اِنجیلِ مَتّی 18:29 - کتاب مقدس به زبان مازندرانی - گویش شرقی

²⁹ وه هَمکار، وه لینگِ روب رو زانو بَزو و خواهِشِ هِمراه بااوته: 'مِ ره مِهلَت هاده؛ تِمومِ شه قَرضِ تِ ره دِمبه.'

گیله ماز

²⁹ اونه هَمکار اونه لِنگِ پیش زِانو بَزَه و خواهِش هَمرَه باگوتِه: ”مَرِه مُهلَت هَدِه؛ تا تمام می قَرضِ تِرِه هَدَم.“

کتاب مقدس به زبان مازندرانی - گویش غربی

²⁹ وی هَمکار وی لینگی پِش زِنی بَزو و خواهِشی هَمرا بُتِه: ”مِنِه مِهلَت هادِه؛ دِشتِه شی قَرضِ تِرِه دِمِه.“

اِنجیلِ مَتّی 18:29 Iomraidhean Croise

اِنجیلِ مَتّی 18:26

ولی اون نوکِر اربابِ لینگِ روب رو زانو بَزو و خواهِشِ هِمراه بااوته: ' مِ ره مِهلَت هاده، تِمومِ شه قَرضِ تِ ره دِمبه

اِنجیلِ مَتّی 18:28

«ولی وَختی هَمین نوکِر داشته بیرون شیئِه، یِتا از شه هَمکارونِ بَدیئه که صَد دینار که سه ماه کارگرِ دَسمِزِ اِندا بییه وه ره بِدهکار بییه. پَس وه ره بَییته و وه گَلیِ بِنِ جِق هِدا و بااوته: شه قَرضِ پَس هاده!

اِنجیلِ مَتّی 18:30

ولی وه قَبول نَکاردِه، و اون مَردی ره زِندونِ دِله دِم هِدا تا شه بِدهی ره هاده.

اِنجیلِ مَتّی 18:33

مَگِه نَوِسِه هَمون طی که مِن تِ ره رَحم هاکاردِمه، تِ هم شه هَمکارِ رَحم کاردی؟'

اِنجیلِ مَتّی 6:12

اَمه خِطاها ره بِبَخش، هَمون طی که اِما هَم تِ واری اونایی که اِما ره خِطا هاکاردِنه ره بِبَخشیمی.

کولُسیان 1:7

هَمون طی که شِما اونِ اَمه عزیزِ همخِدمت، اِپافْراسِ جِم یاد بَییتینی، اونی که شِمه طَرِف جِم مَسیحِ وِفادارِ نوکِرِ.

کولُسیان 4:7

تیخیکوس شِما ره مِ اَحوال جِم، کاملاً باخَوِر کانده. وه عزیزِ برار و وِفادارِ نوکِر و خِداوندِ دِله مِ هِمراه هم خِدمتِ.