اِنجیلِ مَتّی 12:44 - کتاب مقدس به زبان مازندرانی - گویش شرقی

⁴⁴ اون موقع گانه: 'اون سِرِه ای كه وه جِم بییَمومه، بَرگِردِمبه .' پَس بَرگِردِنه و اون سِره ره خالی و سازه بَزوئه و تَمیز هاکارده وینده.

گیله ماز

⁴⁴ اون موقه گونِه ”به اون سِرِه ایی که اونه جی بومَم، وَگَردِنَم.“ پَس وَگَردِنِه و اون سِرِه رِه خالی و ساجِه بَزِه و تَمیز هَکُردهِ دینه،

کتاب مقدس به زبان مازندرانی - گویش غربی

⁴⁴ اون موقِه گِنِه: ”هون خِنِه ای گه ویجا بیمومِه، گِردِمِه.“ پَس گِردِنِه و هون خِنِه رِه خالی و ساجِه بَزِه و تَمیز هاکِرد وینِّه،

اِنجیلِ مَتّی 12:44 Iomraidhean Croise

اِنجیلِ مَتّی 12:29

یا چی طی یه نَفِر تونده یِتا قِددارِ مَردیِ سِره دِله که شِیطان بوئه، بُوره و وه مال و مِنالِ تاراج هاکانه غیر از اون که اَوِّل وه دَس و لینگِ دَوِنده؟ اون وَختِ که وه سِره ره غارِت کانده؟

اِنجیلِ مَتّی 12:43

«وَختی پَلیدِ روح یه نَفِرِ جِم بیرون اِنه، بی اوهِ جائه دِله بَرگِردِنه تا یِتا جا، اِستراحتِ وِسه پی دا هاکانه، ولی پی دا نَکانده.

اِنجیلِ مَتّی 12:45

بعد شونه و هَفت تا روح شه جِم بَدتِرِ جَمع کانده و یارنه، وِشون همه اِنِنه و اونجه ساکِن بونِنه و سَرآخِر اون آدِم اَوِّلِ جِم هم بَدتِر بونه. این بِلا این بَدِ نَسلِ سَر هَم اِنه»

لوقا 11:25

وَختی اونجه رِسِنه و اون سِره ره سازه بَزو و تَمیز وینده

اِنجیلِ یوحنا 12:6

وه اینِ وِسه، اینِ نااوته که فَقیرونِ فکر دَییه، بلکه چوون دِزد بییه اینِ بااوته؛ عیسی و شاگِردونِ خَرج و بَرجِ پول کیسه وه دَس دَییه و یَهودا اون پولِ جِم دِزِسّه.

اِنجیلِ یوحنا 13:2

شومِ مووقه بییه. اِبلیس قبلتَر یهودائه اِسْخَریوطی، شَمعونِ ریکائه دلِ دِله، بییِشته بییه که عیسی ره دِشمِنِ تَسلیم هاکانه.

اِنجیلِ یوحنا 13:27

یَهودا وَختی لُقمه ره بَییته، شیطان وه دِلِ دِله بُورده. بَعد عیسی وه ره بااوته: «اونچی که خوانی اِنجام هادی ره، زودتِر اِنجام هاده.»

اوّلین نامِه قُرنتیانی سِه 11:19

چوون وِنه این دِ دَسِگی شِمه میون دَووه تا این طی اونایی که شِمه میون راس راسی ایمون دارنِنه مَعلوم بَووِن.

اِفِسُسیان 2:2

و یه وَختی اونائه دِله زندگی کاردینی، اون مووقه که این دِنیائه راه هائه دِله و هِوائه رَئیسِ قِدرَت، یعنی اِبلیسِ جِم اِطاعت کاردینی، اون روحِ جِم که اَلان هم نافَرمونِ وَچونِ دِله کار کانده.

اوّل یوحنا 2:19

وِشون اَمه میونِ جِم بیرون بُوردِنه، ولی اَمه جِم نَبینه؛ چوون اگه اَمه جِم بینه، اَمه هِمراه موندِسِنه. ولی وِشونِ بوردِن نِشون هِدا که وِشون هیچ کِدوم، اَمه جِم نَبینه.

اوّل یوحنا 4:4

ای کِچیکِ وَچون، شِما، خِدائه جِم هَسینی و وِشونِ حریف بَینی، چوون اونی که شِمه دِله دَره، اونی جِم که دِنیائه دِله دَره، گَتتِرِ.