اِنجیلِ مَتّی 19:14 - کتاب مقدس به زبان مازندرانی - گویش شرقی

¹⁴ ولی عیسی بااوته: «بییِلین کِچیکِ وَچون، مِ پَلی بِیِّن، وِشونِ دَمِ نَیرین، چوون اونایی که این وَچونِ واری بوئِن توندِنه آسِمونِ پادشاهیِ دِله بِیِّن.

گیله ماز

¹⁴ وَلی عیسی باَگوته: «بَنین کوچِ وَچِه هان می ورجه بییَن اوشانه جُلوهِ نگیرین، چونکه آسِمانِ پادشاهِی اینجور آدمان وَسین هیسِه.»

کتاب مقدس به زبان مازندرانی - گویش غربی

¹⁴ ولی عیسی بُتِه: «بِلین کِچیک وَچیلِه ایشون می وَر بیئِن وِشونی دَمِ نَیرین، چون اونانیگه هَین وَچیلِه ای تَرا ووئِن بَتِنِّنِه آسِمونی پادشاهی ای دِلِه بیئِن.»

اِنجیلِ مَتّی 19:14 Iomraidhean Croise

اِنجیلِ مَتّی 11:25

بعد عیسی شه گَبِ اِدامِه هِدا، بااوته: «اِی پییِر، اِی آسِمون و زِمینِ خِداوند، تِ ره شُکر گامبه كه این چیا ره عاقِلون و حَکیمونِ جِم قایم هاکاردی و کِچیکِ وَچونِ وِسه دیار بِساتی.

اِنجیلِ مَتّی 18:3

و بااوته: حَییقَتاً شِما ره گامبه، «تا عَوِض نَووین و کِچیکِ وَچِهِ واری نَووین، نَتوندِنی هیچ وَخت آسِمونِ پادشاهیِ دِله بُورین.

اِنجیلِ مَتّی 19:15

عیسی شه دَسِ وَچونِ سَر بییِشته و وِشونِ بَرکَت هِدا و اونجه جِم بُورده.

اِنجیلِ مَتّی 5:10

«خِش به حال اونایی که صالِح بَمونِسَنه وِسه، ظِلم ویندِنه، چوون آسِمونِ پادشاهی، که خِدا وه حاکِمِ وِشونِ هَسه.

اِنجیلِ مَتّی 5:3

«خِش به حالِ اونایی که روحِ دِله فَقیرِنِه چوون، آسِمونِ پادشاهی که خِدا وه حاکِمِ وِشونِ هَسه.

مَرقُس 10:14

عیسی وَختی اینِ بَدیئه، عَصِبانی بَییه و شه شاگِردونِ بااوته: «بییِلین وَچون مِ پَلی بِیِّن؛ وِشونِ دَمِ نَیرین، چوون خِدائه پادشاهی این طی آدِمونِ وِسه هَسه.

مَرقُس 10:15

حَییقَتاً، شِما ره گامبه، هر کی خِدائه پادشاهی ره وچهِ واری قبول نَکِنه، هیچ وَخت اونِ دِله نَشونه.»

اوّلین نامِه قُرنتیانی سِه 14:20

ای بِرارون، فکر هاکاردِنِ دِله وَچونِ واری نَبوئین. بلکه بَدی هاکاردِنِ دِله وَچونِ واری بوئین. ولی فکر هاکاردِنِ دِله گَتِ آدِم بوئین.