اِنجیلِ مَتّی 2:23 - کتاب مقدس به زبان مازندرانی - گویش شرقی

²³ یوسِف بُورده و یِتا شَهرِ دِله، که وه اسم ناصره بییه زِندِگی هاکارده. این طی، اون پیشگویی که پِیغَمبِرون هاکارده بینه اِنجام بَرِسیه که: «وه ناصری بااوته بونه.»

گیله ماز

²³ یوسِف بَشَه و ایتا شَهر دِلِه که اونِه اسم ناصِره با زندِگی هَکُردِه. اینجوری اون پیشگویی که پِیغَمبَرِان هَکُردهِ بان به اَنجام بَرِسییَه: او ’ناصِری‘ دُخوانده بونه.

کتاب مقدس به زبان مازندرانی - گویش غربی

²³ یوسِف بوردِه و یَتِه شهری دِلِه گه وی اِسم ناصِرِه وِه زندِگی هاکِردِه. هَینجوری هون پِشگویی گه پِیغَمبَرِن هاکِرد وِنِه اَنجام بَرِسیِه گه: وی ’ناصِری‘ بَخونِس وونِه.

اِنجیلِ مَتّی 2:23 Iomraidhean Croise

اِنجیلِ مَتّی 1:22

اینا هَمِه اِتِّفاق دَکِتِه تا اونچی خِداوند اشعیائه پیغمبرِ زِوونِ جِم بااوته بییه اِنجام بَووه:

اِنجیلِ مَتّی 21:11

جَمیِّت جِواب دانه: «این عیسیِ پِیغَمبِرِ که ناصرهِ جَلیلِ جِم بییَمو»

اِنجیلِ مَتّی 26:71

بَعدتِر، دَرِ پَلی، یِتا کُلفِت دییه وه ره بَدیئه و بااوته: این مَردی هَم عیسیِ ناصِریِ هِمراه دَییه.

مَرقُس 1:24

«ای عیسیِ ناصری، اِما ره چی کار دارنی؟ بییَموئی اِما ره نابود هاکانی؟ دومبّه کی هَسی! تِ اون خِدائه قِدّوسی!»

مَرقُس 1:9

اون روزا، عیسی ناصرهِ شَهرِ جِم که جَلیلِ مَنطقهِ دِله بییه بییَمو و اُردن رودخانهِ دِله یحییِ جِم تَعمید بَییته.

لوقا 1:26

شیشمین ماه دِله، خِدا شه فرشته، جبرائیلِ یِتا شَهر که وه اسم ناصره و جلیل مَنطقه دِله بییه بَفرِسیه،

لوقا 18:37

وه ره بااوتِنه: «عیسیِ ناصری دَره رَد بونه.»

لوقا 2:39

وَختی یوسِف و مریِم تِمومِ اون چیایی ره که خِداوندِ شَریعَت دِله بییَمو بییه ره به‌جا بیاردِنه، شه شَهر ناصره که جَلیلِ مَنطقه بییه، بَردَگِردِسِنه.

اِنجیلِ یوحنا 18:5

وِشون بااوتِنه: «عیسیِ ناصری.» بااوته: «مِنِ وه هَسِمه.» یَهودا، کِسی که وه ره خیانت هاکارده بییه هم وِشونِ هِمراه اِیست هاکارده بییه.

اِنجیلِ یوحنا 18:7

عیسی اَت کَش دییه وِشونِ جِم بَپِرسیه: «کِنه دِمبال گِردِنِنی؟» وِشون بااوتِنه: «عیسیِ ناصری.»

اِنجیلِ یوحنا 19:19

پیلاتُسِ دستورِ هِمراه یِتا کَتیبه‌ بَنوِشتِنه و اونِ صَلیبِ سَر بَزونه. اونِ سَر بَنوِشته بَییه بییه: عیسیِ ناصری، یَهودیونِ پادشاه.

اعمال رَسولان 2:22

«ای یَهودیون، اینِ بشنُئین: عیسیِ ناصری، اون که خِدا، معجزات و عجیبِ چیا و نِشونه هایی که وه دَسِ هِمراه شِمه میون ظاهر هاکارده، وه حَییقَتِ گِواهی هِدا، هَمون طی که شه دوندِنی.

اعمال رَسولان 24:5

«اَمه وِسه ثابت بَییه که این مَردی، آدِمیِ که فِتنه دِم دِنه و تِمومِ دِنیائه یَهودیونِ میون آشوب به پا کانده. همین طی هم ناصری فرقهِ سَردَسه ئه.