اِنجیلِ مَتّی 18:14 - کتاب مقدس به زبان مازندرانی - گویش شرقی

¹⁴ مِ آسِمونی پییِرِ خواسه این نییه، که حَتّی یِتا از این کِچیکون هِلاک بَووِن.

گیله ماز

¹⁴ اینه وَسین شیمی آسِمانی پیَره خواسِّه این نیِه که حَتّی ایتا از این کوچَکان هَلاک هَبون.

کتاب مقدس به زبان مازندرانی - گویش غربی

¹⁴ می آسِمونی پیری خواسِّه هَین نیِه گه حَتّی یَتِه از هَین کِچیکِن هَلاک بَوون.

اِنجیلِ مَتّی 18:14 Iomraidhean Croise

اِنجیلِ مَتّی 18:13

اَرِه، شِما ره گامبه، اگه اونِ پی دا هاکانه، اون یِتا گُسفِنِ وِسه ویشَتر خِشال بونه تا اون نَوِد و نه گُسفِنِ وِسه که گوم نَینه.

اِنجیلِ مَتّی 18:15

«اَگه تِ بِرار تِ ره گناه هاکارده، وه پَلی بور و خَلوِتِ جائه دِله، وه خَطا ره وه ره گوشزَد هاکان. اَگه تِ گَبِ گوش هاکارده، اَی دِواره شه بِرارِ پی دا هاکاردی

اِنجیلِ مَتّی 5:16

همین طی بییِلین شِمه نور مَردِمِ پیش بَتابه تا شِمه خوارِ کارا ره بَوینِن و شِمه پییِرِ که آسِمونِ دِله دَره ره پَرَسِش هاکانِن.

اِنجیلِ مَتّی 6:32

چوون این دِنیائه تِمومِ قوما، این چیائه دِمبال دَرِنه، ولی شِمه آسِمونی پییِر دونده كه شِما تِمومِ این چیا ره اِحتیاج دارنِنی.

اِنجیلِ مَتّی 6:9

پَس شِما این طی دِعا هاکانین: 'اِی اَمه پییِر که آسِمونِ دِله دَری، تِ اسم مِقَدَّس بوئه.

لوقا 12:32

«ای کِچیکِ گَلّه، نَتِرسین، چوون شِمه آسِمونی پییِرِ خِشالی، اینِ که پادشاهی ره شِما ره هاده.

اِنجیلِ یوحنا 17:12

مِن تا وَختی که وِشونِ هِمراه دَیمه اونایی که تِ مِ ره هِدایی ره تِ اسمِ هِمراه حِفظ هاکاردِمه، مِن وِشونِ جِم حِفاظَت هاکاردِمه، وِشونِ جِم هیچ کِدوم هِلاک نَینه، جِز اون هِلاکتِ ریکا، تا اونچی مِقدَّسِ نوِشتهِ دِله بَنِوِشته بَییه حَییقت بَرِسه.

اِنجیلِ یوحنا 21:15

بعد از صِبونه، عیسی شَمعونِ پِطرُسِ جِم بَپِرسیه: «ای شَمعون، یوحَنائه ریکا، مِ ره اینائه جِم ویشتر دوس دارنی؟» وه جِواب هِدا: «اَره آقا؛ تِ که دوندی تِ ره دوس دارمه.» عیسی وه ره بااوته: «مِ وَره ها ره خِراک هاده.»

دوم تیموتائوس 2:10

اینِ وِسه انتخاب بَییه هائه خاطِری همه چی ره طاقِت یارمه تا اونا هم اون نجاتی که مَسیحْ عیسیِ دِله دَره ره، اَبدی جِلالِ هِمراه به‌دَس بیارِن.

نامِه مَسیحینی عبرانی نِژادی سِه 12:13

راه ها ره شه لینگائه وِسه هِموار هاکانین، تا شَلِ لینگ شه جائه سَر دَر نَشوئه، بلکه شِفا بَیره.

پطرسی دِوّمین نامِه 3:9

برخلاف بَعضیائه گَمون، خِداوند شه وعدهِ انجام هِدائنِ‌ دِله دیر نَکانده، ولی این طی نییه، بلکه شِمه هِمراه صَبورِ، چوون نِخوانه هیچ کس هِلاک بَووه بلکه خوانه همه تووبه هاکانِن.