اِنجیلِ مَتّی 18:4 - کتاب مقدس به زبان مازندرانی - گویش شرقی

⁴ هَر کی شه ره این کِچیکِ وَچِهِ واری کِچیک هاکانه، آسمونِ پادشاهیِ دِله گَت تِرین بونه.

گیله ماز

⁴ هَرکی خودِش رهِ این کوچِه وَچِه یه مِثان کوچِک هَکونه، آسمانِ پادشاهِی یِه دِلِه گَت تَرین بونه.

کتاب مقدس به زبان مازندرانی - گویش غربی

⁴ هر کی شِرِه هَین کِچیک وَچِه ای تَرا کِچیک هاکِنِه، آسمونی پادشاهی ای دِلِه گَت تَرین وونِه.

اِنجیلِ مَتّی 18:4 Iomraidhean Croise

اِنجیلِ مَتّی 18:1

اون وَخت شاگِردون، عیسی پَلی بییَمونه و وه جِم بَپِرسینه: «کی آسمونِ پادشاهی دِله هَمِهِ جِم گَت تِرِ؟»

اِنجیلِ مَتّی 18:3

و بااوته: حَییقَتاً شِما ره گامبه، «تا عَوِض نَووین و کِچیکِ وَچِهِ واری نَووین، نَتوندِنی هیچ وَخت آسِمونِ پادشاهیِ دِله بُورین.

اِنجیلِ مَتّی 18:5

هر کی این طی وَچِه ره مِ اسمِ خاطِری قبول هاکانه مِ ره قبول هاکارده.

مَرقُس 10:43

ولی شِمه میون این طی نَبوئه. هر کی خوانه شِمه میون گَت بوئه، وِنه شِمه نوکِر بوئه.

مَرقُس 9:34

ولی وِشون هیچی نااوتِنه، چوون راهِ دِله هَمدییهِ هِمراه اینِ بَحثِ کاردِنه که کی همهِ جِم گَت تِرِ.

لوقا 14:11

چوون هر کی شه ره گَت هاکانه، کِچیک بونه، و هر کی شه ره فروتَن هاکانه، سَر بِلِند بونه.»

لوقا 9:48

و وِشونِ بااوته: «هر‌ کی این وَچه ره مِ اسمِ خاطِری قبول هاکانه، مِ ره قَبول هاکارده؛ و هر کی مِ ره قَبول هاکانه، اونی که مِ ره بَفرِسیه ره قَبول هاکارده. چوون شِما همهِ میون اونی گَت تِرِ که هَمهِ جِم کِچیکتر بوئه.»

یعقوبِ نامه 4:10

شه ره خِدائه پَلی فروتن هاکانین که وه شِما ره سَربِلِند کانده.

اول پِطرُس 5:5

همین طی شِما هم ای جوونون، مشایخِ جِم اِطاعت هاکانین. شِما همه شه رفتارِ دِله هَمدییهِ هِمراه فروتنی ره دَپوشین، چوون، «خِدا مغرورونِ روب رو اِیست کانده، ولی فروتنونِ فِیض دِنه»