اِنجیلِ مَتّی 12:42 - کتاب مقدس به زبان مازندرانی - گویش شرقی

⁴² جِنوبِ مَلَکِه، داوِریِ روز بِلِند بونه و این نَسلِ مَردِمِ مَحکوم کانده، چوون که وه دِنیائه اون ورِ جِم بییَمو تا سِلِیمونِ پادشاهِ حِکمَتِ بِشنُئه و اونی كه اینجه دَره، سِلِیمونِ جِم گَت تِرِ.

گیله ماز

⁴² جُنوبِ مَلَکِه داوَری یه روز وَرِسِنِه و این نَسل مَردُم رِه مَحکوم کانه، چونکه اون، دُنیایِ اُجارِ جی بوما تا سُلیمانِ پادشاهِ حِکمَتِ بِشنوئهِ، اَسِه کَسیکه ایجه دَرِه، سُلِیمان جی گَتِ تَرِه.

کتاب مقدس به زبان مازندرانی - گویش غربی

⁴² جِنوبی مَلَکِه داوَری روز اِرِسِنِه و هَین نَسلی مَردِنِ مَحکوم کِنِّه، چون وی دِنیایی هون وَری جا بیمو تا سِلِیمونِ پادشاهی حِکمَتِ بِشنُئِه. هونیگه اَلَن هَیجِه دَرِه، سِلِیمونی جا گَت تَرِه.

اِنجیلِ مَتّی 12:42 Iomraidhean Croise

اِنجیلِ مَتّی 12:41

داوِریِ روز، نینوائه مَردِم، این نَسلِ هِمراه بِلِند بونِنه و این نَسلِ مَحکوم کاندِنه، چوون نینوائه مَردِم وَختی یونسِ سِخَنوَری ره بِشنُسِنه، تووبه هاکاردِنه، اِسا اونی كه اینجه دَره، یونسِ جِم گَت تِرِ.

اِنجیلِ مَتّی 12:6

شِما ره گامبه یه نَفِر، مَعبِدِ جِم گَت تِر اینجه دَره.

اِنجیلِ مَتّی 17:5

هَمتی پِطرسِ گَب تِموم نَییه بییه، یِتا پِر نورِ اَبر وِشونِ سَرِ ور سایه دِم هِدا و یِتا صِدا اَبرِ جِم بِشنُسه بَییه که گاته: «این مِ عَزیزِ ریکائه که وه جِم راضیمه، وهِ گَبِ گوش هاکانین.»

اِنجیلِ مَتّی 3:17

بعد یِتا صدا آسِمونِ جِم بِشنُسه بَییه كه گاته: «این مِ جانِ ریکائه كه وه جِم خِشالمِه.»

اِنجیلِ یوحنا 1:14

و کِلام، آدِم بَییه و اَمه میون مَنزل هاکارده. و اِما وه جِلالِ بَدیمی، جِلالی شایسه اون یِتا ریکا که پییِرِ طَرِفِ جِم بییَمو، که فِیض و حَییقتِ جِم پِرِ.

اِنجیلِ یوحنا 1:18

هیچ کس هیچ وَخت خِدا ره نَدیئه. ولی اون یِتا ریکا که پییِرِ پَلی دَره، وه خِدا ره اِما ره بِشناسِندیه.