اِنجیلِ مَتّی 2:3 - کتاب مقدس به زبان مازندرانی - گویش شرقی

³ وَختی هیرودیسِ پادشاه اینِ بِشنُسه، خَله پَریشون بَییه و تِمومِ اورشَلیمِ مَردِم هم وه هِمراه پَریشون بَینه.

گیله ماز

³ وَختی هیرودیسِ پادشاه اینه بِشنَوِسِّه خِیلی پَریشان هَبا و تمام اورشلیمِ مَردُم هم اونه هَمرَه پَریشان هَبان.

کتاب مقدس به زبان مازندرانی - گویش غربی

³ وختی هیرودیسِ پادشاه هَینِه بِشنُسِه خِیلی پَریشون بَوِه و دِشتِه اورشلیمی مَردِن هَم وی هَمرا پَریشون بَوِنِه.

اِنجیلِ مَتّی 2:3 Iomraidhean Croise

اِنجیلِ مَتّی 2:2

گاتِنه: «اون چِلیک وَچِه که یَهودِ پادشاهِ، کِجه دَره؟ چوون وه سِتاره ره مَشرق جِم بَدیمی و وه پَرَسِشِ وِسه بییَمومی.»

اِنجیلِ مَتّی 2:4

هیرودیس، مَعبِدِ گَت گَتِ کاهِنون و مَلِّمونی که مَردِمِ، تورات تَعلیم دانه ره یه جا جَمع هاکارده و وِشونِ جِم بَپِرسیِه: مَسیحِ موعود کجِه وِنه دِنیا بِیّه؟

اِنجیلِ مَتّی 23:37

«اِی اورشَلیم، اِی اورشَلیم، اِی شَهری که پِیغَمبِرونِ کُشِنی و رَسولونِ سَنگسار کاندی! چَن کَش خواسِمه کِجِ کِرکِ واری که شه چینیکاها ره شه پَر و بالِ بِن گِرنه تِ وَچونِ جَمع هاکانِم، ولی نِخواسی.

اِنجیلِ مَتّی 24:6

هَمین طی هم دَرواره جَنگ اِشنُنِنی و جَنگِ خَوِر شِمه گوش رِسِنه. ولی هراسون نَووین چوون که این طی اِتِّفاق وِنه دَکِفه، ولی آخِرِ زِمونِ دوره هَمتی نَرِسیه.

اِنجیلِ مَتّی 8:29

اون دِ نَفِر دادِ هِمرا بااوتِنه: «اِی خِدائه ریکا، اَمه هِمراه چی كار دارنی؟ اینجه بییَموئی تا اِما ره قبل از وَختِ قِرار زَجر هادی؟»

مَرقُس 13:7

وَختی جنگائه خَوِری اِشنُنِنی و جنگائه خَوِر شِمه گوش رِسنه، هَراسون نَووین. این طی چیا وِنه اِتّفاق دَکِفه، ولی هَمتی این آخِرِ زِمون نییه.

اعمال رَسولان 4:2

وِشون از اینکه رَسولون مَردِمِ تَعلیم دانه و عیسیِ زنده بَیِّنِ خَوِری گَب زونه، خَله وِشونِ حال بَییته بَییه.