اِنجیلِ مَتّی 19:28 - کتاب مقدس به زبان مازندرانی - گویش شرقی

²⁸ عیسی وِشونِ بااوته: «حَییقَتاً شِما ره گامبه اون تازِه دِنیائه دِله وَختی اِنسانِ ریکا شه پادشاهیِ تَختِ سَر هِنیشه، شِما هم که مِ دِمبالِرونی، دِوازه تَختِ سَر نیشِنِنی و اِسرائیلِ دِوازه قَبیله ره داوِری کاندینی .

گیله ماز

²⁸ عیسی اوشانه باَگوته: «راس راسی شِمِره گونَم، اون تازِه دُنیایِ دِلِه وَختی انسانِ ریکا خودِشِه پادشاهِی یه تَختِ سَر بَنیشِه، شما که می دُمالِرو بِین دَوازدَه تَختِ سَر نیشِنِین و اِسراییلِ دَوازدِه قَبیلِه رِه داوَری کانید.

کتاب مقدس به زبان مازندرانی - گویش غربی

²⁸ عیسی وِشونِه بُتِه: «حَیقَتاً شِمارِ گِمه، اون تازِه دِنیایی دِلِه وختی اِنسونی ریکا شی پادشاهی ای تَختی سَر هِنیشِه، شِما هَم گه می دِمالرو وِنی دِوازِه تَختی سَر نیشِنِنی و اِسرائیلی دِوازِه قَبیلِه رِه داوَری کِنِنی.

اِنجیلِ مَتّی 19:28 Iomraidhean Croise

اِنجیلِ مَتّی 16:27

چوون اِنسانِ ریکا شه پییِرِ جِلالِ هِمراه، فِرِشته هائه هِمراه اِنه و بعد هَر کسِ طِبقِ وه اَعمال عَوِض دِنه.

اِنجیلِ مَتّی 19:27

پِطرُس بااوته: «چی اَمه گیر اِنه، اِمایی که هَمِه چیِ جِم دَس بَکِشیمی و تِ دِمبال بییَمومی.

اِنجیلِ مَتّی 20:21

عیسی وه ره بااوته: «چی خوانی؟» وِشونِ مار بااوته: «بار شه پادشاهیِ دِله، اِجازِه دِنی مِ یِتا ریکا تِ راسِ دَس و اون یِتا تِ چَپِ دَس هِنیشِن.»

اِنجیلِ مَتّی 25:31

«وَختی اِنسانِ ریکا شه جِلالِ هِمراه، تِمومِ فِرشته هائه هِمراه بِیّه، شه پادِشاهیِ تَختِ سَر نیشِنه.

اِنجیلِ مَتّی 6:33

پَس شِما قبل از هر چی، خِدائه پادشاهیِ برقراریِ وِسه و اِنجامِ وه خواسهِ وِسه تَقِلّا هاکانین؛ اون وَخت تِموم این چیا، شِما ره هِدا بونه.

اِنجیلِ مَتّی 8:20

عیسی وه جِواب بااوته: «شالا شه وِسه کِلی و پَرِنده ها شه وِسه لونه دارنِنه، ولی اِنسانِ ریکا هیچ جا ره نِدارنه شه سَرِ بییِلّه.»

مَرقُس 10:37

وِشون بااوتِنه: «اِجازه هاده تِ جِلالِ دِله، یِتا تِ راسِ دَس و یِتا دییه تِ چَپِ دَسِ وَر هِنیشیم.»

اعمال رَسولان 3:21

که آسِمون وِنه وه ره قَبول هاکانه تا روزایی که همه چی طبقِ اونچی که خِدا از قدیم، تِمومِ شه مِقدَّسِ پِیغَمبِرونِ زِوونِ جِم بااوته، بَووه.

دوم تیموتائوس 2:12

اگه طاقت بیاریم، وه هِمراه سلطَنِت هم کامبی. اگه وه ره اِنکار هاکانیم، وه هم اِما ره اِنکار کانده.

پطرسی دِوّمین نامِه 3:13

ولی اِما طِبق وه وَعده، جدیدِ آسمونون و جدیدِ زِمینِ چِش به راهِمی که اونِ دِله هر چی که خِدائه دیدِ جِم دِرِسِ، دَره.

یوحنایِ مکاشفه 11:16

و اون بیست و چهار تا پیر که خِداوندِ حِضور، شه تختائه سَر نیشته بینه، شه دیمِ سَر دَکِتِنه و خِدا ره پَرَسِش هاکاردِنه و

یوحنایِ مکاشفه 12:1

یِتا گَتِ نشونه آسمونِ دِله دیار بَییه: یِتا زِنا که اِفتاب شه‌ تَن داشته و ماه وه لینگِ بِن و یِتا تاج که دِوازده تا ستاره داشته وه سَر دَییه.

یوحنایِ مکاشفه 20:4

بعد تختهایی ره بَدیمه که اونائه سَر کِسایی نیشته بینه که وِشونِ داوِریِ اِقتدار، هِدا بَییه بییه. و آدِمونِ جان ها ره بَدیمه که عیسی مَسیحِ شهادت هِدائِنِ خاطِری و خِدائه کِلامِ خاطِری، وِشونِ کلّه ها وِشونِ تَنِ جِم سیوا بَییه بییه. و کِسایی ره بَدیمه که اون وحشی جانِوَر و وه مِجسمه ره پرسش نَکارده بینه و وه علامِتِ شه پیشونی و دَسِ سَر قبول نَکارده بینه. وِشون اَت کَش دییه زنده بَینه و مَسیحِ هِمراه هزار سال سلطَنِت هاکاردِنه.

یوحنایِ مکاشفه 21:5

و اون تخت‌نشین بااوته: «هارِش، مِن همۀ چیا ره جدید کامبه.» و اَی هم بااوته: «اینا ره بَنویس چوون این گَب ها راسِ و بونه اِعتماد هاکارد.»

یوحنایِ مکاشفه 22:2

و شَهرِ میدونِ میون رَد بونِسه. رودخانه ئه دِ طَرِف، زندگیِ دار دَییه که دِوازده جور میوه دائه، یعنی هر ماه یه جور میوه. و وه ورگ ها ملّت هائه وِسه شِفا بییه.

یوحنایِ مکاشفه 22:5

و دییه شو نَبونه. وِشون دییه لمپا یا اِفتابِ نورِ اِحتیاج نِدارنِنه، چوون خِداوندْ خِدا وِشونِ نور بونه. و وِشون تا اَبد و تا اَبد سلطَنِت کاندِنه.

یوحنایِ مکاشفه 3:21

«هر‌ کی پیروز بَووه، اینِ وه ره دِمبه که مِ هِمراه مِ تَختِ سَر هِنیشه، هَمون‌ طی که مِن پیروز بَیمه و شه پییِرِ هِمراه وه تَختِ سَر هِنیشتِمه.

یوحنایِ مکاشفه 4:4

اون تَختِ دور تا دور، بیست و چهار تا تخت دَییه و اون تختائه سَر بیست و چهار تا پیر نیشته بینه. که اسبه لِواس شه تَن و طِلا تاج شه سَر داشتِنه.

یوحنایِ مکاشفه 7:4

و بِشنُسِمه که مُهر بَییه هائه تعداد صد و چهل و چهار هزار نَفِر تِمومِ بنی‌اِسرائیلِ قومِ طایفه هائه جِم بییه.