اِنجیلِ مَتّی 13:44 - کتاب مقدس به زبان مازندرانی - گویش شرقی

⁴⁴ «آسِمونِ پادشاهی جا هِدائه گَنجی ره موندِنه که یِتا زِمینِ دِله دَره، یه نَفِر وه ره پی دا کانده، هَمونجه وه سَرِ پوشِندِنه، خِشالیِ جِم شونه، اون چی که دارنه ره روشِنه، و اون زِمینِ خَرینده.

گیله ماز

⁴⁴ «آسِمانِ پادشاهی جا هَدَه گَنجی رِه ماندِنه که ایتَا زَمینِ میَن دَرِه و یِنَفَر اونه پیدا کانه، هَموجِه اونه سَرِ پوشاندِنِه و خُشحالی یه جی شونِه اونچه که دَاره رِه روشِنِه و اون زَمینِ رِه هینِه.

کتاب مقدس به زبان مازندرانی - گویش غربی

⁴⁴ «آسِمونی پادشاهی جاهادا گَنجی رِه مونِّه گه یَتِه زَمینی دِلِه دَرِه و یَنَفَر وِرِه اَنگیرنِه، هَموجِه وی سَرِ پوشانِّه و خِشالی ای جا شونِه اونچی گه دارنِه رِه روشِنِه و هون زَمینِ خَرینِّه.

اِنجیلِ مَتّی 13:44 Iomraidhean Croise

اِنجیلِ مَتّی 13:24

عیسی یِتا دییه مَثِل هَم وِشونِ وِسه بیارده: «آسِمونِ پادشاهی یِتا مَردی ره موندِنه که شه زِمینِ دِله خوارِ تیم دَشِندیه

اِنجیلِ مَتّی 13:46

وَختی با اِرزِشِ مرواری ره پی دا هاکارده، بُورده و اونچی که داشته ره بَروته و اون مِرواری ره بَخریه.

اِنجیلِ مَتّی 13:47

«اَی هم آسِمونِ پادشاهی یِتا تورِ موندِنه که دَریائه دِله دِم هِدائه بونه و هَمه جور مائی وه دِله دَره.

اِنجیلِ مَتّی 19:21

عیسی وه ره بااوته: «اَگه خوانی كامل بَووی، بور هر چی دارنی ره بَروش و وه پولِ فَقیرونِ هاده که آسِمونِ دِله گنج دارنی. اون وَخت بِرو و مِ ره پیرَوی هاکان.

اِنجیلِ مَتّی 19:27

پِطرُس بااوته: «چی اَمه گیر اِنه، اِمایی که هَمِه چیِ جِم دَس بَکِشیمی و تِ دِمبال بییَمومی.

اِنجیلِ مَتّی 19:29

و هَر کی که مِ اسمِ خاطِری شه سِره، بِرارون، خواخِرون، پییِرمار، وَچون و شه مِلکِ جِم دَس بَکِشیه، صَد بِرابر گِرنه و زِندِگی اَبَدی ره بِدَس یارنه.

اِنجیلِ مَتّی 6:21

چوون هَر جا تِ گَنج دَره، تِ دِل هَم اونجه دَره.

لوقا 14:33

همین طی، هیچ‌ کِدوم از شِما هم اگه تِموم چیایی جِم که دارنه دَس نَکِشه، نَتونده مِ شاگرد بوئه.

اِنجیلِ یوحنا 6:35

عیسی وِشونِ بااوته: «اون نونی که زندگی بَخشِنه مِن هَسِمه. هر کی مِ پَلی بِیّه، وِشنا نَوونه، و هر کی مِ ره ایمون بیاره هیچ وَخت تِشنا نَوونه.

رومی ایشون 15:4

چوون هر چی که قَدیم نَدیما بَنوِشته بَییه، اَمه تَعلیمِ وِسه بییه تا پایداری و اون دلگرمی ای هِمراه که مِقدَّسِ نوِشته ها دِنه ره امید داریم.

کولُسیان 2:3

وه دِله که تِمومِ حَکمت و معرفتِ گنج ها جا هِدائه.

کولُسیان 3:16

مَسیحِ کِلام شِمه دِله فِراوونیِ هِمراه بَمونه؛ تِمومِ حِکمتِ هِمراه هَمدییه ره نصیحت هاکانین و تَعلیم هادین؛ مزامیر، سرودها و آوازهائه هِمراه که خِدائه روحِ جِم هَسه، و شِکر هاکاردِنِ هِمراه شه دِلهائه دِله خِدائه وِسه بَخونین.

نامِه مَسیحینی عبرانی نِژادی سِه 10:34

چوون شِما اونایی هِمراه که زِندونِ دِله دَینه، همدردی کاردینی و اون مووقه که شِمه مال و مِنالِ غارِت کاردِنه خِشالیِ هِمراه قبول کاردینی، چوون شِما شه دونِسِنی یِتا بهترِ مال و مِنالِ صاحابِنی که تا اَبد موندِنه.

یوحنایِ مکاشفه 3:18

تِ ره نصیحت کامبه که خالصِ طِلا که تَش جِم بُگذِشته ره مِ جِم بَخرینی تا دولتمند بَووی؛ و اسبه لِواس ها، تا دَپوشی و تِ لختیِ شرم بَدیئه نَووه؛ و مَرهم، تا شه چِشائه سَر بَمالی تا بَوینی.