اِنجیلِ مَتّی 14:3 - کتاب مقدس به زبان مازندرانی - گویش شرقی

³ چوون هیرودیس، هیرودیائه خاطِری كه وه بِرار فیلیپُسِ زِنا بییه، یحیی ره بَییته و وه دَس و لینگِ دَوِسه و وه ره زِندونِ دِله دِم هِدا.

گیله ماز

³ چون هیرودیس، هیرودیا یِه خاطِری که قبلاً اونه اَداش فیلیپُس زِنا با، یحیی رِه بِیته و اونه دَس و لِنگِ دَبِسِّه و اونه زِندانِ دِلِه تُووادَه.

کتاب مقدس به زبان مازندرانی - گویش غربی

³ چون هیرودیس، هیرودیایی خاطری گه وی بِرار فیلیپُسی زَنا وِه، یحیی رِه بَیتِه و وی دَس و لینگِ دَوِسِّه و وِرِه زیندونی دِلِه دیم بَدا.

اِنجیلِ مَتّی 14:3 Iomraidhean Croise

اِنجیلِ مَتّی 11:2

وَختی یحیی زنِدونِ دِله مَسیحِ کارائه جِم خَوِردار بَییه، شه شاگِردونِ طَریق وه وِسه پِیغوم بَفرِسیه

اِنجیلِ مَتّی 14:6

ولی وَختی هیرودیسِ زاد روز بَرِسیه، هیرودیائه کیجا مِهمونونِ پلی سِما هاکارده و هیرودیس اَنده وه سِمائه جِم خِشال بَییه

اِنجیلِ مَتّی 4:12

وَختی عیسی بِشنُسِه یحیی دَستگیر بَییه، جلیل بورده،

مَرقُس 6:14

این جریان هیرودیسِ پادشاهِ گوش بَرِسیه، چوون عیسیِ آوازه همه جا دَپیته بییه. بَعضی از مَردِم گاتِنه: «این مَردی هَمون یحییِ تعمیددهِندئه که مِردِه هائه جِم زِنده بَییه. همینِ وِسه تونده این طی معجزاتی هاکانه.»

مَرقُس 6:17

چوون هیرودیس بییه که دَستور هِدا یحیی ره بَیرِن و وه ره دَوِندِن و زِندونِ دِله دِم هادِن. هیرودیس این کارِ هیرودیائه خاطِری هاکارده بییه. هیرودیا، قبلتر فیلیپُسِ زِنا بییه که اَلان هیرودیس وه هِمراه آروسی هاکارده بییه.

مَرقُس 6:19

پَس هیرودیا یحیی جِم کینه داشته و خواسه وه ره بَکوشه، ولی نَتونِسه.

مَرقُس 6:22

هیرودیائه کیجا مَجلسِ دِله بییَمو و سِما هاکارده و هیرودیس و وه مِهمونونِ خِشال هاکارده. اون وَخت پادشاه کیجا ره بااوته: «هر چی دوس دارنی مِ جِم بِخواه که تِ ره دِمبه.»

مَرقُس 8:15

عیسی وِشونِ گوشزد هاکارده و بااوته: «مِواظِب بویئن، فَریسیون و هیرودیسِ خمیرمایهِ جِم دوری هاکانین.»

لوقا 13:1

هَمون مووقه، چَن نَفِر جَمیِّتِ دِله عیسی ره جلیلیونِ جِم خَوِر هِدانه که پیلاتُس وِشونِ، قِروونی هاکاردِنِ مووقه، قتلِ عام هاکارده بییه، جوری که وِشون خون، قِروونی هائه خونِ هِمراه قاطی بَییه بییه.

لوقا 13:31

هَمون مووقه، عُلِمائه فِرقه فریسیِ جِم چَن نَفِر عیسی پَلی بییَمونه و بااوتِنه: «اینجه ره ترک هاکان و یه جا دییه بور، چوون هیرودیس خوانه تِ ره بَکوشه.»

لوقا 23:11

هیرودیس و وه سربازون هم عیسی ره بی‌ حِرمتی و مَسخره کاردنه. بعد یِتا شاهانه قَوا وه تَن دَکاردِنه و پیلاتُسِ پَلی بَردِگاردِنینه.

لوقا 23:7

و وَختی بِفَهمِسه که هیرودیسِ مَنطقه جِم هَسه، عیسی ره وه پَلی بَفرِسیه، چوون هیرودیس شه اون مووقه اورشَلیمِ دِله دَییه.

لوقا 3:1

تیبِریوسِ فرمونرواییِ پونزدهمین سالِ دِله، رومِ امپراطور، وَختی پُنتیوس پیلاتُس یَهودیهِ فَرموندار بییه و هیرودیس جَلیلِ مَنطقهِ حاکم، و وه بِرار فیلیپُس ایتوریه و تْراخونیتیسِ مَنطقهِ حاکم، و لیسانیوس آبیلینیِ مَنطقهِ حاکم بییه

لوقا 8:3

یوآنّا خوزائه زِنا، که خوزا هیرودیسِ مِواشِر بییه، سوسن و یَته خَله زَن هائه دییه. این زَن ها شه داراییِ هِمراه عیسی و وه شاگِردونِ خِدمِت کاردِنه.

اعمال رَسولان 12:1

هَمون مووقه ها، هیرودیسِ پادشاه، چَن نَفَرِ که کلیسائه اعضاء بینه ره شروع به آزار اذیت هاکارده.

اعمال رَسولان 4:27

راس راسی که این شَهرِ دِله، هیرودیسِ حاکم و پُنتیوس پیلاتُس، غیرِ یَهودیون و یَهودِ مَردِمِ هِمراه تِ مِقدَّسِ خادم عیسیِ علیه که وه ره مَسح هاکاردی، هَمدَس بَینه،