اِنجیلِ مَتّی 17:21 - کتاب مقدس به زبان مازندرانی - گویش شرقی

²¹ ولی این جور دِو به جِز دِعا و روزه بیرون نَشونه.]»

گیله ماز

²¹ ولی این نوع آل بِجُز دُعا و روزِه دِرگا نَشونِه.»

کتاب مقدس به زبان مازندرانی - گویش غربی

²¹ ولی هَین جور دِو بِجِز دِعا و روزِه دیرگا نَشونِه.]»

اِنجیلِ مَتّی 17:21 Iomraidhean Croise

اِنجیلِ مَتّی 12:45

بعد شونه و هَفت تا روح شه جِم بَدتِرِ جَمع کانده و یارنه، وِشون همه اِنِنه و اونجه ساکِن بونِنه و سَرآخِر اون آدِم اَوِّلِ جِم هم بَدتِر بونه. این بِلا این بَدِ نَسلِ سَر هَم اِنه»

اِنجیلِ مَتّی 17:22

اون مووقه که جَلیلِ مَنطقهِ دِله دَیینه، عیسی وِشونِ بااوته: «اِنسانِ ریکا مَردِمِ دَس تَسلیم بونه

مَرقُس 9:29

عیسی وِشونِ بااوته: «این طی روح، به جِز دِعا هیچیِ هِمراه بیرون نَشونه.»

اعمال رَسولان 13:2

مووقه ای که وِشون روزه بینه و دَینه خِداوندِ پرسِش کاردِنه، روح القدُس بااوته: «بَرنابا و شائولِ کاریِ که مِن وِشونِ اونِ وِسه دَعوت هاکاردِمه، سیوا هاکانین.»

اعمال رَسولان 14:23

وِشون هر کلیسائه دِله مَشایخی ره ایموندارونِ وِسه بییشتِنه و دِعا و روزهِ هِمراه وِشونِ خِداوندی که وه ره ایمون بیارده بینهِ دَس بِسپارِسِنه.

اوّلین نامِه قُرنتیانی سِه 7:5

هَمدییه ره بی نَصیب نییِلین، به جِز اینکه اَت کم و هَمدییهِ رضایتِ هِمراه بوئه تا شه وَختِ دِعائه وِسه بییِلین. ولی بعد اَی هم هَمدییه هِمراه دَووین، نَکِنه شِیطان شِما ره اینِ خاطِری که نَتوندِنی شه دَمِ دارین وَسوسهِ دِله دم هاده.

دوّمین نامه قرنتیانِ وَسین 11:27

سختی و تنگیِ دِله، خَله شوها نَخواتِن بَکِشیمه؛ وِشنایی و تِشناییِ دِله، ویشترِ وختا بی‌غذا بیمه و سِرما دِله لِخت و پَتی بیمه.

اِفِسُسیان 6:18

و هَمش، هر جور دِعا و خواهشِ هِمراه، خِدائه روحِ دِله دِعا هاکانین و هَمینِ وِسه بیدار و هوشیار بوئین و هَمش پایداریِ هِمراه تِمومِ مِقَدَّسینِ وِسه دِعا هاکانین.