اِنجیلِ مَتّی 18:24 - کتاب مقدس به زبان مازندرانی - گویش شرقی

²⁴ پَس وَختی حِساب کتابِ شِروع هاکارده، یه نَفِرِ وه پَلی بیاردِنه، که اَنده پادشاه ره بِدِهکار بییه که حَتّی اَگه دِ هِزار سال پادشاهِ وِسه کار کارده اَی هَم نَتونِسه شه بِدِهی ره پَس هاده.

گیله ماز

²⁴ پس وَختی حِساب کِتابِ شُروع هَکُردِه، یِنَفَرِ اونه ورجِه بیاردَن که آنقَدَر پادشاه رِه بِدِهکار با که حتّی اَگه دو هِزار سال پادشاهِ وَسین کار کانِبا بازهَم نَتَّنِسِّه خودشه بدهی رِه پَس هَدِه.

کتاب مقدس به زبان مازندرانی - گویش غربی

²⁴ پس وختی حِساب کِتابِ شِرو هاکِردِه، یَنَفَرِ وی وَر بیاردِنِه گه اَنّی پادشاه رِه بِدِهکار وِه گه حتّی اگه دِ هِزار سال پادشاهی سِه کار کِردِه اَی هَم نَتِنِسِه شی بِدِهی رِه پَس هادِه.

اِنجیلِ مَتّی 18:24 Iomraidhean Croise

اِنجیلِ مَتّی 18:23

چوون آسِمونِ پادشاهی یِتا پادشاهِ واریِ که تَصمیم بَییتِه شه نوکِرونِ هِمراه حِساب کتاب هاکانه.

اِنجیلِ مَتّی 18:25

وَ چوون نَتونِسه شه قَرضِ هاده، اَرباب دَستور هِدا وه ره، وه زِنا و وَچون و تِمومِ وه دار و نِدارِ هِمراه، بَروشِن تا شه طَلِبِ بَیره.

اِنجیلِ مَتّی 25:15

هَر کِدومِ، وِشونِ تَوانِ اِندا هِدا، یِتا ره صد سالِ وه دَسمِزِ اِندا، یِتا ره چِهل سالِ وه دَسمِزِ اِندا و یِتا دییه ره بیست سالِ وه دَسمِزِ اِندا هِدا، بَعد سَفِرِ وِسه راهی بَییه.

اِنجیلِ مَتّی 25:16

اون مَردی که شه صَد سالِ دَسمِزِ اِندا بَییته بییه، دَرجا بُورده و اونِ هِمراه تجارت هاکارده و شه اَربابِ پولِ دِ بِرابر هاکارده.

اِنجیلِ مَتّی 25:20

اون نوکِر که شه صد سالِ دَسمِزِ اِندا بَییته بییه، هَمون اِندا که سود هاکارده بییه ره شه هِمراه بیارده و بااوته: ارباب، مِ ره مِ صَد سالِ دَسمِزِ اِندا پول هِدا بیئی، وه هِمراه شه صَد سالِ دَسمِزِ اِندا سود هاکاردِمه.

اِنجیلِ مَتّی 25:22

اون نوکِری که شه چِهل سالِ دَسمِزِ اِندا بَییته بییه جلو بییَمو و بااوته: اَرباب، تِ مِ ره مِ چِهل سالِ دَسمِزِ اِندا هِدا بیئی، بَفِرمی وه هِمراه شه چِهل سالِ دَسمِزِ اِندا سود هاکاردِمه.

اِنجیلِ مَتّی 25:24

بعد اون نوکِر که شه بیست سالِ دَسمِزِ اِندا بَییته بییه جلو بییَمو و بااوته : ”اَرباب: چوون دونِسِمِه سَختگیرِ مَردی ای هَسی و نَکاشته ره دِرو کاندی و نَپاشیه ره جَمع کاندی.

لوقا 13:4

و یا گِمون کاندینی اون هیجده نَفِر که سْیلوآمِ برج وِشونِ سَر لِه بورده و وِشونِ بَکوشته، اورشَلیمِ دییه مَردِمِ جِم خِطاکارتر بینه؟

لوقا 16:5

پَس، اونایی که وه اربابِ بدهکار بینه ره تَک تَک بااوته وه پَلی بِیِّن. اَوِّلیِ جِم بَپِرسیه: ”چَنده مِ اربابِ بدهکاری؟“

لوقا 16:7

بعد دومیِ جِم بَپِرسیه: ”تِ چَنده بدهکاری؟“ جِواب هِدا: ”صد خِروار گَندِم.“ بااوته: ”شه صورت حِسابِ بَیر و بَنویس هِشتاد خِروار!“