اِنجیلِ مَتّی 12:14 - کتاب مقدس به زبان مازندرانی - گویش شرقی

¹⁴ ولی عُلِمائه فِرقه فَریسی عِبادَتگاهِ جِم بیرون بوردِنه وعیسیِ بَکوشتِنِ وِسه نخشه بَکِشینه.

گیله ماز

¹⁴ وَلی عُلَمایِ فِرقِه فَریسی عِبادَتگاهِ جی دِرگا بَشَن و همدیگَرِ هَمرَه دَسیسِه دَچییَن چطورعیسی رِه بَکوشِن.

کتاب مقدس به زبان مازندرانی - گویش غربی

¹⁴ ولی عِلَمای فِرقِه فَریسی عِبادَتگاهی جا دیرگا بوردِنِه و عیسایی بَکوشتَنی سِه دَسیسِه دَچینِه.

اِنجیلِ مَتّی 12:14 Iomraidhean Croise

اِنجیلِ مَتّی 26:4

هَمدییهِ هِمراه نَخشه بَکِشینه که چی طی عیسی ره حیلهِ هِمراه دَسگیر هاکانِن و بَکوشِن.

اِنجیلِ مَتّی 27:1

وَختی صِواحی بَییه، گَت گَتِ کاهِنون و قومِ مَشایِخ جَمع بَینه و مَشوِرَت هاکاردِنه که عیسی ره بَکوشِن.

مَرقُس 14:1

دِ روز، پِسَخ و فَطیرِ عیدِ بَمونِسه بییه. مَعبِدِ گَت گَتِ کاهِنون و توراتِ مَلِّمون یِتا راهِ دِمبال دَیینه که عیسی ره کَلِکِ هِمراه بَیرِن و بَکوشِن،

مَرقُس 3:6

عُلِمائه فِرقه فریسی بیرون بُوردِنه و دَرجا هیرودیسِ پادشاه هوادارونِ هِمراه دَسیسه دَچینه که چی طی عیسی ره بَکوشِن.

لوقا 22:2

مَعبِدِ گَت گَتِ کاهِنون و توراتِ مَلِّمون یِتا راهِ دِمبال گِردِسِنه که چی طی عیسی ره بَکوشِن، چوون مَردِمِ جِم تَرسینه.

لوقا 6:11

ولی وِشون خَله عَصِبانی بَینه و شه میون مَشورت هاکاردِنه که عیسیِ هِمراه چی هاکانِن.

اِنجیلِ یوحنا 10:31

اون وَخت اَت کَش دییه یَهودیون سَنگ بَییتِنه تا وه ره سَنگسار هاکانِن.

اِنجیلِ یوحنا 10:39

اون وَخت اَت کَش دییه خواسِنه وه ره دسگیر هاکانِن، ولی عیسی وِشونِ دَسِ جِم دَر بُورده.

اِنجیلِ یوحنا 11:53

پَس، هَمون روزِ جِم نَخشه بَکِشینه عیسی ره بَکوشِن.

اِنجیلِ یوحنا 11:57

ولی مَعبدِ گَت گَتِ کاهِنون و عُلِمائه فِرقهِ فریسی دَستور هِدا بینه هر کی که دونده عیسی کجه دَره، خَوِر هاده تا وه ره دَسگیر هاکانِن.

اِنجیلِ یوحنا 5:18

اینِ وِسه، یَهودیون قَبلِ جِم ویشتر خواسِنه وه ره بَکوشِن، چوون نا فِقَط مِقدَّسِ شنبهِ قانونِ اِشکِسه، بلکه حَتَّی خِدا ره شه پییِر گاته و شه ره خِدائه هِمراه بِرابر دونِسه.

اِنجیلِ یوحنا 7:30

پَس وِشون اینِ دِمبال دَینه وه ره دستگیر هاکانِن، ولی هیچ کی وه سَمت دَس بِلِند نَکارده، چوون هَمتی وه وَخت نَرِسی بییه.

اِنجیلِ یوحنا 7:32

فریسیونِ گوش بَرِسیه که جَمیِّت عیسی خَوِری این طی گَب هایی زَندِنه. پَس مَعبِدِ گَت گَتِ کاهِنون و عُلِمائه فِرقه فریسی، مَعبِدِ نگهوونونِ بَفرِسینه تا وه ره دَسگیر هاکانِن.

اِنجیلِ یوحنا 7:44

بعضیا خواسِنه وه ره دَسگیر هاکانِن، ولی هیچ کی وه سَمت دَس بِلِند نَکارده.

اِنجیلِ یوحنا 8:59

پَس وِشون سَنگ بَییتِنه تا وه ره سَنگسار هاکانِن، ولی عیسی شه ره قایِم هاکارده و مَعبِدِ جِم بیرون بُورده.