیِّت عیسی خَوِری این طی گَب هایی زَندِنه. پَس مَعبِدِ گَت گَتِ کاهِنون و عُلِمائه فِرقه فریسی، مَعبِدِ نگهوونونِ بَفرِسینه تا وه ره دَسگیر هاکانِن.

اِنجیلِ یوحنا 8:3

هَمون مووقه، توراتِ مَلّمون و عُلِمائه فِرقه فریسی، یِتا زِنا ره که زِنائه مووقه بَییته بینه ره مَردِمِ میون بیاردِنه،

اعمال رَسولان 23:9

یِتا گَتِ وَلوَشو بِلِند بَییه! بَعضی از توراتِ مَلِّمون که فَریسی بینه، بِلِند بَینه و بَدجور اِعتراض‌ هاکاردِنه بااوتِنه: «این مَردیِ دِله هیچ خَطایی نَویمبی. کجه جِم معلومِ که یِتا روح یا یِتا فرشته‌ وه هِمراه گَب نَزو بوئه.»

اعمال رَسولان 4:5

فِردائه اون روز، یَهودیونِ گَت گَتِ و مَشایخ و توراتِ مَلِّمون، اورشَلیمِ شَهرِ دِله جَمع بَییه بینه.

اعمال رَسولان 6:12

وِشون مَردِم و مشایخ و توراتِ مَلّمونِ، استیفانِ علیه پِر هاکاردِنه و اونا استیفانِ سَر دَکِتِنه، وه ره بییتِنه و شورائه پَلی بَوِردِنه.