اِنجیلِ مَتّی 2:13 - کتاب مقدس به زبان مازندرانی - گویش شرقی

¹³ بَعد از اینکه عالمینِ ستاره شناس بوردِنه خِداوَندِ یِتا از فرِشته ها، خو دِله یوسِفِ ظاهر بَییه و بااوته: «پِرِس، وَچِه و وه مارِ بَیر و هَمین اِمشو مِصر فِرار هاکان و تا وَختی که تِ ره نااوتِمه اونجه بَمون، چوون هیرودیس نِنّه وَچِه ره پی دا هاکانه و وه ره بَکوشه.»

گیله ماز

¹³ بعدِ اینکه عالِمانِ ستارِه شِناس بَشَن خُداوندِ ایتا از فِرِشتِگان خوابِ میَن یوسِفِ ظاهِر هَبا و باَگوته: «وَرِس، وَچِه و اونه مآرِ بَگیر و هَمین اِمشو مِصرِ سَمت فَرار هَکُن و اوجِه بُمان تا تِرِه خَبَر هَدَم، چون هیرودیس وچِهِ دُمّال گَردِنه تا اونه بَکوشِه.»

کتاب مقدس به زبان مازندرانی - گویش غربی

¹³ بعد از هینگِه عالِمینِ سِتارِه شِناس بوردِنِه، خِداوندی یَتِه از فِرِشتگون خُویی دِلِه یوسِفِ ظاهِر بَوِه و بُتِه: «پِرِس، وَچِه و وی مارِ بَئیر و هَمین اَمشو مِصری سِه فِرار هاکِن و تا وختی گه تِرِه نُتِمِه اوجِه بَمون، چون هیرودیس نِنِه وَچِه رِه بَنگیرِه و وِرِه بَکوشِه.»

اِنجیلِ مَتّی 2:13 Iomraidhean Croise

اِنجیلِ مَتّی 1:20

یوسِف هَمتی این فِکرائه دِله دَییه كه خِداوَندِ یِتا از فرشته ها، خوِ دِله وه ره ظاهر بَییه و بااوته: «اِی یوسِف داوودِ ریکا، اینِ جِم نَتِرس که مَریِمِ شه زِنا هاکانی، چوون اونچی وه اِشکِمِ دِله دَره، روح القدسِ جِم هَسه، هَمون خِدائه روح.

اِنجیلِ مَتّی 10:23

هَر وَخت شِما ره یِتا شَهرِ دِله ظِلم بَرِسانینه یِتا دییه شَهر، پِناه بَوِرین. چوون حَییقَتِن شِما ره گامبه قبل اَز اون که اِسرائیلِ تِمومِ شَهرا ره بُورین، اِنسانِ ریکا، اِنه.

اِنجیلِ مَتّی 2:12

چوون خوِ دِله وِشونِ گوشزَد بَییه بییه كه هیرودیسِ پَلی بَرنَگِردِن، یِتا دییهِ راهِ جِم شه زادگاه بَردَگِردِسِنه.

اِنجیلِ مَتّی 2:14

پَس یوسِف بِلِند بَییه و مار و چِلیکِ وَچِه ره بَییته و هَمون شو مصرِ سَمت راهی بَییه

اِنجیلِ مَتّی 2:16

وَختی هیرودیس سَرساب بَییه كه عالمینِ سِتارِه شِناس وه ره گول بَزونِه، خَله عَصِبانی بَییه و طِبقِ تاریخی که سِتارِه شِناسون جِم خَوِردار بَییه بییه، آدِم بَفرِسیه تِمومِ ریکا وَچونِ که دِ سال و دِ سال کَمتِر بینه ره، بیت لِحِم و تِمومِ اون مَنطقهِ دِله بَکوشِن،

اِنجیلِ مَتّی 2:22

ولی وَختی بِشنُسه كه آركِلائوس شه پییِر، هیرودیسِ جا، یهودیه دِله پادشاه بَییه، بَتِرسیِه اونجه بُورِه. چوون خو دِله وه ره بااوتِنه، جَلیلِ مَنطقه بوره.

اعمال رَسولان 10:22

وِشون بااوتِنه: «اِما ره رومِ فَرمونده کُرنِلیوس بَفرِسیه. وه دِرِسکار و خِداترسِ آدِمِ و تِمومِ یَهودِ قوم وه خواری ره گانِنه.‌ وه یِتا مِقَدَّسِ فِرشتهِ جِم دَستور بَییته که تِ دِمبال بَفرِسه و تِ ره شه سِره دَعوِت هاکانه و تِ گَبِ بِشنُئه.»

اعمال رَسولان 10:7

وَختی فرشته‌ای که وه هِمراه گَب زوئه وه وَرِ جِم بورده، کُرنِلیوس دِتا از شه خادِمون و یِتا از شه سپاهیونِ سربازِ که وِفادارِ مَردی بییه ره شه پَلی صدا هاکارده

اعمال رَسولان 12:11

پِطرُس وَختی سَرساب بَییه، بااوته: «اِسا دییه مطمئنِمه که خِداوند شه فرشته ره بَفرِسیه و مِ ره هیرودیسِ چَنگ و اون آزار اذیّتی که یَهودِ قوم وه توقع ره داشتِنه، نِجات هِدا.»

اعمال رَسولان 12:7

یِهویی خِداوندِ یِتا فرشته ظاهر بَییه و یِتا نور زِندونِ دِله بَتابِسه. فرشته پِطرُسِ پَلیه بَزو و وه ره بیدار هاکارده، بااوته: «تُن باش پِرِس!» دَرجا زَنجیل ها وه دَسائه جِم واز بَییه و بِنهِ سَر دَکِته.

اعمال رَسولان 16:36

زندونبون پولُسِ این پیغومِ جِم خَوِردار هاکارده و بااوته: «قاضیون دَستور هِدانه که شِما ره آزاد هاکانِم. پَس الان بیرون بِئین و بورین به‌سِلامِت.»

اعمال رَسولان 5:19

ولی شو، خِداوندِ یِتا فرشته زِندونِ دَرا ره واز هاکارده و وِشونِ بیرون بیارده

اعمال رَسولان 7:19

اون پادشاه اَمه قومِ هِمراه حیلهِ هِمراه رِفتار هاکارده و اَمه پییِرونِ خَله ظِلم هاکارده و وِشونِ مَجبور هاکارده که شه چِلیکِ وَچونِ بیرون وِل هاکانِن تا زنده نَمونِن.

یوحنایِ مکاشفه 12:14

ولی اون گَتِ عقابِ دِتا بال، اون زِنا ره هِدا بَییه تا اون جایی که صَحرائه دِله وه وِسه فراهم بَییه بییه پرواز هاکانه و اونجه، مَرِ جِم دور بَمونه، زِمونی و زِمونهایی و نصفِ ‌زِمونی وه ره دارِن.

یوحنایِ مکاشفه 12:4

شه دِم هِمراه آسِمونِ ستاره هائه یه سِوّمِ جَمع هاکارده و زِمینِ سَر دَشِندیه. اژدها اون زِنائه روب رو که دییه خواسه بِزائه، اِیست هاکارده، تا همین که وه وچه دِنیا بییَمو، اونِ بِبَلعه.

یوحنایِ مکاشفه 12:6

و اون زِنا صَحرائه سَمت بورده، اون جایی که خِدا وه وِسه فِراهم هاکارده بییه، دَر بورده تا اونجه هزار و دویست و شصت روز وه ره دارِن.