اِنجیلِ مَتّی 12:39 - کتاب مقدس به زبان مازندرانی - گویش شرقی

³⁹ ولی عیسی جِواب هِدا: «شَریر و زِناکارِ قوم یِتا نِشونه خوانِنه ولی تینا نِشونی كه وِشونِ هِدا بونه، یونسِ پِیغَمبِرِ نِشونه.

گیله ماز

³⁹ وَلی عیسی جَواب هَدَه: «زَناکار و شَریرِ قوم ایتا نِشانه خَنِن، وَلی تَنها نِشانِه ایی که اوشانه هَدَه بونه، یونسِ پِیغَمبَرِ نِشانِئِه.

کتاب مقدس به زبان مازندرانی - گویش غربی

³⁹ ولی عیسی جِواب هادا: «زِناکار و شریرِ قوم یَتِه نِشونِه خواینِنِه، ولی تَنیا نِشونی گه وِشونِه هادا وونِه، یونسِ پِیغَمبَری نِشونِه.

اِنجیلِ مَتّی 12:39 Iomraidhean Croise

اِنجیلِ مَتّی 16:4

این زِناکار و شَریرِ نَسل، نِشونه خوانِنه، ولی نِشونه ای وِشونِ هِدا نَبونه به جِز یونِسِ پِیغَمبِرِ نِشونه. عیسی اینِ بااوته و وِشونِ جِم سیوا بَییه .

مَرقُس 8:12

عیسی شه دلِ جِم یِتا آه بَکِشیه و بااوته: «چه این نَسل نِشونهِ دِمبال دَرِنه؟ حَییقَتاً، شِما ره گامبه، این نَسلِ هیچ نِشونه ای هِدا نَوونه.»

مَرقُس 8:38

چوون هر کی این زِناکار و گِناهکارِ نَسلِ دِله مِ جِم و مِ گَبائه جِم عار داره، اِنسانِ ریکا هم وَختی که شه آسِمونی پییِرِ جِلالِ دِله، مِقدَّسِ فرشته هائه هِمراه بِیِّه، اون آدِمِ جِم عار داره.»

یعقوبِ نامه 4:4

ای زِناکارون، مگه نَدوندِنی دِنیائه هِمراه دوسی هاکاردِن، خِدائه هِمرا دِشمِنی هاکاردِنِ؟ پَس هر کی اینِ دِمبال دَره که دِنیائه هِمراه دوسی هاکانه، شه ره خِدائه دِشمِن کانده.