اِنجیلِ مَتّی 2:16 - کتاب مقدس به زبان مازندرانی - گویش شرقی

¹⁶ وَختی هیرودیس سَرساب بَییه كه عالمینِ سِتارِه شِناس وه ره گول بَزونِه، خَله عَصِبانی بَییه و طِبقِ تاریخی که سِتارِه شِناسون جِم خَوِردار بَییه بییه، آدِم بَفرِسیه تِمومِ ریکا وَچونِ که دِ سال و دِ سال کَمتِر بینه ره، بیت لِحِم و تِمومِ اون مَنطقهِ دِله بَکوشِن،

گیله ماز

¹⁶ وَختی هیرودیس بَدییَه عالِمانِ سِتارِه شِناس اونه گول بَزَن، خِیلی بَرزَخ هَبا وطبق تاریخی که ستاره شناسانِ جی خبر دار هَبا با آدَم رَوانِه هَکوردِه تمام ریکا وَچِه شانی که دو ساله و دو سال کَمتر بان رِه، بیت‌لِحِم و تمام اون منطقه یه دِلِه بَکوشَن.

کتاب مقدس به زبان مازندرانی - گویش غربی

¹⁶ وختی هیرودیس سَریساب بَوِه عالِمینِ سِتارِه شِناس وِرِه گول بَزونِه، خِیلی عَصبانی بَوِه و طِبقِ تاریخی گه سِتارِه شِناسِنی جا خَوَردار بَوِه وِه، آدَم بَرِسانیِه دِشتِه ریکا وَچِه ایشونِه گه دِ سال و دِ سال کَمتر وِنِه رِه، بیت‌لِحِم و دِشتِه هون مَنطقِه ای دِلِه بَکوشِن.

اِنجیلِ مَتّی 2:16 Iomraidhean Croise

اِنجیلِ مَتّی 2:1

عیسی، هیرودیسِ پادشاهِ حِکمرونیِ دُوره، بیت‌لِحِمِ شَهرِ دِله، یَهودیهِ مَنطقهِ جِم دِنیا بییَمو. بَعد از وه دِنیا بییَموئِن سِتاره شِناسون، مشَرق زمِین جِم اورشَلیم بییَمونه

اِنجیلِ مَتّی 2:17

این کارِ هِمراه، اون گَبی كه اِرمیائه پیغَمبِر بَزو بییه، اِنجام بَرِسیِه:

اِنجیلِ مَتّی 2:7

بعد هیرودیس یَواشِکی عالمینِ سِتارِه شِناسِ، شه پَلی صدا هاکارده و وِشونِ جِم بَپِرسیه اون سِتارِه، کی ظاهر بَییه

یوحنایِ مکاشفه 12:4

شه دِم هِمراه آسِمونِ ستاره هائه یه سِوّمِ جَمع هاکارده و زِمینِ سَر دَشِندیه. اژدها اون زِنائه روب رو که دییه خواسه بِزائه، اِیست هاکارده، تا همین که وه وچه دِنیا بییَمو، اونِ بِبَلعه.

یوحنایِ مکاشفه 17:6

و بَدیمه که اون زِنا مقدّسینِ خون و اونایی که عیسیِ خاطِری شهید بَینهِ خونِ هِمراه مَسِّ. همین که زِنا ره بَدیمه خَله تَعجِّب هاکاردِمه.