اِنجیلِ مَتّی 12:50 - کتاب مقدس به زبان مازندرانی - گویش شرقی

⁵⁰ هر کی مِ آسِمونی پییِرِ خواسه ره اِنجام هاده، وه مِ بِرار و خواخِر و مارِ.»

گیله ماز

⁵⁰ هر کی می آسِمانی پیَره خواسِّه رِه اَنجام هَدِه، اون می اَداش و خاخُر و مآر هیسه.»

کتاب مقدس به زبان مازندرانی - گویش غربی

⁵⁰ هر کی می آسِمونی پیری خواسِّه رِه اَنجام هادِه، وی، می بِرار و خاخِر و مارِ.»

اِنجیلِ مَتّی 12:50 Iomraidhean Croise

اِنجیلِ مَتّی 12:49

شه دَسِ هِمراه شاگِردونِ اِشارِه هاکارده و بااوته: «مِ مار و بِرارون اینا هَسِنه.

اِنجیلِ مَتّی 13:1

هَمون روز عیسی سِره جِم بیرون بورده و دریا لو هِنیشته

اِنجیلِ مَتّی 17:5

هَمتی پِطرسِ گَب تِموم نَییه بییه، یِتا پِر نورِ اَبر وِشونِ سَرِ ور سایه دِم هِدا و یِتا صِدا اَبرِ جِم بِشنُسه بَییه که گاته: «این مِ عَزیزِ ریکائه که وه جِم راضیمه، وهِ گَبِ گوش هاکانین.»

اِنجیلِ مَتّی 25:40

پادشاه وِشونِ گانه: ”حَییقتاً شِما ره گامبه، اونچی که یِتا مِ کِچیکترین بِرارونِ وِسه هاکاردینی، مِ وِسه هاکاردینی.“

اِنجیلِ مَتّی 25:45

وِشونِ جِواب گانه: ”حَییقَتِن شِما ره گامبه، اون چی که یِتا این کِچیکونِ وِسه نَکاردینی، در حَییقَت مِ وِسه نَکاردینی.“

اِنجیلِ مَتّی 28:10

اون وَخت عیسی وِشونِ بااوته: «نَتِرسین؛ بُورین و مِ بِرارونِ بارین که جلیل بورِن. اونجه مِ ره ویندِنه.»

مَرقُس 3:35

چوون هر کی که خِدائه خواسه ره به جا بیاره، مِ بِرار و خواخِر و مارِ.»

لوقا 8:21

ولی عیسی وِشونِ جِواب بااوته: «مِ مار و بِرارون اونایینه که خِدائه کِلامِ اِشنُنِنه و اونِ عَمِل کاندِنه.»

اِنجیلِ یوحنا 15:14

اگه اونچی شِما ره حِکم کامبه ره اِنجام هادین، مِ رَفِقونِنی.

اِنجیلِ یوحنا 20:17

عیسی وه ره بااوته: «مِ کَش نَخُر، چوون هَمتی پییِرِ پَلی بالا نَشیمه. ولی مِ بِرارونِ پَلی بور و وِشونِ بار که مِن شه پییِر و شِمه پییِر و شه خِدا و شِمه خِدائه پَلی شومبه.»

اِنجیلِ یوحنا 6:29

عیسی جِواب هِدا: «خِدائه کار اینِ که اونی که وه بَفرِسیه ره ایمون بیارین.»

اِنجیلِ یوحنا 6:40

چوون مِ پییِرِ خواسه اینِ که هر کی که ریکا ره امید دَوِنده و وه ره ایمون بیاره، اَبدی زندگی ره داره، و مِن قیامِتِ روز وه ره زِنده کامبه.»

اعمال رَسولان 17:30

قَدیم، خِدا این طی نادونیِ جِم چِش پوشی کارده. ولی اَلان تِمومِ مَردِمِ، اِسا هر جا که دَرِنه ره دستور دِنه که توبه هاکانِن.

اعمال رَسولان 26:20

بلکه اَوِّل دَمشقیونِ میون، بعد اورشَلیم و تِمومِ یَهودیهِ مَنطقه دِله، و غیرِیهودیونِ میون هم، این پِیغومِ اِعلام هاکاردِمه که وِنه توبه هاکانِن و خِدائه سَمت بَردَگِردِن و شه عَملِ هِمراه نِشون هادِن که واقعاً توبه هاکاردِنه.

رومی ایشون 8:29

چوون اونایی که خِدا قبلاً بِشناسیه ره، وِشونِ هم قبلتر تعیین هاکارده تا وه ریکائه واری بَووِن، تا این طی مَسیح خَله بِرارونِ دِله، اَوِّلین وچه بوئه.

اوّلین نامِه قُرنتیانی سِه 9:5

مگه حَق نِدارمی بَقیهِ رَسولون و خِداوندِ بِرارون و کیفائه واری، شه هِمراه یِتا ایموندارِ زِنا داریم؟

دوّمین نامه قرنتیانِ وَسین 11:2

چوون مِن شِمه سَر غیرت دارمه و این غیرت خِدائه جِم هَسه، چوون مِن شِما ره یِتا مَردی، یعنی مَسیحِ هِمراه، نومزِه هاکاردِمه، تا یِتا پاکِ اَذِبِ کیجائه واری، شِما ره وه دَس بِسپارِم.

غَلاطیان 5:6

چوون مَسیحْ عیسیِ دِله نا خَتنه بَیّن مهمِّ نا ختنه‌ نَیِّن، بلکه مهم ایمونیِ که مِحبَّتِ طَریقِ جِم کار کانده.

غَلاطیان 6:15

چوون نا خَتنه بَیّن چیزیه و نا خَتنه ‌نَیِّن؛ اونچی مهمِ تازهِ خلقت هَسه.

کولُسیان 3:11

این نو آدِمِ دِله، نا یونانی یا یهودی، نا ختنه‌بَییه یا ختنه‌نَییه، نا بَربَر یا سَکایی، نا نوکِر یا آزاد، دییه مَعنی نِدارنه، بلکه مَسیح همه چی هَسه و همهِ دِله دَره.

اول تیموتائوس 5:2

و پیرِ زَن ها ره مارائه واری، و جِوونِ زَن ها ره شه خواخِرونِ واری، تِمومِ پاکیِ دِله.

نامِه مَسیحینی عبرانی نِژادی سِه 5:9

و اون مووقه که کامل بَییه، تِمومِ اونایی که وه جِم اِطاعت کاندِنهِ وِسه، اَبدی نِجاتِ سرچِشمه بَییه.

اول پِطرُس 4:2

و بَقیهِ عمرِ جِسمِ دِله، نا آدِمی هِوا و هوسِ هِمراه، بلکه خِدائه ارادهِ دِله زندگی کانده.

اوّل یوحنا 2:17

دِنیا و وه هِوا و هوس ها گُذِرنه، ولی اونی که خِدائه اِراده ره به جا یارنه، تا اَبد به جا موندِنه.

یوحنایِ مکاشفه 22:14

خِش به حال اونایی که شه قواها ره شورنِنه تا این حَقِّ دارِن تا زندگیِ دارِ جِم بَخُرِن و بَتونِن شَهرِ دروازه ها ره دِله بورِن.