اِنجیلِ مَتّی 15:33 - کتاب مقدس به زبان مازندرانی - گویش شرقی

³³ شاگِردون بااوتِنه: «کِجه جِم تومبی صَحرائه دِله این گَتِ جَمیِّتِ وِسه نون تَهیّه هاکانیم؟»

گیله ماز

³³ شاگِردان باگوتَن: «کوجه یه جی تانیم این صَحرایِ دِلِه این گَتِه اِزدِحامِ وَسین نان تهیِّه هَکُنیم؟»

کتاب مقدس به زبان مازندرانی - گویش غربی

³³ شاگِردِن بُتِنِه: «کِجِه دَری بَتِّمی صَحرایی دِلِه هَین گَتِه اِزدِحامی سِه نون تَیِّه هاکِنیم؟»

اِنجیلِ مَتّی 15:33 Iomraidhean Croise

اِنجیلِ مَتّی 14:15

نِماشونِ مووقه شاگِردون عیسی پَلی بییَمونه، بااوتِنه: «اینجه بَرَهوتِ، روزَم دَره تِموم بونه. پَس مَردِمِ بَفرِس بورِن دِهاتِ دِله و شه وِسه خِراک بَخرینِن.»

اِنجیلِ مَتّی 15:32

عیسی، شاگِردونِ شه پَلی صِدا هاکارده و بااوته: «مِ دِل این مَردِمِ وِسه سوزِنه. اِسا سه روزِ مِ هِمراه دَرِنه و دییه هیچی بَخُردِنه وِسه نِدارنِنه. مِن نَخوامبه وِشونِ وِشنا راهی هاکانِم، چوون اِمکان دارنه راهِ دِله ضَعف هاکانِن.»

اِنجیلِ مَتّی 15:34

عیسی بااوته: «چَن تا نون دارنِنی؟» جِواب هِدانه: «هَفت تا نون و چَن تا کِچیکِ مائی.»

مَرقُس 6:37

ولی عیسی وِشونِ بااوته: «شِما شه یه چی وِشونِ هادین تا بَخُرِن.» بااوتِنه: «خوانی بُوریم و دویست دینارِ اِندا نون بَخرینیم و وِشونِ هادیم تا بَخُرِن؟»

لوقا 9:13

عیسی وِشونِ جِواب بااوته: «شه شِما وِشونِ غِذا هادین.» وِشون بااوتِنه: «اِما به جِز پِنج تا نون و دِتا مائی هیچی نِدارمی، مگه اینکه بُوریم و تِمومِ این مَردِمِ وِسه غِذا بَخرینیم.»