اِنجیلِ مَتّی 11:2 - کتاب مقدس به زبان مازندرانی - گویش شرقی

² وَختی یحیی زنِدونِ دِله مَسیحِ کارائه جِم خَوِردار بَییه، شه شاگِردونِ طَریق وه وِسه پِیغوم بَفرِسیه

گیله ماز

² وَختی یحیی زِندانِ دِلِه مَسیح کارانِ جی خَبَردار هَبا، خودشه شاگِردان طریق جی اونه رِه پِیغام رَوانه هَکوردِه.

کتاب مقدس به زبان مازندرانی - گویش غربی

² وختی یحیی زیندونی دِلِه مَسیحی کارایی جا خَوَردار بَوِه، شی شاگِردِنی طریقی جا ویسِه پِیغِم بَرِسانیِه

اِنجیلِ مَتّی 11:2 Iomraidhean Croise

اِنجیلِ مَتّی 1:17

پَس تِمومِ نَسل ها ابراهیمِ جِم تا داوود چهارده نَسل و داوودِ جِم تا یَهودیونِ تَبعید به بابِل چهارده نَسل و تَبعیدِ دوره تا عیسی مَسیح، چهارده نَسل بینه.

اِنجیلِ مَتّی 14:3

چوون هیرودیس، هیرودیائه خاطِری كه وه بِرار فیلیپُسِ زِنا بییه، یحیی ره بَییته و وه دَس و لینگِ دَوِسه و وه ره زِندونِ دِله دِم هِدا.

اِنجیلِ مَتّی 4:12

وَختی عیسی بِشنُسِه یحیی دَستگیر بَییه، جلیل بورده،

اِنجیلِ مَتّی 9:14

یحییِ شاگِردون عیسی پَلی بییَمونه و بااوتِنه: «چه اِما و عُلِمائه فَریسی روزه گِرمی ولی تِ شاگِردون روزِه نَیرِنه؟»

مَرقُس 6:17

چوون هیرودیس بییه که دَستور هِدا یحیی ره بَیرِن و وه ره دَوِندِن و زِندونِ دِله دِم هادِن. هیرودیس این کارِ هیرودیائه خاطِری هاکارده بییه. هیرودیا، قبلتر فیلیپُسِ زِنا بییه که اَلان هیرودیس وه هِمراه آروسی هاکارده بییه.

لوقا 3:19

ولی چوون هیرودیسِ حاکم، شه بِرار زَن، هیرودیائه جَریانِ سَر و دییه شِرارتی که هاکارده بییه، یحییِ جِم توبیخ بَییه بییه،

لوقا 9:7

تِمومِ این جَریانِ خَوِر هیرودیسِ پادشاهِ گوش بَرِسیه، هیرودیس حیرون و سرگردون بَیی بییه، چوون بَعضی گاتِنه عیسی هَمون یحییِ که مِرده هائه جِم بِلِند بَییه.

اِنجیلِ یوحنا 4:1

وَختی عیسی بِفَهمسه که عُلِمائه فِرقه فریسی بِشنُسِنه وه یحییِ جِم ویشتر دِمبالِ رو دارنه و وِشونِ غسلِ تَعمید دِنه