اِنجیلِ مَتّی 12:45 - کتاب مقدس به زبان مازندرانی - گویش شرقی

⁴⁵ بعد شونه و هَفت تا روح شه جِم بَدتِرِ جَمع کانده و یارنه، وِشون همه اِنِنه و اونجه ساکِن بونِنه و سَرآخِر اون آدِم اَوِّلِ جِم هم بَدتِر بونه. این بِلا این بَدِ نَسلِ سَر هَم اِنه»

گیله ماز

⁴⁵ ایما شونِه و هفت روح خودِشِه جی بَدتَر جَمع کانه و هارنه، اوشان همه هَنِن و اوجِه ساکِن بونَن سرآخَر اون آدَم اَوَّلِ جی هَم بَدتَر بونه. این بَلا این بَدِ نَسلِ سَر هَم هَنِه.»

کتاب مقدس به زبان مازندرانی - گویش غربی

⁴⁵ اَزما شونِه و هفت تا روح شیجا بَدتَرِ جَم کِنِّه و اُرنِه، وِشون هَمه اِنِنِه و اوجِه ساکِن وونِنِه، سَرآخَر هون آدَم اَوَّلی جا هَم بَدتَر وونِه. هَین بَلا هَین بَدِ نَسلی سَر هَم اِنِه.»

اِنجیلِ مَتّی 12:45 Iomraidhean Croise

اِنجیلِ مَتّی 12:24

ولی وَختی عُلِمائه فَریسی اینِ بِشنُسِنه بااوتِنه: «این مَردی دِوها ره بِعِلزِبولِ کُمِکِ هِمراه که دِوهائه رَئیسِ بیرون کانده.»

اِنجیلِ مَتّی 12:44

اون موقع گانه: 'اون سِرِه ای كه وه جِم بییَمومه، بَرگِردِمبه .' پَس بَرگِردِنه و اون سِره ره خالی و سازه بَزوئه و تَمیز هاکارده وینده.

اِنجیلِ مَتّی 17:21

ولی این جور دِو به جِز دِعا و روزه بیرون نَشونه.]»

اِنجیلِ مَتّی 23:15

«وای به حال شِما اِی توراتِ مَلِّمون و عُلِمائه فَریسی دِرو! شِما دریا و خِشکیِ جِم گُذر کاندینی تا کِسی ره پی دا هاکانین که شِمه دینِ قَبول هاکانه. وَختی هم موَفَق بَینی، وه ره دِ بِرابَر شه جِم بَدتِر، جَهَنِّمی ریکا سازِنِنی.

اِنجیلِ مَتّی 23:24

اِی راهنِمایونی که شه کورِنی! شِما لَلِ صافی کاندینی ولی شِتِرِ بَلعِنِنی!

مَرقُس 16:9

وَختی عیسی هَفتهِ اَوِّلین روزِ زودِ صِواحی زِنده بَییه، اَوِّل مریِم مَجْدَلیّه که وه جِم هفتا دِوو بیرون هاکارده بییه ره ظاهر بَییه.

مَرقُس 5:9

عیسی وه جِم بَپِرسیه: «تِ اسم چیه؟» وه بااوته: «مِ اسم لَشگَرِ؛ چوون اِما خَله زیادیمی.»

لوقا 11:26

شُونه و هَفت تا روح شه جِم بَدتِرِ یارنه و همه با هم دِله شونِنه و اونجه ساکن بونِنه. اون وَخت اون آدِمِ عاقبت وه اَوِّلِ کَشِ جِم، هم بَدتِر بونه.»

اِفِسُسیان 6:12

چوون اَمه جَنگ، جِسم و خونِ هِمراه یعنی آدِمِ هِمراه نییه، بلکه اِما رئیسونِ علیه، قِدرت هائه علیه، و اون تاریکیِ نیروهائه علیه که این دِنیائه سَر حاکِمِنه، و شَریرِ روحانی لشگرهائه علیه،که آسِمونی جاهائه دِله دَرِنه، جَنگِمبی.

نامِه مَسیحینی عبرانی نِژادی سِه 10:39

ولی اِما کِسایی جِم نیمی که بَرگِردِنِنه و هِلاک بونِنه، بلکه اونائه جِم هَسیمی که ایمون دارنِنه و شه جانِ حِفظ کاندِنه.