اِنجیلِ مَتّی 18:19 - کتاب مقدس به زبان مازندرانی - گویش شرقی

¹⁹ اینِم شِما ره گامبه، اَگه دِ نَفِر از شِما زِمینِ سَر اونچیِ خَوِری که خِدائه جِم خوانِنی یَک دِل بَووین، مِ آسِمونی پییِر اونِ شِما ره دِنه.

گیله ماز

¹⁹ اینم شِمِره گونَم اَگِه شیمی جی دو نفر زَمینِ سَر اونچه یه باره که خُدایِ جی خَنید یِک دِل هَبین، می آسِمانی پیَر اونِه شِمِره دَنه.

کتاب مقدس به زبان مازندرانی - گویش غربی

¹⁹ هَینَم شِمارِ گِمِه اگه دِ نفر از شِما زَمینی سَر اونچی ای خَوَری گه خِدایی جا خواینِنی یَکدِل ووئین، می آسِمونی پیر اونِه شِمارِ دِنِه.

اِنجیلِ مَتّی 18:19 Iomraidhean Croise

اِنجیلِ مَتّی 21:22

هَر چی دِعائه دِله بِخوائین، به دَس یارنِنی، به شَرطی که ایمون دارین.»

اِنجیلِ مَتّی 5:24

شه قِروونی ره قِروونگاهِ جلو بییِل و اَوِّل بور و شه بِرارِ هِمراه آشتی هاکان و بعد بَردَگِرد و شه قِروونی ره پیشکَش هاکان.

اِنجیلِ مَتّی 7:7

«بَخواین، که شما ره هِدا بونه. بَگِردین، که پی دا کاندینی. در بَزِنین، که در شِمه رو واز بونه.

مَرقُس 11:24

پَس شِما ره گامبه، هر چی دِعائه دِله خوانِنی، ایمون دارین که اونِ بَییتِنی، و اون شِمه وِسه بونه.

اِنجیلِ یوحنا 15:16

شِما مِ ره انتخاب نَکاردینی، بلکه مِن شِما ره اِنتخاب هاکاردِمه و بَفرِسیمه تا بُورین و میوه بیارین و شِمه میوه بَمونه، تا هر چی پییِرِ جِم مِ اسمِ هِمراه بَخواین شِما ره هاده.

اِنجیلِ یوحنا 15:7

اگه مِ دِله بَمونین و مِ کِلام شِمه دِله بَمونه، هر چی خوانِنی، درخواس هاکنین که برآورده بونه.

اِنجیلِ یوحنا 16:23

اون روز، دییه هیچی مِ جِم نِخوانِنی. حَییقَتاً، شِما ره گامبه، هر چی آسِمونی پییِرِ جِم مِ اسمِ هِمراه بِخوائین، اونِ شِما ره دِنه.

اعمال رَسولان 1:14

وِشون همه، زَن هائه هِمراه و مَریِم عیسیِ مار و وه بِرارونِ هِمراه، یَک دِل تِمومِ شه وَختِ دِعائه وِسه اییِشتِنه.

اعمال رَسولان 12:5

پَس پِطرُسِ زِندونِ دِله داشتِنه، ولی کلیسا یه سَره وه وِسه خِدائه پَلی دِعا کارده.

اعمال رَسولان 16:10

پولُس وَختی این رویا ره بَدیئه، دَرجا مَقدونیه بوردیمی چوون مِطمئن بَیمی خِدا اِما ره صدا هاکارده تا انجیلِ خَورِ خِشِ وِشونِ هادیم.

اعمال رَسولان 6:4

ولی اِما شه ره دِعا هاکاردِن و خِدائه کِلامِ خِدمِت وِسه وَقف کامبی.»

فیلیپیان 1:19

چوون دومبه که شِمه دعاها و عیسی مَسیحِ روحِ کمکِ هِمراه، اینا مِ آزاد بَیّنِ وِسه خَتم بونه،

اوّل یوحنا 3:22

و هر چی وه جِم بِخوائیم، گِرمی، چوون وه اَحکامِ عَمِل کامبی و اونچی که وه ره خِشال کانده ره کامبی.